Isaias 27:12 - Marahay na Bareta Biblia

¹² Sa aldaw na iyan, magpoon sa Salog nin Eufrates sagkod sa pagdolonan kan Egipto, saro-sarong titiponon nin Kagurangnan an saiyang banwaan, siring sa sarong tawo na naglalaen kan trigo sa ata.

Isaias 27:12 ပူးပေါင်းရင်းမြစ်များ

Genesis 15:18

Sa oras na idto nakipagtipan an Kagurangnan ki Abram asin nagtaram, “Nanunuga ako na itatao ko sa saimong mga kapagarakian an bilog na dagang ini, magpoon sa Egipto sagkod sa Salog nin Eufrates,

1 Mga Hade 8:65

Duman sa Templo, si Solomon asin an bilog na banwaan nin Israel nagselebrar kan Pyesta nin mga Harong-harong sa laog nin pitong aldaw. Dakul nin marahay an tawo na nagtiripon duman na hale pa sa harayong Dalan nin Hamat sa amihan sagkod sa pagdolonan nin Egipto sa habagat.

Nehemias 1:9

Alagad kun magbalik kamo sako asin magkuyog kan mga togon na itinao ko, titiponon ko kamo asin dadarahon sa lugar na pinili kong pagsambahan sako, maski pa magkawararak kamo sa mga poro nin kinaban.’

Salmo 68:22

Nagtaram an Kagurangnan, “Ibabalik ko sinda hale sa Basan, ibabalik ko sinda hale sa mga kairaroman nin dagat,

Salmo 72:8

Maghade logod siya poon sa dagat sagkod sa dagat, poon sa Eufrates sagkod sa mga poro kan daga.

Isaias 17:6

Kadikit sanang tawo an matatada, asin an Israel makakaarog sa sarong kahoy nin oliba na ginunoan nin mga bunga: duwa o tolo sanang bunga kaini an matatada sa mga sanga sa itaas o sa ibaba. Ako, an Kagurangnan Dios nin Israel, an nagtaram.”

Isaias 49:5

Bago ako namundag pinili na ako nin Kagurangnan; ginibo akong sorogoon niya nganing ibalik an mga nagkawararak na tawo nin Israel. Tinatawan ako nin kaomawan kan Kagurangnan; an sakong kosog saiya minagikan.

Isaias 56:8

An Kagurangnan Dios, na nagdara pabalik kan saiyang banwaan hale sa pagkatapokan, nangako na dadarahon pa niya an ibang tawo tanganing makaiba kan saiyang banwaan.

Jeremias 3:14

“Bakong maimbod na banwaan, magbalik kamo huli ta ako an saindong Kagurangnan. Makua ako saindo nin saro sa lambang banwa asin duwa sa lambang kamaganakan, dangan ibabalik ko kamo sa Bukid nin Sion.

Jeremias 44:28

Alagad an nagkapira saindo makakadulag sa kagadanan saka mabalik sa Juda hale sa Egipto. Dangan maaaraman kan mga natadang ini kun kiisay na tataramon an magkakatotoo, an sako o an sainda.

Ezekiel 20:34

Ipapahiling ko saindo an sakong kaanggotan asin an sakong kapangyarihan kun tiponon ko na kamo hale sa gabos na daga na nagkawararakan saindo.

Ezekiel 20:41

Pakatapos na iluwas ko kamo sa mga daga na pinagwarakan saindo asin pakatipona ko saindo, aakoon ko an mga sakripisyo na tututongon nindo, dangan mahihiling kan mga nasyon na ako banal.

Ezekiel 39:25

Nagtaram an Kagurangnan Dios, “Alagad ngunyan maheherak ako sa kapagarakian ni Jacob, sa banwaan nin Israel, asin papauswagon ko giraray sinda. Iingatan ko an banal kong ngaran.

Ezekiel 47:19

“An pagdolonan sa habagat mapoon sa Tamar dangan mapasiring sa habagat-solnopan sa Meribat-Kades; dangan mapasiring sa amihan-solnopan, mamamaybay sa Sapa nin Egipto sagkod sa Dagat nin Mediteraneo.

Amos 9:9

“Ako an magboboot asin an magsasaligsig kan banwaan nin Israel arog kan pagsaligsig sa trigo. Sasaligsigon ko sinda sa tahaw kan mga nasyon tanganing mahale an gabos na mayo nin halaga.

Zacarias 8:7

Ililigtas ko an sakong banwaan hale sa mga dagang pinagdarahan sainda,

Lukas 15:4

“Halimbawa saro saindo igwa nin sanggatos na karnero alagad may sarong mawara, ano an gigibohon niya? Bako daw na babayaan niya an nobenta y nwebeng karnero sa pasabsaban dangan hahanapon an saro na nawawara sagkod na makua niya?

Juan 10:16

Igwa akong ibang mga karnero na mayo sa toril na ini. Kaipuhan na ilaog ko man sinda; madangog sinda sa tingog ko. Kaya magigin saro an ariponpon asin saro an pastor.

Juan 6:37

Madolok sako an gabos na itinatao sako nin Ama. An siisay man na magdolok sako dai ko isisikwal,

Josue 15:4

padagos sa Asmon, asin minasunod sa sapa na nasa pagdolonan nin Egipto dangan minatapos sa Dagat nin Mediteraneo. Iyo ini an pagdolonan sa habagat kan daga ni Juda.