Isaias 27:1 - Marahay na Bareta Biblia

¹ Sa aldaw na iyan, gagamiton nin Kagurangnan an saiyang mapangyari saka nakakagadan na espada tanganing padusahan an Leviatan, an nagdudulag saka nagbubulonbukon na halas, asin tanganing gadanon an dragon na yaon sa dagat.

Isaias 27:1 ပူးပေါင်းရင်းမြစ်များ

An Libro ni Job 26:13

An saiyang hinangos nakapalinaw kan kalangitan; ginadan kan kamot niya an nagdudulag na halas.

An Libro ni Job 3:8

Sumpaon logod idto kan mga minasumpa kan aldaw, kan mga nakakapabangon sa Leviatan.

An Libro ni Job 40:19

“Siya an pangenot sa gabos kong linalang! An saiyang Kaglalang sana an makakadaog saiya.

An Libro ni Job 41:1

“Madadakop mo daw an Leviatan sa paagi nin banwit o magagakodan nin pisi an saiyang dila?

Salmo 104:26

Sa ibabaw kan dagat naglalayag an mga sakayan, mantang sa irarom nagkakawat an Leviatan na saimong linalang.

Salmo 45:3

Ihagkos mo an saimong espada, O mapangyaring hade; mamuraway ka asin mapangyari.

Isaias 26:21

Huli ta madatong an Kagurangnan hale sa langitnon niyang erokan tanganing padusahan an mga tawo kan saindang mga kasalan. An mga panggagadan na ginibo sa hilom mahahayag, asin dai na tatagoon kan daga an mga bangkay kan mga nagkagaradan.

Isaias 51:9

Pagmata, Kagurangnan, asin kami saimong tabangan! Gamita an saimong kapangyarihan asin kami ligtasan; gamita iyan siring kan ginibo mo kaidtong panahon. Ika an nagperedaso kan impakto sa dagat na si Rahab.

Isaias 65:12

Magigin palad nindo an magadan sa madahas na paagi, huli ta dai kamo nagsimbag kan apodon ko kamo, ni nagdangog kan ako magtaram. Pinili nindong isikwal ako asin naggibo kamo nin maraot.

Isaias 65:25

Sabay na magkakakan an lalaw na ayam saka an kordero; magkakakan nin dagami an leon siring kan baka, asin dai na mangangagat an halas. Sa Sion, an sakong banal na bulod, mayo nin anoman na makakakulog o makakaraot.”

Isaias 66:16

Sa paagi kan espada asin kalayo papadusahan niya an gabos na tawo sa daga, mga tawong nagkasala—asin dakul sainda an magagadan.

Jeremias 47:6

Nagkukurahaw kamo, ‘Espada kan Kagurangnan; sagkod nuarin ka manlulugad? Maglaog ka sa saimong sarongan, mag-ontok ka saka magpahingalo!’

Jeremias 51:13

An nasyon na idto igwa nin kadakul na salog saka kayamanan, alagad nag-abot na an saindang kataposan; sagkod na sana diyan an saindang buhay.

Jeremias 51:34

An Jerusalem binaak kan hade nin Babilonia dangan kinakan. Binayaan niya iyan na mayo nin laog arog sa sarong tapayan; arog siya sa sarong sawa na huminalon kaiyan. Kinua niya an saiyang nagustohan dangan itinapok an iba.

Ezekiel 29:3

Sabihan mo siya na ini an itinataram nin Kagurangnan Dios: Kalaban taka, hade nin Egipto, ika na sarong dakulang buaya, na naglulubgob sa salog. Nagsasabi kang saimo an Nilo asin ika an naggibo kaiyan.

Amos 9:3

Maski magtago sinda sa alitoktok kan Bukid nin Carmelo, hahanapon ko sinda asin dadakopon. Maski tagoan ninda ako sa irarom kan dagat, susugoon ko an impakto na yaon diyan tanganing kagaton sinda.

Kapahayagan 12:3

Saro pang tanda an nagtunga sa langit; igwa nin sarong dakulang dragon na kolor pula, may pitong payo saka sampolong sungay, asin may korona an lambang payo kaiyan.

Kapahayagan 13:11

Dangan nahiling ko an saro pang hayop na nagluluwas hale sa daga. Igwa ini nin duwang sungay na garo sungay nin kordero, alagad nagtataram arog kan dragon.

Kapahayagan 13:4

Sinamba ninda an dragon huli ta itinao niya an saiyang awtoridad sa hayop. Sinamba man ninda an hayop dangan nagsabi sinda, “Siisay an kabaing kan hayop? Siisay an malaban saiya?”

Kapahayagan 16:13

Nahiling ko an tolong maating espiritu na garo mga talapang na nagluluwas: saro sa ngoso kan dragon, saro sa ngoso kan hayop, asin saro sa ngoso kan bakong tunay na propeta.

Kapahayagan 17:1

Dangan nagdolok sako an saro kan pitong anghel na may pitong mangko asin nagsabi, “Madya, ipapahiling ko saimo an padusa kan pinakamaraot na babae—an dakulang syudad na nakatugdok harani sa dakul na salog.

Kapahayagan 17:15

Nagsabi pa sako an anghel, “An nahiling mong mga tubig na natutukawan kan maraot na babae iyo an mga banwaan, mga katawohan, mga rasa asin mga lengwahe.

Kapahayagan 19:21

An saindang mga hukbo nagkagaradan sa espadang nagluwas sa ngoso kan nangangabayo; an gabos na gamgam nagpahinggustong magtuka kan laman kan nagkagaradan.

Kapahayagan 2:16

Kaya magbakle kamo! Ta kun dai, madiyan tolos ako dangan lalabanan ko an mga tawong iyan kan espada nin sakong ngoso.

Kapahayagan 20:2

Dinakop niya an dragon, an kasuanoy na halas na iyo an Diablo o Satanas, saka kinadenahan sa laog nin sangribong taon.