Isaias 26:5 - Marahay na Bareta Biblia

⁵ Siya an nagpababa kan mga mapaabaw-abaw; rinaot niya an pusog na syudad na saindang pinag-eerokan, asin rinumpag niya an mga kudal kaiyan.

Isaias 26:5 ပူးပေါင်းရင်းမြစ်များ

Salmo 79:8

Dai mo kami pagpadusahan huli sa kasalan kan samong mga ginikanan; madya sa pagtabang samuya ngunyan, huli ta nawawaran kami nin paglaom.

Isaias 13:11

Nagsasabi an Kagurangnan, “Papadusahan ko an kinaban asin an gabos na maraot huli kan saindang mga kasalan. Ibababa ko an gabos na mapaabaw-abaw asin papadusahan ko an gabos na mapalangkaw saka makuri.

Isaias 14:13

Boot mo kaidtong maabot an langit asin ikabugtak an saimong trono sa itaas kan pinakahalangkaw na mga bitoon. Naghohona kang magtutukaw ka siring sa sarong hade sa ibabaw kan bukid sa amihan saen nagtitiripon an mga dios.

Isaias 2:12

Huli ta an Kagurangnan nin mga hukbo igwa nin aldaw na inandam laban sa gabos na mapaabaw-abaw saka mapalangkaw, laban sa gabos na ilinangkaw asin itinaas;

Isaias 24:10

Sa syudad, an gabos karibongan, asin pinipintoan kan mga tawo an saindang mga harong tanganing magin ligtas.

Isaias 25:2

Ginaraba mo an mga syudad asin rinaot mo an mga pampapusog kaiyan. Mayo na an mga palasyo na itinugdok kan samong mga kaiwal; dai na nanggad iyan hihirahayon.

Isaias 32:19

Alagad mahugpa an uran nin yelo sa mga kadlagan, asin magagaba an syudad.)

Isaias 47:1

Nagsasabi an Kagurangnan, “Babilon, humilig ka sa saimong trono, asin tumukaw ka sa alpog kan daga. Kaidto nakakaagid ka sa sarong birhen, sarong syudad na dai nasakop, alagad bako ka nang lumbod asin mabini! Saro ka nang oripon ngunyan!

Jeremias 51:37

An nasyon na iyan magigin sarong tambak nin mga raot, na pag-eerokan nin mga lalaw na hayop. Siya magigin sarong tanawon na nakakatakot; mayo na nin mag-eerok duman, asin an gabos na makahiling saiya magkakamorongnan.

Jeremias 51:64

asin magsabi ka, ‘Iyo ini an mangyayari sa Babilonia—mairarom siya asin dai na maibabaw giraray huli kan kapahamakan na ipapadara saiya nin Kagurangnan.’” Digdi natatapos an mga tataramon ni Jeremias.

Mga Panambitan 2:2

Mayo nin pagkaherak na rinaot nin Kagurangnan an lambang harong sa Juda; sa kaanggotan rinumpag niya an mga bantayan nin depensa kan daga. Dinarahan niya nin kasosopgan an kahadean asin an mga namamayo kaiyan.

Ezekiel 26:11

An saindang nakakabayong mga soldados garo mga bagyong maaragi sa saimong mga tinampo sa paggadan kan saimong mga namamanwaan. Marurumpag an mga darakula mong harigi.

Ezekiel 28:17

Nagpaabaw-abaw ka huli kan saimong pagkagwapo, asin an kabantogan mo iyo an nagdagka saimo na mamuhay na garo lolong. Huli kaini, itinapok taka sa daga dangan binayaan bilang sarong patanid para sa ibang mga hade.

Kapahayagan 18:2

Nagkurahaw siya nin makosog, “Narumpag na, narumpag na an dakulang Babilonia! Ngunyan erokan na siya kan mga demonyo, lugar na tagoan kan mga maating espiritu asin kan gabos na klaseng maati saka nakakaongis na mga gamgam.