Isaias 26:19 - Marahay na Bareta Biblia

¹⁹ Mabubuhay giraray an samong mga gadan! Mabangon an saindang mga hawak. Mamata asin maawit sa kaogmahan an mga nagkakatorog sa saindang lulubngan. Siring na pinapaogma kan ambon an mamarang daga, bubuhayon man nin Kagurangnan an haloy nang nagkagaradan.

Isaias 26:19 ပူးပေါင်းရင်းမြစ်များ

An Libro ni Job 14:8

Maski maggurang an mga gamot kaiyan asin an pungo magadan sa daga,

An Libro ni Job 29:19

Arog ako sa sarong kahoy na an mga gamot danay na may tubig, na an mga sanga bilog na bangging igwa nin ambon.

Salmo 110:3

Sa aldaw na labanan mo an saimong mga kaiwal, sa marahay na boot iibahan ka kan saimong banwaan. Siring sa ambon nin kaagahon, an mga hoben na lalaki madatong saimo diyan sa banal na kabubuldan.

Salmo 22:15

Siring sa mamarang alpog halonan ko naaalang; dila ko nakadukot sa sakong ngaragngag. Hinutad mo ako sa alpog nin kagadanan.

Salmo 22:29

Mga mapaabaw-abaw sa daga maduko sa saiyang atubang; masamba saiya gabos na linalang, na sa alpog mabalik kun mayo na nin buhay.

Salmo 71:20

Pinadarahan mo ako nin mga makuring kasakitan, alagad ako papakosogon mo giraray, babangonon hale sa lulubngan.

Salmo 88:11

An danay mong pagkamoot irinurukyaw daw sa lulubngan, sa lugar nin padusa an saimong kaimbodan?

Isaias 18:4

Sinabihan ako nin Kagurangnan, “Madungaw ako hale sa langit na mayong ribok arog kan ambon na nahahaman sa mga bangging maalingahot kun tig-ani; mayong ribok siring sa pagliwanag kan aldaw kun odto.

Isaias 25:8

Hahalonon nin Kagurangnan Dios an kagadanan sagkod pa man, asin papahidon niya an mga luha sa gabos na lalawogon patin hahaleon niya an kasosopgan na tinios kan saiyang banwaan sa bilog na kinaban. An Kagurangnan an nagtaram!

Isaias 51:17

Pagmata, O Jerusalem! Pagmata asin pagbangon! Ininom mo an kalis nin padusa na ipinainom saimo nin Kagurangnan sa saiyang kaanggotan; inubos mo iyan, dangan ika nagsasayasay.

Daniel 12:2

Mabubuhay giraray an kadaklan sa mga gadan na; an nagkapira mabubuhay sagkod pa man, mantang an iba magtitios nin daing kataposan na kasosopgan.

Oseas 13:14

Dai ko ililigtas an banwaan na ini sa kinaban kan mga gadan o sa kapangyarihan nin kagadanan. Kagadanan, padagosa an pagpapasakit mo! Kinaban kan mga gadan, padagosa an panggagaba mo! Dai ko na nanggad maheherakan an banwaan na ini.

Oseas 14:5

Ako magigin arog sa uran sa sarong mamarang daga para sa banwaan nin Israel. Mamumurak sinda siring sa lirio; magigin pusog an saindang pagkagamot arog sa mga kahoy nin Lebanon.

Oseas 6:2

Pakalihis nin duwa o tolong aldaw, bubuhayon niya giraray kita asin mamumuhay kita sa saiyang atubang.

Zacarias 8:12

Matoninong sindang magtatanom. Mamumunga nin ubas an saindang mga balagon, mataralubo sa daga an saindang tinanom, asin magkakaigwa nin tamang uran. Itatao ko an gabos na biyayang ini sa mga natadang namamanwaan sa sakong nasyon.

Mateo 27:52

Nagkaburuksan man an mga lulubngan asin nabuhay liwat an mga banal.

Mateo 27:58

Nagduman siya ki Pilato dangan hinagad an bangkay ni Jesus. Nagboot si Pilato na itao an bangkay ki Jose.

Mga Gibo 24:15

Arog ninda, naniniwala man ako na bubuhayon liwat nin Dios an mga gadan, mga banal man o bako.

1 Corinto 15:20

Alagad an totoo, si Cristo binuhay liwat sa mga gadan bilang patotoo na bubuhayon liwat an mga gadan.

Efeso 5:14

huli ta an anoman na nahahayag, nagigin liwanag, kaya sinasabi, “Pagmata, ika na natotorog, magbangon ka hale sa mga gadan, asin liliwanagan ka ni Cristo.”

Deuteronomio 32:2

Maghulog logod siring sa uran an sakong katukdoan, siring sa ambon sa ibabaw nin daga, siring sa tagiti sa mga doot saka mga tinanom.

Deuteronomio 33:13

Nagsabi si Moises manongod ki Jose: “Bendisyonan logod nin Kagurangnan an saiyang daga nin uran hale sa kaitaasan, nin tubig hale sa kairaroman.

Deuteronomio 33:28

Kaya an Israel nag-eerok sa katoninongan, sa daga na mayaman sa ani asin sa arak, na binabaribi kan ambon nin kalangitan.

Filipos 3:10

Dai akong ibang minamawot kundi an mamidbidan si Cristo asin makamtan an kapangyarihan kan saiyang pagkabuhay liwat, makahiras sa saiyang mga kasakitan, dangan makaarog saiya sa pagkagadan niya,

Filipos 3:21

Riribayan niya an satong malalapaon na hawak, asin gigibohon niyang arog kan saiyang mamurawayon na hawak, sa paagi kan kapangyarihan na ginagamit niya sa pagsakop kan gabos.

1 Samuel 2:6

An Kagurangnan an minagadan asin minabuhay liwat; isinosobol niya an mga tawo sa Sheol asin binubuhay giraray.