Isaias 26:17 - Marahay na Bareta Biblia

¹⁷ Ika, Kagurangnan, an nagpaagrangay sa samo siring sa pag-agrangay nin sarong babaeng nangangaki.

Isaias 26:17 ပူးပေါင်းရင်းမြစ်များ

Genesis 3:16

Dangan tinaraman niya an babae, “Dadagdagan ko an kulog na titioson mo sa saimong pagbados asin pag-aki. Alagad, dai mawawara an saimong pagmawot para sa saimong agom asin siya an saimong pagkukuyogon.”

Salmo 48:6

Duman inabtan sinda nin takig, nin kulog siring sa babaeng nangangaki;

Isaias 13:8

Gabos sinda matatakot asin makakamate nin kulog, arog kan kulog na namamatean nin sarong babaeng nangangaki. Hihilingon nin sarong tawo an saiyang kapwa sa takot, asin an saindang mga lalawogon mamumula sa sopog.

Isaias 21:3

An nahiling saka nadangog ko sa bisyon nagdara sako nin kamondoan asin kulog, kulog na arog kan namamatean nin sarong babaeng nangangaki.

Isaias 37:3

Iyo ini an ipinapataram niya ki Propeta Isaias: “An aldaw na ini aldaw nin kahaditan, kapadusahan asin kasosopgan; dapat nang mamundag an aki alagad dai siya ikinakaluwas kan ina huli ta mayo na ini nin kosog.

Jeremias 30:6

Pag-ontok ngunyan saka paghorophorop! Mangangaki daw an sarong lalaki? Tadaw ta kapot kan lambang lalaki an saiyang tulak arog sa sarong babae na nangangaki? Tadaw ta nanlolongsi an lambang saro?

Jeremias 4:31

Nakadangog ako nin inagrangay, na arog kan sa babaeng nangangaki, nin kinurahaw na arog kan sa babaeng nangangaki nin panganay. Ini an inagrangay kan Jerusalem, na nagsasakit na sa paghangos, na nag-iitaas kan saiyang kamot saka nagsasabi, “Herak man sako! Maabot na sinda tanganing gadanon ako!”

Jeremias 6:24

“Nadangog nyamo an bareta,” an sabi kan mga taga Jerusalem, “asin nanluya an samong mga kamot; inabotan kami nin hadit saka kulog arog sa sarong babae na nangangaki.

Juan 16:21

Kun an sarong babae madali nang mangaki, namomondo siya, huli ta an kulog kan saiyang pangaki nag-abot na. Alagad pakapangaki, dai na niya naroromdoman an kulog, huli sa kaogmahan na namundag an sarong omboy sa kinaban.

1 Tesalonica 5:3

Kun an mga tawo nagsasabi, “An gabos matoninong saka mayong pag-alaman,” dangan biglang maabot an kapahamakan sainda! Maabot iyan arog kan kulog na namamate kan babaeng madali nang mangaki; dai ninda iyan madudulagan.

Kapahayagan 12:2

Siya bados saka napapakurahaw sa sobrang kulog asin sakit nin pangaki.