Isaias 26:15 - Marahay na Bareta Biblia

¹⁵ Alagad, pinadakula mo an samong nasyon, Kagurangnan; pinahiwas mo an mga pagdolonan kaiyan, asin iyan an nagdara saimo nin kamurawayan.

Isaias 26:15 ပူးပေါင်းရင်းမြစ်များ

Genesis 12:2

Gigibohon takang sarong dakulang nasyon, bebendisyonan taka asin gigibohon kong bantog an saimong ngaran tanganing ika magin sarong bendisyon.

Genesis 13:16

Papadakulon ko siring sa alpog kan daga an saimong mga kapagarakian. Dai nin makakabilang sainda huli ta mayo nin makakabilang kan alpog kan daga.

1 Mga Hade 8:46

“Kun magkasala sinda saimo, huli ta mayo nin tawo na dai nagkakasala, asin sa kaanggotan pabayaan mo sindang madaog saka mabihag kan saindang mga kaiwal sa harayo o haraning lugar,

2 Mga Hade 17:23

sagkod na pinara sinda nin Kagurangnan sa saiyang panhiling, siring kan saiyang itinaram sa paagi kan gabos niyang propeta na saiyang mga sorogoon. Kaya itinapok an Israel sa Asiria, saen nag-eerok sinda sagkod ngunyan.

2 Mga Hade 17:6

Kan ikasiyam na taon kan paghahade ni Hosea, nasakop kan emperador nin Asiria an Samaria. An mga Israelita dinara niya sa Asiria bilang mga bihag, dangan pinaerok sa syudad nin Hala, asin sa harani kan salog nin Habor sa distrito nin Gozan, saka sa mga syudad nin Media.

2 Mga Hade 23:27

Nagtaram an Kagurangnan, “Gigibohon ko sa Juda an ginibo ko sa Israel: Paparaon ko sa sakong panhiling an Juda, saka isisikwal ko an Jerusalem, an syudad na pinili ko, asin an Templo, an sinabi kong lugar na pagsasambahan sako.”

Nehemias 9:23

Pinadakul mo an saindang kapagarakian siring sa mga bitoon sa langit; pinamugtak mo sinda sa daga na ipinanuga mong itatao sa saindang mga kapagarakian.

An Libro ni Job 12:23

Pinapakosog asin pinapadakula niya an mga nasyon dangan dinadaog saka rinurumpag niya an mga iyan.

Isaias 10:22

Huli ta maski siring sa baybay sa pangpang nin dagat an bilang kan mga tawo sa Israel ngunyan, kadikit sana sainda an makakabalik. Kagadanan an itinagama sa mga tawo, asin maninigo nanggad iyan.

Isaias 33:17

Mahihiling nindo an hade sa saiyang kagayonan, asin an sarong daga na mahiwas nin marahay.

Isaias 40:5

Dangan mahahayag an kamurawayan nin Kagurangnan, asin mahihiling iyan kan gabos na katawohan. An Kagurangnan mismo an nagtaram kaini.

Isaias 44:23

Pagkurahaw sa kaogmahan, o kalangitan! Pagkurahaw, o hararom na mga lugar kan daga! Pagkurahaw sa kaogmahan, o kabukidan, asin lambang kahoy kan kadlagan! Ipinahiling nin Kagurangnan an saiyang kadakulaan sa pagligtas kan saiyang banwaan na Israel.

Isaias 6:12

Isusubol ko an mga tawo sa hararayong lugar asin mayo na nin mag-eerok sa bilog na daga.

Isaias 60:21

Magigin matanos an saimong namamanwaan, asin sasadirihon ninda an daga sagkod lamang. Ako an nagtanom sainda, an naggibo sainda, tanganing ipahayag ninda an sakong kamurawayan.

Isaias 9:3

Tinawan mo sinda nin dakulang kaogmahan, Kagurangnan; pinaogma mo sinda. Naoogma sinda sa saimong ginibo, siring na naoogma an mga tawo kun sinda nag-aani o kun sinda naghihiras kan mga sinamsam.

Jeremias 30:19

An mga nag-eerok duman mag-aawit nin pag-omaw; magkukurahaw sinda sa kaogmahan. Huli kan sakong bendisyon madakul sinda sa bilang; an sakong bendisyon matao sainda nin kaomawan.

Jeremias 32:37

Titiponon ko an mga tawo hale sa gabos na nasyon na pinagwarakan ko sainda kan ako maongis saka maanggot sainda. Ibabalik ko sinda sa lugar na ini asin matiwasay na pag-eerokan digdi.

Ezekiel 36:24

Hahaleon ko kamo sa lambang nasyon asin daga dangan ibabalik ko kamo sa sadiri nindong daga.

Ezekiel 5:12

An ikatolong kabtang kan saimong banwaan magagadan sa helang saka sa makuring gutom; an saro pang kabtang magagadan sa espada sa luwas kan syudad; asin an saro pang kabtang iwawarak ko sa gabos na direksyon dangan lalamagon ko nin espada.

Mga Bilang 23:10

An mga kapagarakian nin Israel siring sa alpog. Dai sinda mabibilang huli ta dakul nin marahay. Mapasako logod an kagadanan kan matanos, Asin an sakong kataposan magin logod siring kan saiya!”

Lukas 21:24

An iba magagadan sa gera, asin an iba dadarahon bilang mga bihag sa gabos na nasyon; rurumpagon kan mga pagano an Jerusalem sagkod na maotob an panahon ninda.

Juan 15:8

Napapamuraway an sakong Ama kun namumunga kamo nin dakul; iyan nagpapatotoo na kamo mga disipulo ko.

Juan 17:1

Pakataram kaini ni Jesus, nagtingkalag siya sa langit asin nagsabi, “Ama, nag-abot na an oras. Pamurawaya an saimong Aki tanganing pamurawayon ka kan Aki.

Deuteronomio 10:22

Kan magduman sa Egipto an saindong mga ginikanan, setenta sana sinda; alagad ngunyan pinadakul kamo nin Kagurangnan na saindong Dios siring sa mga bitoon sa langit.

Deuteronomio 28:25

“Ipapadaog kamo nin Kagurangnan sa saindong mga kaiwal. Masalakay kamo sainda hale sa sarong direksyon, alagad madulag kamo pasiring sa gabos na direksyon; mangalas an gabos na tawo sa daga kun mahiling ninda an nangyari saindo.

Deuteronomio 28:64

“Iwawarak kamo nin Kagurangnan sa gabos na nasyon, sa gabos na poro nin daga; malingkod kamo duman sa mga dios-dios na gibo sa kahoy saka gapo, mga dios-dios na dai pa nindo sinamba ni kan saindong mga ginikanan.