Isaias 26:11 - Marahay na Bareta Biblia

¹¹ Dai naaaraman kan saimong mga kaiwal na papadusahan mo sinda. Sopogon mo sinda, Kagurangnan, asin patiosa sinda; patiosa sinda kan padusa na saimong inandam. Pahilingan sainda kun gurano an pagkamoot mo sa saimong banwaan.

Isaias 26:11 ပူးပေါင်းရင်းမြစ်များ

An Libro ni Job 34:27

huli ta nag-ontok sinda sa pagsunod saiya, asin dai sinda nagkuyog kan gabos niyang pagboot.

Salmo 10:12

Tumindog ka, Kagurangnan; O Dios, itaas mo an saimong kamot! Hare paglingawe an mga nagtitios!

Salmo 21:8

Dadakopon kan hade an gabos niyang kaiwal; dadakopon niya an mga naoongis saiya.

Salmo 28:5

Buta sinda sa mga gibo nin Kagurangnan, sa mga gibo nin saiyang mga kamot; kaya rurumpagon niya sinda asin dai na papatindogon sagkod pa man.

Salmo 78:63

An saindang mga hoben na lalaki nagadan sa gera, asin mayo nin nag-agom sa saindang mga daraga.

Salmo 86:17

Kagurangnan, pahilingan sako an tanda kan saimong pagkamaheherakon, tanganing masopog an mga anggot sako, kun mahiling ninda na rinaranga asin tinatabangan mo ako.

Exodo 9:14

Ngunyan, bako sana an saimong mga opisyal saka mga nasasakopan an papadusahan ko, kundi sagkod ika, tanganing maaraman mo na mayo nin makakaarog sa sako sa bilog na kinaban.

Isaias 1:31

Siring na an dagami nasusulo kan manok-manok nin kalayo, mapapahamak man an mga mapangyaring mga tawo huli kan saindang maraot na gibo asin mayo nin makakaontok kan saindong pagkaraot.

Isaias 10:16

Kaya an Kagurangnan nin mga hukbo mapadara nin helang tanganing padusahan an mga basog ngunyan. Magkakaigwa sa saindang mga hawak nin garo sarong kalayo na padagos na naglalaad.

Isaias 10:17

An Dios, an ilaw nin Israel, magigin sarong kalayo. An banal na Dios nin Israel magigin sarong laad na mahalon kan gabos, maski kan mga binit saka mga tonok sa saro sanang aldaw.

Isaias 11:13

Dai na pag-iimonan kan kahadean nin Israel an Juda, asin dai na magigin kaiwal nin Israel an Juda.

Isaias 18:3

Hanapa nindo, kamong mga nag-eerok sa kinaban, an tanda na iiitaas sa mga alitoktok kan kabukidan! Dangoga nindo an pagtanog kan trompeta!

Isaias 37:32

Magkakaigwa man nin mga tawong matatada sa Jerusalem asin sa Bukid nin Sion, huli ta iyan an boot mangyari kan Kagurangnan nin mga hukbo.

Isaias 42:13

An Kagurangnan minaluwas siring sa sarong paralaban; andam asin boot makigera. Minakurahaw siya bilang tanda nin pagsalakay; ipinapahiling niya an saiyang kapangyarihan laban sa saiyang mga kaiwal.

Isaias 44:18

Mga lolong an siring na mga tawo; dai ninda aram an saindang ginigibo. Pinirong ninda an saindang mga mata saka sineserahan an saindang isip sa katotoohan.

Isaias 44:9

Mayo nin halaga an gabos na naggigibo nin ladawan, asin mayong pakinabang an mga dios-dios na saindang pinapahalagahan. An mga nagsasamba sa mga dios-dios na ini mga buta saka mayong naaaraman—asin mapapasopog sinda.

Isaias 5:24

Kaya siring na hinahalon kan dila nin kalayo an dagami, siring na minakulpa an alang na doot sa kalayo, malalapa an saindang mga gamot, maaalang saka mararakdag an saindang mga burak huli ta isinikwal ninda an katogonan kan Kagurangnan nin mga hukbo, asin saindang pinag-olog-olog an tataramon kan banal na Dios nin Israel.

Isaias 59:17

Isusulot niya an hustisya siring sa sarong gubing na panggera asin an kapangganahan siring sa sarong helmet. Isusulot niya an gubing nin pagbalos tanganing tanoson an gabos na bagay asin tanganing baloson an mga karatan na tinitios kan mga tawo.

Isaias 60:14

An mga aking lalaki kan nang-api saimo madaratong asin maduruko kan saindang payo sa pagpahiling kan saindang paggalang. An gabos na nag-olog-olog saimo magsasamba sa saimong pamitisan. Aapodon ka nindang, ‘An Syudad kan Kagurangnan,’ ‘Sion, an Syudad kan Banal na Dios nin Israel.’

Isaias 63:15

Kagurangnan, dungawa kami hale sa langit, saen nag-eerok ka sa saimong kabanalan asin kamurawayan. Haen an saimong dakulang pagmakulog sa samo? Haen an saimong kapangyarihan? Haen an saimong pagkamoot asin pagkaherak? Hare kami pagpabayae.

Isaias 66:15

Madatong an Kagurangnan na may darang kalayo, asin malunad siya sa mga pakpak nin sarong bagyo, tanganing padusahan an mga tawong naanggotan niya.

Isaias 66:24

“Mantang naghahale sinda, mahihiling ninda an mga bangkay kan mga tawong nagrebelde tumang sako. An mga ulod na nagkakakan sainda dai magagadan, asin an kalayong nagsusulo sainda dai nanggad mapapalsok. An tanawon na iyan ikakauyam kan bilog na katawohan.

Isaias 66:5

Dangoga nindo kun ano an sinasabi nin Kagurangnan, kamo na may pagkatakot asin nagkukuyog saiya: “Huli ta maimbod kamo sako, naoongisan kamo kan saindong mga kahimanwa asin isinisikwal. Pinag-oolog-olog kamo asin nagsasabi sinda, ‘Ipahiling logod nin Kagurangnan an saiyang kadakulaan asin iligtas kamo, tanganing mahiling mi kamo na nag-oogma.’ Alagad sinda man sana an mapapasopog!

Isaias 9:18

An karatan kan mga tawo naglalaad siring sa kalayo na nakakatutong sa mga binit saka mga tonok. Naglalaad iyan siring sa sarong kalayo sa kadlagan na nagpapaturon nin mahibog na aso.

Isaias 9:19

Huli ta anggot an Kagurangnan nin mga hukbo, an padusa niya maglalaad siring sa kalayo na matutong kan daga asin magadan sa mga tawo; kaya an lambang saro dai maheherak maski sa saiyang tugang.

Isaias 9:7

Padagos na mag-uuswag an saiyang paghahade asin danay na may katoninongan an saiyang kahadean. Maghahade siya bilang kasalihid ni Hadeng David. Ipapatugmad niya an saiyang kapangyarihan sa hustisya saka sa katanosan, magpoon ngunyan asin sagkod pa man. An Kagurangnan nin mga hukbo iyo an maigot na magibo kan gabos na ini.

Jeremias 44:28

Alagad an nagkapira saindo makakadulag sa kagadanan saka mabalik sa Juda hale sa Egipto. Dangan maaaraman kan mga natadang ini kun kiisay na tataramon an magkakatotoo, an sako o an sainda.

Jeremias 5:3

An kaimbodan iyo an hinahanap nin Kagurangnan. Hinampak niya kamo, alagad dai nindo namatean an kulog kaiyan; rinonot niya kamo, alagad dai nanggad kamo nakanood. Nagin matagas an saindong mga payo, asin habo nanggad nindong talikodan an saindong mga kasalan.

Mikas 5:9

Madadaog kan Israel an saiyang mga kaiwal asin roronoton niya sinda.

Mikas 7:10

Dangan mahihiling iyan kan samong mga kaiwal asin mawawaraan sinda nin onra—an parehong mga kaiwal na nag-olog-olog samo sa pagsabing, “Haen an Kagurangnan na saindong Dios?” Mahihiling mi sindang daog, na tinitimaktimakan arog sa laboy sa mga tinampo.

Mikas 7:16

Mahihiling ini kan mga nasyon asin masosopog sinda, huli ta makokosog sinda. Sa katakotan, titikomon ninda an saindang mga ngoso asin tatahoban an saindang mga talinga.

Malakias 4:1

Nagsasabi an Kagurangnan nin mga hukbo, “Nagdadangadang an aldaw na susuloon siring sa dagami an gabos na mapaabaw-abaw saka mga maraot na tawo. Sa aldaw na iyan, matututong sinda, asin mayo nin matatada sa sainda.

Mateo 25:41

“Dangan masabi siya sa mga tawong nasa wala niya, ‘Humarayo kamo sako, mga minaldisyon! Dumuman kamo sa daing kataposan na kalayo na inandam para sa Diablo asin sa saiyang mga anghel!

Lukas 16:23

Kan nasasakitan na an mayaman duman sa Hades, nagtangad siya asin nahiling niya sa harayo si Abraham saka si Lazaro sa kataed kaini.

Mga Gibo 28:27

Huli ta nagin matagas an puso kan mga tawong ini; tinakpan ninda an saindang mga talinga, piniyong an saindang mga mata. Ta kun dai, nakahiling kutana sinda asin nakadangog; nakasabot kutana sinda, dangan nagbalik sako, tanganing bolongon ko sinda.’”

2 Tesalonica 1:8

nganing padusahan an mga habong magmidbid sa Dios saka an mga dai nagkukuyog kan Marahay na Bareta ni Jesus na Kagurangnan.

Hebreyo 10:27

Kaya an dapat na sana nyatong gibohon iyo an maghalat sa takot kan paghukom saka kan naglalaad na kalayo na matunaw kan mga nagtutumang sa Dios!

1 Pedro 3:16

Alagad magin kamong mahuyo saka magalang sa pagsimbag nindo. Papagdanayon nindong malinig an saindong konsyensya, tanganing mapasopog an nagpapakaraot kan marahay nindong gawe bilang mga parasunod ni Cristo.

Kapahayagan 19:20

Nabihag an hayop, kaiba an bakong tunay na propeta na nagpahiling nin mga milagro sa atubangan kan hayop. (Huli kan mga milagrong idto nadaya niya idtong mga may marka kan hayop saka an mga nagsamba sa ladawan kan hayop.) An hayop dangan an bakong tunay na propeta parehong itinapok na buhay duman sa danaw nin naglalaad na asupre.

Kapahayagan 3:9

Uya, an mga kaiba sa sinagoga ni Satanas, na nagsasabing sinda mga Judio alagad bako, kundi nagpuputik sana, padodolokon ko asin paluluhodon sa atubang mo, tanganing maaraman ninda gabos na namomotan taka.

1 Samuel 6:9

Bantayan nindo; kun magpasiring an kariton sa banwaan nin Bet-semes, an dios nin Israel iyo an nagpadara sato kan makangirhat na pesteng ini; alagad kun dai, bako siya an nagpadara kundi nagkanorongod sana.”