Isaias 26:10 - Marahay na Bareta Biblia

¹⁰ Maski naheherakan mo an mga tampalasan dai nanggad sinda nakakanood sa paggibo nin matanos. Maski digdi sa daga nin mga matanos na tawo sala pa giraray an saindang ginigibo; habo nindang midbidon an saimong kadakulaan.

Isaias 26:10 ပူးပေါင်းရင်းမြစ်များ

2 Mga Hade 13:6

Alagad dai ninda binayaan an mga kasalan ni Hadeng Jeroboam na nangenot sa Israel sa pagkakasala, kundi nagpadagos sinda sa paggibo nin kasalan; an ladawan kan diosang si Asera nagdanay sa Samaria.

Salmo 106:43

Dakul na beses ilinigtas sinda nin Kagurangnan, alagad pinili ninda an magsombikal, asin orog sindang nalunod sa kasalan.

Salmo 143:10

Tukdoe ako na maotob an saimong kabotan, huli ta ika an sakuyang Dios. Pangenotan logod ako kan saimong espiritu sa dalan na patag asin ligtas.

Salmo 69:27

An saindang padusa padagos mong dugangan; hare sinda pagtawe nin kaligtasan.

Exodo 8:15

Kan mahiling kan hade na garadan na an mga talapang, nagmatagas na naman siya asin dai niya dinangog si Moises saka si Aaron, sosog sa itinaram nin Kagurangnan.

Exodo 9:30

Alagad aram kong ika asin an saimong mga opisyal dai natatakot sa Kagurangnan Dios.”

Exodo 9:34

Kan mahiling kan hade an nangyari, nagkasala naman siya. Nagmatagas siya asin an saiyang mga opisyal.

Mga Talinhaga 1:32

An pagtalikod sa kadonongan iyo an minagadan sa mayong eksperyensya, asin an dai pakilabot kan mga lolong iyo an minaraot sainda.

Parahulit 3:16

Laen pa kaini, embes na hustisya an mahiling ko sa kinaban, nahiling ko an karatan; embes na katanosan, an karatan.

Parahulit 8:11

An mga tawo andam sa paggibo nin karatan, huli ta an krimen dai tolos pinapadusahan.

Isaias 1:21

Paano nagin arog sa maraot na babae an maimbod na syudad, na pano kaidto nin katanosan? Kaidto nag-erok saiya an mga matanos, alagad ngunyan mga paragadan an yaon diyan.

Isaias 2:10

Magtago kamo sa mga lungib sa kagapoan asin sa mga kalot sa daga; magdulag kamo sa atubang kan kaanggotan nin Kagurangnan, patin sa kamurawayan nin saiyang kamahalan.

Isaias 24:5

Dinigtaan kan mga tawo an daga sa paglapas kan mga togon nin Dios asin sa paglapas kan tipan na daing kasagkoran.

Isaias 27:13

Pag-abot kan aldaw na iyan, patatanogon an sarong trompeta tanganing apodon an gabos na Israelita hale sa Asiria saka Egipto na itinapok duman. Madatong sinda asin masamba sa Kagurangnan sa Jerusalem, sa banal niyang bulod.

Isaias 32:6

An sarong lolong nagtataram nin kalolongan asin nag-iisip nin karatan; an sinasabi saka ginigibo niya anas pag-olog-olog sa Kagurangnan; dai niya pinapakakan an nagugutom o pinapainom an napapaha.

Isaias 32:7

An sarong maraot na tawo naggigibo nin mga maraot na bagay; nagpaplano siyang raoton an mga dukha huli sa kaputikan, asin olangon sinda sa pagkamit kan saindang deretso.

Isaias 5:12

Igwa sindang lira saka arpa, tamborin, plawta, asin arak sa saindang mga pyesta; alagad dai ninda nasasabotan an mga ginigibo nin Kagurangnan.

Jeremias 2:7

Dinara ko sinda sa sarong matubang na daga, tanganing magpakabasog sinda sa mga bunga asin sa iba pang marahay na mga bagay na makukua duman. Alagad paglaog ninda, rinaot ninda an sakong daga; dinigtaan ninda an dagang itinao ko sainda.

Jeremias 31:23

An Kagurangnan nin mga hukbo, an Dios nin Israel, nagtataram, “Kun ibalik ko na an banwaan sa saindang daga, masabi giraray sinda sa daga nin Juda asin sa saiyang mga banwa, ‘Bendisyonan logod nin Kagurangnan an sagradong bulod nin Jerusalem, an banal na lugar na saiyang pinag-eerokan.’

Oseas 11:7

Boot nindang magsinutil sako. Maagrangay sinda huli kan sakal na pasan ninda, alagad mayo nin siisay man na mahale kaiyan.

Oseas 13:6

Alagad kan makalaog kamo sa marahay na daga asin magkabarasog kamo, nagin mapaabaw-abaw kamo dangan nalingawan nindo ako.

Oseas 9:3

Dai magdadanay an banwaan nin Israel sa daga nin Kagurangnan, kundi mapipiritan na magbalik sa Egipto asin magkakan kan ipinangalad na kakanon sa Asiria.

Mikas 2:10

Bangon kamo asin lakaw; mayo na nin kaligtasan digdi para sa saindo. Ipinahamak kan saindong mga kasalan an lugar na ini, kaya raraoton ini.

Mateo 4:5

Dangan dinara si Jesus kan Demonyo sa Jerusalem an Banal na Syudad asin pinatindog sa atop kan Templo,

Deuteronomio 32:15

“Nagyaman an banwaan nin Kagurangnan, alagad nagsombikal; sinda na nagtaba asin nabasog. Tinalikodan ninda an Dios na saindang Kaglalang, nginisihan an Gapo nin saindang kaligtasan.

Kapahayagan 2:21

Tinawan ko na siya nin panahon na makapagbakle, alagad habo siyang magbakle sa saiyang karigsokan.

1 Samuel 15:17

Nagsabi si Samuel, “Maski hababa an paghiling mo sa saimo man sana, ika pa giraray an lider kan mga tribu nin Israel. Linahidan ka nin Kagurangnan bilang hade nin Israel;