Isaias 25:6 - Marahay na Bareta Biblia

⁶ Digdi sa Bukid nin Sion, maandam nin bangkete an Kagurangnan nin mga hukbo para sa gabos na nasyon kan kinaban—sarong bangkete nin masiram na mga pagkakan asin managom na mga arak.

Isaias 25:6 ပူးပေါင်းရင်းမြစ်များ

Salmo 36:8

Nagpipyesta sinda sa dakul na pagkakan sa saimong harong; pinapainom mo sinda sa salog nin saimong pagkamarahayon.

Salmo 63:5

Magkakakan an sakong kalag asin mababasog; maogmang mag-aawit ako nin pag-omaw sa saimo.

Salmo 78:68

kundi saiyang pinili an tribu ni Juda asin an Bukid nin Sion, na saiyang namomotan.

Awit nin mga Awit 1:2

Kinakarigos mo ako kan saimong mga hadok; orog pa sa arak an saimong pagkamoot.

Awit nin mga Awit 1:4

Ibahan ako, asin madulag kita; ika an sakong magigin hade asin daraha ako sa saimong kwarto. Magigin maogma kitang duwa, mainom nin dakul, asin mag-oogma sa satong pagkamoot. Kaya bakong makangangalas na namomotan ka kan gabos na babae!

Awit nin mga Awit 5:1

Naglaog na ako sa sakong tatamnan, sakong namomotan, sakong agom. Tinitipon ko an sakong pahamot saka mira; kinakakan ko an sakong dugos asin anira; iniinom ko an sakong arak saka gatas. Kakan kamo asin inom o nagkakaminootan sagkod na maburat kamo sa pagkamoot!

Isaias 1:19

Kun magkuyog ka sana kuta sako, magkakakan ka kan marahay na mga bunga kan daga.

Isaias 25:10

Susurogon nin Kagurangnan an Bukid nin Sion, alagad titimaktimakan niya an mga taga Moab, siring kan pagtimaktimak sa dagami sa tapokan nin odo.

Isaias 56:7

“Dadarahon ko kamo sa Sion, an sakong banal na bukid, tatawan ko nin kaogmahan sa sakong harong nin pamibian, asin aakoon ko an mga sakripisyo na idinodolot nindo sa sakong altar. An sakong Templo aapodon na harong nin pamibian para sa gabos na banwaan.”

Jeremias 48:11

Nagtaram an Kagurangnan, “Danay na namuhay sa katiwasayan an Moab asin dai pa lamang nabihag. Garo siya arak na dai hinihiro; dai siya pinagpapalis-palis sa mga lalagan. Kaya dai nag-iiba an saiyang namit, asin dai nagbabago an saiyang parong.

Daniel 7:14

Tinawan siya nin awtoridad, onra saka kapangyarihan na maghade, tanganing paglingkodan siya kan mga tawo sa gabos na nasyon, rasa asin lengwahe. Magdadanay an saiyang awtoridad, asin mayo nin kataposan an saiyang kahadean.

Zacarias 8:3

Mabalik ako sa Jerusalem, sa banal kong syudad dangan duman ako maerok. An Jerusalem mamimidbidan na maimbod na syudad, asin an bulod kan Kagurangnan nin mga hukbo aapodon an banal na bulod.

Mateo 26:29

Sinasabihan ko kamo na dai na ako mainom kaining arak nin ubas sagkod sa aldaw na inomon ko an bagong arak kaiba nindo sa Kahadean nin sakong Ama.”

Mateo 8:11

Sa katotoohan sinasabihan ko kamo, dakul an maabot hale sa sirangan asin sa solnopan; dangan makakan kaiba ni Abraham, ni Isaac asin ni Jacob sa Kahadean nin langit.

Markos 16:15

Sinabihan niya sinda, “Paduman kamo sa bilog na kinaban; ihulit nindo an Marahay na Bareta sa gabos na tawo.

Lukas 22:30

makakan saka mainom kamong kasabay ko sa Kahadean ko. Matukaw kamo sa mga trono sa paghukom sa doseng tribu nin Israel.”

Lukas 5:39

Mayo nin mainom nin bagong arak pakatapos na makainom na kan pinaloom na arak, huli ta masabi siya, ‘Mas managom an pinaloom na arak.’”

Hebreyo 12:22

Kundi nagdolok kamo sa Bukid nin Sion asin sa syudad kan buhay na Dios, an langitnon na Jerusalem, na may dai mabilang na mga anghel na maogmang nagtitiripon.

Kapahayagan 19:9

Nagsabi sako an anghel, “Isurat mo ini: Paladan an mga imbitado sa bangkete sa kasal kan Kordero.” Nagtaram pa an anghel, “Ini an mga totoong tataramon nin Dios.”