Isaias 25:2 - Marahay na Bareta Biblia

² Ginaraba mo an mga syudad asin rinaot mo an mga pampapusog kaiyan. Mayo na an mga palasyo na itinugdok kan samong mga kaiwal; dai na nanggad iyan hihirahayon.

Isaias 25:2 ပူးပေါင်းရင်းမြစ်များ

An Libro ni Job 12:14

Kun minagaba an Dios, mayong nakakahirahay; kun igwa siyang ibinibilanggo, mayo nin nakakapatalingkas.

Isaias 13:20

Mayo na nin mag-eerok duman sagkod pa man. Mayong lagalag na Arab na mapatindog kan saiyang tolda duman, asin mayong pastor na mapasabsab kan saiyang mga hayop sa nasabing lugar.

Isaias 13:21

Iyan an magigin lugar na pag-eerokan kan mga hayop sa kadlagan asin gigibohan nin salagan kan mga kuwaw. Duman mag-eerok an mga darakulang gamgam, asin magdadaralagan duman an mga lalaw na kanding.

Isaias 13:22

Madadangog sa mga tore saka mga palasyo an kinurahaw kan mga lalaw na ayam. Nag-abot na an oras kan Babilonia! Madali nang matapos an saiyang mga aldaw.”

Isaias 14:23

Gigibohon kong sarong katiboan an Babilon, lugar na eerokan kan mga kuwaw. Sisighidon ko an Babilon nin sarong sighid na mahale kan gabos na yaon diyan. Ako, an Kagurangnan nin mga hukbo, an nagtaram.”

Isaias 17:1

Nagtaram an Kagurangnan, “An Damasco dai na magigin sarong syudad, kundi magigin sarong tambak nin mga gaba.

Isaias 17:3

An Israel mawawaraan nin mga toreng bantayan, asin an kahadean mawawara sa Damasco. An mga taga Siria na matatada magigin sarong kasosopgan siring sa banwaan nin Israel. Ako, an Kagurangnan nin mga hukbo, an nagtaram.”

Isaias 21:9

Dangan duminatong tolos an mga nakakabayo; manduwa-duwa sinda. Ipinahayag kan bantay an saiyang nahiling, “Nagbagsak na an Babilon! Parasa na an gabos na ladawan na saindang sinamba.”

Isaias 23:11

Binikyaw na nin Kagurangnan an saiyang kamot sa ibabaw kan dagat asin rinumpag na niya an mga kahadean. Ipinagboot nin Kagurangnan na garabaon an mga sentro kan negosyo sa Fenicia.

Isaias 23:13

An mga taga Babilonia, asin bako an mga taga Asiria, an nagbugtak nin mga lalaw na hayop sa Tiro. An mga taga Babilonia iyo an nagpatindog nin mga tore sa pagsalakay, naggaba kan mga bantayan nin Tiro, asin an naggaba kan syudad bago sinda naghale.)

Isaias 24:10

Sa syudad, an gabos karibongan, asin pinipintoan kan mga tawo an saindang mga harong tanganing magin ligtas.

Isaias 25:12

Raraoton nin Dios an mga bantayan nin Moab kaiba kan mga halangkaw na kudal kaini asin tutumbahon niya an mga iyan sa daga.

Isaias 26:5

Siya an nagpababa kan mga mapaabaw-abaw; rinaot niya an pusog na syudad na saindang pinag-eerokan, asin rinumpag niya an mga kudal kaiyan.

Isaias 27:10

Gaba na an pinapusog na syudad. Mayo na nin nag-eerok diyan siring sa mayong laog na kalangtadan. Nagin iyan sarong pasabsaban nin mga hayop—sarong lugar na mapapahingaloan ninda.

Isaias 32:14

Maski an palasyo babayaan kan mga nag-eerok diyan asin an pangenot na syudad babayaan kan mga namamanwaan. An mga bulod saka an mga bantayan magigin mga erokan nin mga lalaw na hayop, sarong kaogmahan para sa mga lalaw na asno asin sarong pasabsaban para sa mga hayop.

Isaias 32:19

Alagad mahugpa an uran nin yelo sa mga kadlagan, asin magagaba an syudad.)

Isaias 34:13

Mga tonok saka mga binit an matalubo sa gabos na palasyo saka nakukudal na mga banwaan, asin mga lalaw na ayam saka mga kuwaw an mag-eerok diyan.

Isaias 37:26

“Dai mo nabaretaan na ako an nagplano kan gabos na iyan kaidto? An gabos na plano ko kaidtong panahon pinapangyari ko ngunyan. Tinawan taka nin kapangyarihan tanganing gabaon an pinapusog na mga syudad.

Jeremias 51:26

Mayo nin gapo na makukua saimo tanganing gibohon na pasikadan o pundasyon. Magigin raot ka sagkod lamang. Ako, an Kagurangnan, an nagtaram.

Jeremias 9:11

Nagtataram an Kagurangnan, “An Jerusalem gigibohon kong sarong tambak nin mga raot, sarong lugar na eerokan nin mga lalaw na ayam; an mga syudad nin Juda magigin sarong desyerto, lugar na mayong nag-eerok na tawo.”

Deuteronomio 13:16

Darahon nindo asin tambakon sa plasa an gabos na pagsadiri kan mga tawo na nag-eerok duman, dangan suloon nindo an banwa na iyan asin an gabos na yaon duman bilang sarong tinutong na atang sa Kagurangnan na saindong Dios. Papabayaan na rumpag an banwa asin dai na papatindogon giraray sagkod lamang.

Kapahayagan 18:19

Nagbugtak sinda nin alpog sa payo, nagtangis saka nagmondo patin nagsabi, “Makangingirhat! Makatatakot an nangyari sa dakulang syudad na iyan, saen nagyaman an gabos na mga may barkong naglalayag sa dagat huli kan saiyang kayamanan! Sa laog nin saro sanang oras nawara saiya an gabos!”