Isaias 25:12 - Marahay na Bareta Biblia

¹² Raraoton nin Dios an mga bantayan nin Moab kaiba kan mga halangkaw na kudal kaini asin tutumbahon niya an mga iyan sa daga.

Isaias 25:12 ပူးပေါင်းရင်းမြစ်များ

Isaias 14:23

Gigibohon kong sarong katiboan an Babilon, lugar na eerokan kan mga kuwaw. Sisighidon ko an Babilon nin sarong sighid na mahale kan gabos na yaon diyan. Ako, an Kagurangnan nin mga hukbo, an nagtaram.”

Isaias 15:1

Iyo ini an mensahe dapit sa Moab. Sa laog nin saro sanang banggi, nagkararaot an mga syudad nin Ar asin Kir; mayo na maski sarong tingog na nadadangog sa daga nin Moab.

Isaias 2:15

laban sa halangkaw na tore; asin laban sa lambang pinapusog na kudal;

Isaias 25:2

Ginaraba mo an mga syudad asin rinaot mo an mga pampapusog kaiyan. Mayo na an mga palasyo na itinugdok kan samong mga kaiwal; dai na nanggad iyan hihirahayon.

Isaias 26:5

Siya an nagpababa kan mga mapaabaw-abaw; rinaot niya an pusog na syudad na saindang pinag-eerokan, asin rinumpag niya an mga kudal kaiyan.

Jeremias 48:1

Iyo ini an itinaram nin Kagurangnan nin mga hukbo manongod sa Moab: “Herak man sa mga taga Nebo— rinaot na an saindang banwa! Nasakop na an Kiriataim, rinumpag an makosog kaining bantayan asin pinasopog an mga namamanwaan;

Jeremias 51:58

An mahiwas na kudal nin Babilonia papatagon, saka an halangkaw na mga trangkahan susuloon. Mayo nin halaga an gibo kan mga nasyon; magkakalayo an saindang pinagpagalan. Ako, an Kagurangnan nin mga hukbo, an nagtaram.”

Jeremias 51:64

asin magsabi ka, ‘Iyo ini an mangyayari sa Babilonia—mairarom siya asin dai na maibabaw giraray huli kan kapahamakan na ipapadara saiya nin Kagurangnan.’” Digdi natatapos an mga tataramon ni Jeremias.

Mga Panambitan 2:2

Mayo nin pagkaherak na rinaot nin Kagurangnan an lambang harong sa Juda; sa kaanggotan rinumpag niya an mga bantayan nin depensa kan daga. Dinarahan niya nin kasosopgan an kahadean asin an mga namamayo kaiyan.

Ezekiel 28:17

Nagpaabaw-abaw ka huli kan saimong pagkagwapo, asin an kabantogan mo iyo an nagdagka saimo na mamuhay na garo lolong. Huli kaini, itinapok taka sa daga dangan binayaan bilang sarong patanid para sa ibang mga hade.

Hebreyo 11:30

Huli sa pagtubod, narumpag an mga kudal sa palibot kan Jerico, pakatapos na liboton iyan kan mga Israelita sa laog nin pitong aldaw.

Kapahayagan 18:21

Dangan sarong makosog na anghel an nagpurot nin gapo na arog kadakula kan gapong gilingan saka itinapok idto sa dagat, dangan nagsabi, “Arog kaini kakosog an pagbagsak kan dakulang syudad nin Babilonia; dai na nanggad iyan mahihiling.