Isaias 24:9 - Marahay na Bareta Biblia

⁹ Mayo nang maogmang karantahan sa irinoman; mayo nang naoogma sa namit kan arak.

Isaias 24:9 ပူးပေါင်းရင်းမြစ်များ

Salmo 69:12

Linilibak ako kan mga nagtutukaw sa may trangkahan; an mga awit kan mga burat ako an pinapatamaan.

Parahulit 9:7

Ipadagos mo an saimong pagkakan asin mag-ogma ka; inoma an saimong arak asin maggayagaya ka. Oyon kaiyan an Dios.

Isaias 5:20

Herak man sa nagsasabing marahay an maraot asin maraot an marahay, sa mga tawong an kadikloman ginigibong liwanag, asin an liwanag ginigibong kadikloman, sa mga tawong an kapaitan ginigibong kahamisan asin an kahamisan ginigibong kapaitan!

Isaias 5:22

Herak man sa mga bayani sa pag-inom nin arak, asin sa mga mayong takot sa paghalo nin maiisog na inomon!

Ezekiel 26:13

Oontokon ko an saimong mga awit, asin dai na madadangog an tanog kan saimong mga lira.

Amos 8:10

An saindong mga pyesta magigin mga aldaw nin kamondoan, asin an saindong magayagayang mga awit magigin mga panambitan. Gigibohon kong mapiritan kamong mag-aris kan saindong payo saka maggubing nin sako. Magigin arog kamo sa mga magurang na nagmomondo huli sa pagkagadan kan solo nindang aking lalaki. Magigin mapait sagkod sa kataposan an aldaw na iyan.

Amos 8:3

Sa aldaw na iyan, an mga awit sa laog kan palasyo magigin agrangay nin kamondoan. Magkakaigwa nin mga bangkay sa gabos na lugar; itatapok sinda sa luwas na mayo sana nin ribok.”

Zacarias 9:15

Iingatan kan Kagurangnan nin mga hukbo an saiyang banwaan, asin roronoton ninda an saindang mga kaiwal. Magkukurahaw sinda sa ralaban arog sa burat na mga lalaki asin papabuloson ninda an dugo kan saindang mga kaiwal; mabulos iyan siring sa dugo nin sarong sakripisyo na inula sa altar hale sa sarong mangko.