Isaias 24:8 - Marahay na Bareta Biblia

⁸ asin an maogmang tugtog sa saindang mga arpa saka lira dai na nadadangog.

Isaias 24:8 ပူးပေါင်းရင်းမြစ်များ

An Libro ni Job 3:7

ibilang mong mayong namundag sa bangging idto, bangging mayo lamang nin kaogmahan.

An Libro ni Job 30:31

Kun kaidto nadadangog ko an maoogmang musika, ngunyan, pagmomondo asin pagtatangis an nadadangog ko na sana.

Salmo 137:2

Sa mga kahoy na harani duman, isinabit mi an samong mga lira.

Isaias 16:10

Mayo nang paraoma ngunyan na naoogma sa matubang na mga oma. Mayo nang nagkukurahaw o nag-aawit sa mga ubasan. Mayo nang magtitimaktimak nin mga ubas sa paggibo nin arak; mayo na an mga kinurahaw nin kaogmahan.

Isaias 5:12

Igwa sindang lira saka arpa, tamborin, plawta, asin arak sa saindang mga pyesta; alagad dai ninda nasasabotan an mga ginigibo nin Kagurangnan.

Isaias 5:14

An kinaban kan mga gadan nagugutom para sainda asin an buka kan saiyang ngimot dai na masusukol; hahalonon niya an ginagalangan sa Jerusalem saka an saindang kairiba, sagkod an mga maribok na grupo nin ordinaryong mga tawo.

Jeremias 16:9

Ako an Kagurangnan nin mga hukbo, an Dios nin Israel; hinanyoga an sakong sasabihon: Paoontokon ko sa lugar na ini an mga tingog nin kaogmahan asin kagayagayahan saka an maogmang tingog kan mga bagong kasal. An pagkaotob kan mga bagay na ini mahihiling kan mga tawo digdi.

Jeremias 25:10

Paparaon ko sa sainda an mga tingog nin kaogmahan asin kagayagayahan, an maogmang tingog kan mga bagong kasal, an paggiling nin trigo, asin an liwanag kan ilaw.

Jeremias 7:34

An daga magigin sarong desyerto. Sa mga syudad nin Juda saka sa mga tinampo nin Jerusalem paoontokon ko an mga tingog nin kaogmahan asin kagayagayahan. Paoontokon ko an maogmang tingog nin mga bagong kasal.

Mga Panambitan 5:14

Pinabayaan na kan mga gurang an pagtiripon sa trangkahan kan syudad, asin kan mga hoben na lalaki an saindang musika.

Ezekiel 26:13

Oontokon ko an saimong mga awit, asin dai na madadangog an tanog kan saimong mga lira.

Ezekiel 28:13

Nag-erok ka sa Eden, an tatamnan nin Dios, dangan sulot mo an gabos na mahahalagang bato: rubi saka diamante; topasyo, berilo, kornalina, saka haspe; safiro, esmeralda asin karbunko. Igwa ka nin mga samno na gibo sa bulawan. Ginibo iyan para saimo kan aldaw na lalangon ka.

Oseas 2:11

Tataposon ko na an saiyang kaogmahan—an saiyang taon-taon saka bulan-bulan na mga pyesta asin an saiyang mga Sabbath—an gabos niyang itinalaan na mga pyesta.

Amos 6:7

Kaya, kamo an enot na itatapok asin dai na kamo makakapagbangkete saka makakapagpyesta.

Kapahayagan 18:22

Dai na madadangog diyan saimo an tugtog kan mga arpista, mga paraawit, mga paraplawta saka mga paratrompeta! Mayo na nin makukuang trabahador para sa anoman na klaseng trabaho diyan saimo; mayo nang tanog nin gilingan na madadangog!