Isaias 24:6 - Marahay na Bareta Biblia

⁶ Kaya minaldisyon nin Dios an daga asin nagbabayad na an mga tawo kan saindang kasalan. Tinurunaw niya an mga nag-eerok sa daga asin dikit na sana an natadang buhay.

Isaias 24:6 ပူးပေါင်းရင်းမြစ်များ

2 Mga Hade 24:12

Kaya nagsuko saiya si Hadeng Jehoiakin, an ina niya, an mga aki niyang lalaki, an mga pamayo kan hukbo asin an mga opisyal sa palasyo. Kan ikawalong taon kan paghahade ni Nebukadnezzar, binihag niya si Jehoiakin,

2 Mga Hade 25:12

Alagad iwinalat niya sa Juda an nagkapira sa pinakadukha tanganing magtanom nin ubas saka magtrabaho sa daga.

Isaias 1:31

Siring na an dagami nasusulo kan manok-manok nin kalayo, mapapahamak man an mga mapangyaring mga tawo huli kan saindang maraot na gibo asin mayo nin makakaontok kan saindong pagkaraot.

Isaias 1:9

Kun an Kagurangnan nin mga hukbo dai nagwalat sato nin dikit na tawo, nakaarog kutana kita sa Sodoma, asin nagin siring sa Gomorra.

Isaias 34:5

Inandam na nin Kagurangnan an saiyang espada sa langit, asin ngunyan nag-iibaba iyan sa Edom, sa mga tawong saiyang sinentensyahan nin kagadanan.

Isaias 43:28

asin binasang-basang kan saimong mga pamayo an sakong santwaryo. Kaya pinabayaan kong mapahamak an Israel; itinugot kong pag-olog-ologon an sadiri kong banwaan.”

Isaias 5:24

Kaya siring na hinahalon kan dila nin kalayo an dagami, siring na minakulpa an alang na doot sa kalayo, malalapa an saindang mga gamot, maaalang saka mararakdag an saindang mga burak huli ta isinikwal ninda an katogonan kan Kagurangnan nin mga hukbo, asin saindang pinag-olog-olog an tataramon kan banal na Dios nin Israel.

Isaias 9:19

Huli ta anggot an Kagurangnan nin mga hukbo, an padusa niya maglalaad siring sa kalayo na matutong kan daga asin magadan sa mga tawo; kaya an lambang saro dai maheherak maski sa saiyang tugang.

Jeremias 12:4

Sagkod nuarin magigin mamara an daga saka magigin alang an mga doot sa kabukidan? Naghihingagdan an mga hayop saka gamgam huli kan karatan kan samong banwaan, banwaan na nagsasabing, ‘Dai nahihiling nin Dios an satong mga ginigibo.’”

Ezekiel 5:3

Magtada ka nin nagkapirang buhok asin patoson mo sa gayad kan saimong gubing.

Levitico 26:22

Papadarahan ko kamo nin mga maringis na hayop na magadan kan saindong kaakian, asin makakan kan saindong mga ataman na hayop tanganing kadikit na sana an matada saindo kaya mayo na nin maglalakaw sa saindong mga dalan.

Malakias 2:2

Kaipuhan na omawon nindo ako sa paagi kan saindong ginigibo. Kun dai kamo magdangog sa sakong sinasabi, dadarahan ko kamo nin maldisyon. Mamaldisyonon ko man an mga biyaya na inaako nindo. Sa katunayan, minaldisyon ko na an mga iyan, huli ta dai nindo pinahalagahan an sakong pagboot.

Malakias 3:9

Yaon sa saindo gabos an sarong maldisyon huli ta dinadaya ako kan bilog na nasyon.

Malakias 4:1

Nagsasabi an Kagurangnan nin mga hukbo, “Nagdadangadang an aldaw na susuloon siring sa dagami an gabos na mapaabaw-abaw saka mga maraot na tawo. Sa aldaw na iyan, matututong sinda, asin mayo nin matatada sa sainda.

Malakias 4:6

Gigibohon niyang magharani giraray an boot kan mga mag-arama; kun dai niya iyan magibo, ako na an madatong sa pagraot kan daga.”

Mateo 27:25

An gabos na tawo nagsimbag, “Kargo mi asin kan mga aki mi an saiyang kagadanan!”

Mateo 7:14

Alagad hayakpit saka piot an agihan pasiring sa buhay. Asin dikit an nakakakua kaiyan.

Roma 9:27

Alagad dapit sa mga Israelita, nagsabi si Isaias, “Dawa pa magdakul siring sa baybay kan dagat an kapagarakian ni Israel, dikit sana sainda an makakaligtas,

Deuteronomio 28:62

Maski magdakul kamo siring sa mga bitoon sa langit, dikit sana an matatada saindo, huli ta dai nindo kinuyog an Kagurangnan na saindong Dios.

Deuteronomio 4:27

Iwawarak kamo nin Kagurangnan sa ibang mga nasyon saen nagkapira sana sa saindo an matatadang buhay.

2 Pedro 3:10

Alagad an Aldaw nin Kagurangnan maabot siring sa pag-abot nin sarong parahabon. Sa Aldaw na iyan mapapara an kalangitan kasabay an makosog na ribok. Dangan an aldaw, an bulan saka an mga bitoon sa kalangitan matutunaw sa kalayo, siring man an daga saka an gabos na yaon diyan.