Isaias 24:5 - Marahay na Bareta Biblia

⁵ Dinigtaan kan mga tawo an daga sa paglapas kan mga togon nin Dios asin sa paglapas kan tipan na daing kasagkoran.

Isaias 24:5 ပူးပေါင်းရင်းမြစ်များ

2 Samuel 23:5

Siring an gigibohon na pagbendisyon nin Dios sa sakong kapagarakian, huli ta guminibo siya sako nin mayong kataposan asin dai mapapatod na tipan, sarong panuga na dai nanggad maliliwat. Huli ta dai daw ako tatabangan nin Dios, asin papangyarihon an gabos kong kamawotan?

2 Mga Hade 21:12

Kaya ako, an Kagurangnan Dios nin Israel, mapadara nin makuring kasakitan sa Jerusalem saka sa Juda tanganing an siisay man na makadangog kaiyan mamomongnan.

2 Mga Hade 21:15

Gigibohon ko ini sa sakong banwaan huli ta nagkasala sinda sako asin pinaanggot ninda ako magpoon kan aldaw na naghale sa Egipto an saindang mga ginikanan sagkod ngunyan.”

2 Mga Cronica 33:9

Dinagka ni Manases na magkasala an mga banwaan nin Juda saka nin Jerusalem, kaya nagin mas makuri an kasalan na ginibo ninda ki sa kasalan kan mga nasyon na pinahale nin Kagurangnan mantang nagdadangadang an banwaan nin Israel.

Salmo 105:10

na pinatotoohan niya ki Jacob bilang sarong togon, asin ki Israel bilang daing kataposan na tipan.

Salmo 55:5

Takot asin takig minaabot sako, makuring gayo an katakotan ko.

Isaias 10:6

Isinusubol ko an Asiria sa pagsalakay kan mga bakong diosnon na nasyon, mga banwaan na nagpaanggot sakuya. Isinusubol ko sinda tanganing manamsam, manghabon, asin magtimaktimak sa mga banwaan na garo laboy sa mga tinampo.”

Isaias 30:9

Matumang sinda sa Dios, danay na nagpuputik, danay na nagtatalikod sa katukdoan nin Kagurangnan.

Isaias 33:8

Pano nin pag-alaman an mga tinampo kaya mayo nin naglalakaw diyan. Linalapas an mga tipan asin mayo na nin ginagalangan.

Isaias 50:1

Nagsasabi an Kagurangnan, “Sa paghona nindo sinuhayan ko an sakong banwaan siring sa pagsuhay nin sarong lalaki sa saiyang agom? Haen, kun siring, an mga kasuratan nin pagsuhay? Sa paghona nindo ipinabakal ko kamo sa kaoripnan arog sa pagpabakal nin sarong lalaki sa saiyang mga aki bilang mga oripon? Dai, nabihag kamo huli kan saindong mga kasalan; isinubol kamo sa harayo huli kan saindong mga kasombikalan.

Isaias 9:17

Kaya dai matugot an Kagurangnan na makadulag an mga hoben na lalaki, asin dai siya maheherak sa mga balong babae saka sa mga ilo, huli ta bakong diosnon an mga tawo; mga maraot sinda asin gabos karatan an saindang sinasabi. Alagad dai pa matatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Jeremias 11:10

Binalikan ninda an mga kasalan kan saindang mga ginikanan, na habong maghinanyog kan sakong mga tataramon; nagsamba sinda sa ibang mga dios. Linapas kan Israel saka kan Juda an tipan na ginibo ko sa saindang mga ginikanan.

Jeremias 50:5

Mahapot sinda kan dalan pasiring sa Sion saka maduman sinda tanganing makisumaro sako sa sarong tipan na mayo nin kasagkoran saka dai nanggad malilingawan.

Ezekiel 16:59

Ini an tataramon kan Kagurangnan Dios, “Gigibohon ko saimo an maninigo sa mga ginibo mo, huli ta dai mo pinahalagahan an saimong mga panuga asin tinalikodan mo an tipan.

Ezekiel 20:13

Alagad maski sa kalangtadan, sinuhay ninda ako. Dai sinda naglakaw sosog sa sakong mga pagboot asin tinalikodan ninda an sakong mga togon, na nagtatao nin buhay sa kiisay man na nagkukuyog kan mga iyan. Linapas ninda an Sabbath. Andam na kuta akong iula sainda an labi-labi kong kaanggotan duman sa kalangtadan asin gadanon sinda.

Ezekiel 20:24

huli ta dai ninda kinuyog an sakong mga pagboot; linapas ninda an sakong mga togon asin an Sabbath, saka sinamba ninda an parehong mga dios-dios na pinaglingkodan kan saindang mga ginikanan.

Ezekiel 37:26

Makikipagtipan ako sainda nin sarong tipan nin katoninongan, asin iyan magigin sarong daing kataposan na tipan. Bebendisyonan ko sinda asin papadakulon; an sakong Templo danay na matindog sa tahaw ninda sagkod pa man.

Daniel 7:25

Mataram siya tumang sa Kahorohalangkaweng Dios asin aapihon niya an mga banal nin Dios. Babaloon niyang liwaton an saindang sinusunod na katogonan asin mga pyesta, patin mapapairarom sinda sa saiyang kapangyarihan sa laog nin tolo may kabangang taon.

Daniel 9:10

Dai kami nagdangog saimo, Kagurangnan na samong Dios, kan taraman mo kaming mamuhay sosog sa itinao mong togon samo huli sa saimong mga sorogoon na mga propeta.

Daniel 9:5

“Nagkasala kami, nagin maraot, naggibo kan sala. Isinikwal mi an ipinapagibo mo samo asin tinalikodan mi an ipinahiling mong tama.

Oseas 6:7

“Alagad pakalaog ninda sa daga duman sa Adan, linapas tolos ninda an tipan.

Levitico 20:22

Nagtaram an Kagurangnan, “Otobon nindo an gabos kong mga togon asin mga pagboot, tanganing dai kamo isuka kan daga nin Canaan na pagdadarahan ko saindo.

Mikas 2:10

Bangon kamo asin lakaw; mayo na nin kaligtasan digdi para sa saindo. Ipinahamak kan saindong mga kasalan an lugar na ini, kaya raraoton ini.

Lukas 1:6

An mag-agom na ini parehong banal; nagkukuyog sinda kan gabos na katogonan asin pagboot nin Kagurangnan.

Deuteronomio 32:15

“Nagyaman an banwaan nin Kagurangnan, alagad nagsombikal; sinda na nagtaba asin nabasog. Tinalikodan ninda an Dios na saindang Kaglalang, nginisihan an Gapo nin saindang kaligtasan.

Deuteronomio 32:20

‘Dai ko na sinda tatabangan,’ siya nagtaram; ‘hihilingon ko an saindang aabotan, sinda na bakong maimbod saka makasalan na henerasyon.

Hebreyo 13:20

An Dios iyo an nagbuhay liwat ki Jesus na satong Kagurangnan, an Dakulang Pastor kan mga karnero, na an dugo iyo an tanda kan daing kataposan na tipan.

Hebreyo 9:1

An enot na tipan igwang mga pagsusundon sa pagsamba, asin igwa nin sarong santwaryo na gibo nin tawo.

Josue 23:16

Kun dai kamo magkuyog kan tipan na ipinagboot nin Kagurangnan na saindong Dios na sunodon nindo, saka kun maglingkod kamo dangan magsamba sa ibang mga dios, malaad saindo an kaanggotan nin Kagurangnan asin tolos na magagadan kamo, sagkod na mayo nang matada saindo digdi sa marahay na dagang itinao niya saindo.”

Josue 24:25

Kaya sa aldaw na idto, nakipagtipan si Josue sa mga tawo, asin duman sa Shekem tinawan niya sinda nin mga togon saka mga pagboot na susunodon.