Isaias 24:18 - Marahay na Bareta Biblia

¹⁸ An siisay man na maghingowang makadulag sa katakotan mahuhulog sa kalot, asin an makadulag sa kalot madadakop kan siod. Mahugpa an makosog na uran, asin matatanyog an mga pundasyon kan kinaban.

Isaias 24:18 ပူးပေါင်းရင်းမြစ်များ

Genesis 19:24

Dangan, an Sodoma asin an Gomorra pinauranan nin Kagurangnan nin nagkakalayong asupre.

Genesis 7:11

Kan ikadyes y syeteng aldaw kan ikaduwang bulan, kan an edad ni Noe seis syentos na taon na, nagpurutok an gabos na burabod nin tubig sa irarom kan daga, asin nagkaburuksan an mga bintana kan kalangitan,

2 Mga Hade 7:2

An kapitan kan mga bantay kan hade nagsabi ki Eliseo, “Imposible iyan; maski bukasan pa nin Kagurangnan an mga bintana nin langit!” “Mahihiling mo ini, alagad dai ka makakanamit kan pagkakan,” an simbag ni Eliseo.

An Libro ni Job 20:24

Kun magdulag siya sa lansang na espada, bronseng bosog an magadan saiya.

Salmo 18:15

Dangan nahiling an kairaroman nin kadagatan, asin nahayag an mga pundasyon kan kinaban, kan tuyawon mo an saimong mga kaiwal, Kagurangnan, asin kurahawan sinda sa kaanggotan.

Salmo 18:7

Dangan nagtakig asin natanyog an daga; nagtakig asin natanyog man an mga pundasyon kan kabukidan, huli ta naanggot an Dios.

Salmo 18:8

Aso nagluwas hale sa saiyang dungo, nanghahalon na kalayo saka naglalaad na baga hale sa saiyang ngoso.

Parahulit 9:12

Dai aram kan tawo an saiyang panahon. Siring na an sira nadadakop sa hikot, siring na an gamgam nadadakop sa litag, siring man an tawo nadadakop sa mga maraot na panahon, kun kasuarin dai ninda pinaglalaoman.

Isaias 13:13

Papatakigon ko an kalangitan, asin matatanyog an daga sa saiyang namumugtakan sa aldaw na ako, an Kagurangnan nin mga hukbo, magpahiling kan sakong kaanggotan.

Isaias 2:19

An mga tawo matarago sa mga lungib sa kagapoan asin sa mga kalot sa daga, sa pagdulag sa kaanggotan nin Kagurangnan, asin sa saiyang kamurawayan sa saiyang pagtindog sa pagyugyog kan kinaban.

Isaias 2:21

Matarago sinda sa mga lungib sa kagapoan asin sa mga barana kan mga ampas sa pagdulag sa kaanggotan nin Kagurangnan, asin sa saiyang kamurawayan, sa saiyang pagtindog sa pagyugyog kan kinaban.

Isaias 42:22

Alagad sinamsaman ngunyan an saiyang banwaan; ibinilanggo saka tinago sa madiklom na mga bilanggoan. Hinabonan saka sinamsaman sinda, asin mayo nin siisay man na maligtas sainda.

Isaias 8:14

Huli kan sakuyang makangangalas na kabanalan, arog ako sa sarong gapo na nasisingkogan nin mga tawo; arog ako sa sarong siod na madakop sa mga tawo kan kahadean nin Juda saka Israel asin sa mga taga Jerusalem.

Jeremias 48:43

Takot, mga kalot, saka mga litag an naghahalat sa mga taga Moab. An Kagurangnan an nagtaram.

Jeremias 48:44

An makadulag sa katakotan mahuhulog sa mga kalot, an makahawas hale sa mga kalot madadakop sa mga litag, huli ta itinalaan na nin Kagurangnan an pagraot sa Moab.

Mga Panambitan 3:47

Inagihan mi na an pagkagaba asin pagkaraot; namumuhay kami sa takot asin pag-alaman.

Ezekiel 11:8

Takot kamo sa espada kaya dadarahon ko an mga tawong may espada tanganing salakayon kamo.

Ezekiel 12:13

Alagad bibikladon ko an sakong hikot asin dadakopon ko siya. Dangan dadarahon ko siya sa Babilonia. Magagadan siya duman na dai nahihiling an lugar na idto.

Ezekiel 15:7

asin papadusahan. Maski nakaligtas sinda sa sarong kalayo, alagad matututong man giraray sinda sa kalayo. Kun padusahan ko na sinda, maaaraman nindo na ako an Kagurangnan.

Amos 5:18

Herak man saindo na mga nagmamawot na mag-abot na an aldaw nin Kagurangnan! Anong karahayan an itatao saindo kan aldaw na iyan? An aldaw na iyan magigin aldaw nin kadikloman asin bakong aldaw nin kaliwanagan.

Amos 5:19

An aldaw na iyan makakaarog sa tawong duminulag sa leon alagad an nasabatan sarong oso; o arog sa tawong nagpuli sa harong dangan kan magkapot siya sa lanob, kinagat siya nin halas!