Isaias 24:16 - Marahay na Bareta Biblia

¹⁶ Hale sa poro kan kinaban madadangog nyato an mga awit nin pag-omaw sa Israel, an matanos na nasyon. Alagad mayo ako nin paglaom! Nagrarani sako an kagadanan! Padagos sa pagpasaluib an mga parapasaluib, asin nag-oorog an saindang pagpapasaluib.

Isaias 24:16 ပူးပေါင်းရင်းမြစ်များ

Salmo 106:15

Itinao niya an saindang hinagad, alagad pinadarahan man sinda nin mangirhat na helang.

Salmo 119:158

Nababaldi ako kun nahihiling ko an mga mayong pagtubod, huli ta dai ninda inootob an saimong mga pagboot.

Salmo 2:8

Maghagad ka asin ipapamana ko saimo an gabos na nasyon, ipapasadiri ko saimo an bilog na kinaban.

Salmo 58:10

An matanos mag-oogma kun mahiling niya an pagpadusa sa makasalan; mahanaw siya kan saiyang mga bitis sa dugo kan tampalasan.

Salmo 65:8

Kaya nagkakatarakot sa saimong mga ngangalasan an mga nag-eerok sa bilog na kinaban. An saimong mga gibo minadara nin maoogmang kinurahaw, magpoon sa sirangan sagkod sa solnopan.

Salmo 67:7

Benendisyonan kita nin Dios; matakot logod saiya an gabos na tawo sa kinaban.

Salmo 98:3

Naromdoman niya an danay niyang pagkamoot asin pagkamaimbod sa harong ni Israel. Nahiling kan gabos na poro kan daga an kapangganahan kan satuyang Dios.

Exodo 15:11

“Kagurangnan, siisay sa mga dios an arog saimo? An arog saimo na makangangalas an kabanalan? Mga milagro asin gibo mong ngangalasan, siisay an makakaarog kaiyan?

Isaias 10:16

Kaya an Kagurangnan nin mga hukbo mapadara nin helang tanganing padusahan an mga basog ngunyan. Magkakaigwa sa saindang mga hawak nin garo sarong kalayo na padagos na naglalaad.

Isaias 11:12

Iiitaas nin Kagurangnan an sarong bandera tanganing ipahiling sa mga nasyon na titiponon niya giraray an nawarak na banwaan nin Israel saka Juda dangan ibabalik niya sinda hale sa apat na poro kan daga.

Isaias 17:4

Nagsabi an Kagurangnan, “Maabot an aldaw na matatapos an kadakulaan nin Israel, asin an kayamanan kaiyan mariribayan nin kadukhaan.

Isaias 21:2

Nakahiling ako nin sarong bisyon nin mangirhat na mga pangyayari, sarong bisyon nin pagpasaluib asin pagkagaba. Magsalakay ka, hukbo nin Elam! Palibotan mo an mga syudad, hukbo nin Media! Oontokon na nin Dios an pagtios na dara kan Babilon.

Isaias 26:15

Alagad, pinadakula mo an samong nasyon, Kagurangnan; pinahiwas mo an mga pagdolonan kaiyan, asin iyan an nagdara saimo nin kamurawayan.

Isaias 28:5

Sa aldaw na iyan, an Kagurangnan nin mga hukbo makakaagid sa sarong mamurawayon na korona nin burak para sa saiyang banwaan na nagkatarada.

Isaias 33:1

Herak man sa samong mga kaiwal! Nanghabon saka nagpasaluib sinda, maski mayo nin nanghabon asin nagpasaluib sainda. Alagad matatapos na an panahon kan saindang panghahabon asin pagpapasaluib; sinda mismo an magigin biktima nin panghabon asin pagpasaluib.

Isaias 42:10

Awitan nindo nin bagong awit an Kagurangnan; awita nindo an saiyang pag-omaw, bilog na kinaban! Omawon nindo siya, gabos na linalang sa dagat. Mag-awit kamo, mga harayong daga asin kamo gabos na nag-eerok diyan!

Isaias 48:8

Aram kong dai kamo pwedeng paniwalaan, asin poon sa pagkamundag inapod na kamong mga matumang. Iyan an dahelan kun tadaw ta dai pa nindo nadangog an siring kaini, kun tadaw ta dai pa saindo kaiyan nin nakapagsabi.

Isaias 52:10

Gagamiton nin Kagurangnan an banal niyang kapangyarihan; ililigtas niya an saiyang banwaan, asin mahihiling iyan kan bilog na kinaban.

Isaias 6:5

Nagsabi ako, “Herak man sako! Magagadan ako huli ta an lambang tataramon na nag-aagi sa sakong mga ngabil makasalan, asin nag-eerok ako sa tahaw nin mga banwaan na an lambang tataramon makasalan; huli ta nahiling ko an Hade, an Kagurangnan nin mga hukbo!”

Isaias 60:21

Magigin matanos an saimong namamanwaan, asin sasadirihon ninda an daga sagkod lamang. Ako an nagtanom sainda, an naggibo sainda, tanganing ipahayag ninda an sakong kamurawayan.

Jeremias 12:1

“Kagurangnan, kun minareklamo ako saimo, pinapatotoohan mo na matanos ka. Alagad hahapoton taka manongod sa hustisya. Tadaw ta nag-uuswag an mga maraot na tawo? Tadaw ta minayaman an mga madaya?

Jeremias 12:6

Pinasaluib ka maski kan mga tugang mong lalaki, na mga kaayon kan sadiri mong pamilya; kaiba sinda kan mga nagtataram tumang saimo. Dai ka magtubod sainda, maski magagayon an mga tinataram ninda.”

Jeremias 3:20

Alagad arog sa bakong maimbod na agom, dai ka nagin maimbod sako. Ako, an Kagurangnan, an nagtaram.”

Jeremias 5:11

Alagad pinasaluiban nanggad ako kan mga taga Israel asin taga Juda. Ako, an Kagurangnan, an nagtaram.”

Mga Panambitan 1:2

Naghihibi siya bilog na banggi, mga luha nagbubulos sa saiyang pisngi. Sa kadakul na namomoot saiya, mayo na ni sarong minaranga; mga katood niya nagpasaluib saiya asin gabos nagin kaiwal niya.

Oseas 5:7

Dai sinda nagin maimbod sa Kagurangnan; bako niyang sadiri an mga aki ninda. Kaya dai mahahaloy, magagadan sinda asin mararaot an saindang daga.

Oseas 6:7

“Alagad pakalaog ninda sa daga duman sa Adan, linapas tolos ninda an tipan.

Levitico 26:39

An nagkapira saindo na matatadang buhay sa daga kan saindong mga kaiwal, orog na maghahalipot an buhay huli kan saindong mga kasalan saka kan kasalan nin saindong mga ginikanan.

Mikas 5:4

Pagdatong niya, papamayohan niya an saiyang banwaan sa kosog na naghahale sa Kagurangnan asin sa kamurawayan kan ngaran nin Kagurangnan na saiyang Dios. Mamumuhay sa katoninongan an saiyang banwaan huli ta an mga tawo sa bilog na daga magmimidbid kan saiyang kadakulaan,

Habakkuk 1:13

Alagad paano mo natatagalan an mga mapasaluib saka maraot na lalaking ini? An saimong mga mata banal nin marahay kaya habo mong maghiling kan karatan, asin dai mo matatagalan na hilingon an mga tawong naggigibo nin maraot. Kaya tano ta mayo kang girong mantang ginagadan ninda an mga tawong orog pang matanos ki sa sainda?

Habakkuk 1:3

Tano ta itinutugot mong mahiling ko an mga kasakitan na ini? Paano mo natatagalan an pagmasid sa mga salang gibong ini? Nasa palibot ko an karatan saka kadahasan; an pagralaban saka pag-iriwal yaon sa gabos na lugar.

Markos 13:27

Susugoon niya an mga anghel tanganing tiponon an mga tawong pinili hale sa apat na kanto kan kadagaan poon sa sarong poro kan kinaban sagkod sa ibong na poro.

Mga Gibo 13:47

Huli ta an togon samo kan Kagurangnan iyo ini: ‘Ibinugtak taka na magin sarong ilaw para sa mga pagano, tanganing ibareta an kaligtasan sagkod sa mga poro kan daga.’”

Kapahayagan 15:3

Inaawit ninda an awit ni Moises na sorogoon nin Dios, asin an awit kan Kordero: “Dakula asin makangangalas an saimong mga gibo, O Kagurangnan, Dios na Makakamhan! Matanos asin totoo an saimong mga dalan, O Hade nin mga nasyon!