Isaias 24:11 - Marahay na Bareta Biblia

¹¹ Nagkukurahaw an mga tawo sa mga tinampo huli ta mayo na nin arak. Sagkod pa man mayo nang kaogmahan; nawara na iyan sa daga.

Isaias 24:11 ပူးပေါင်းရင်းမြစ်များ

Salmo 144:14

Dumakul logod an samong mga baka, dai logod mataktakan an mga ini sa saindang pagbados. Mayo logod nin mga pagtangis sa samong mga tinampo.

Mga Talinhaga 31:6

Itao mo an arak sa mga naghihingagdan asin sa mga nasasakitan.

Isaias 16:10

Mayo nang paraoma ngunyan na naoogma sa matubang na mga oma. Mayo nang nagkukurahaw o nag-aawit sa mga ubasan. Mayo nang magtitimaktimak nin mga ubas sa paggibo nin arak; mayo na an mga kinurahaw nin kaogmahan.

Isaias 32:10

Pwedeng nagkakaigwa na kamo nin kapanoan ngunyan, alagad sa siring kaining panahon sa sunod na taon, mawawaraan kamo nin paglaom huli ta mayo na kamong ubas na aanihon.

Isaias 32:13

dangan mga binit saka doot na an nagtatalubo sa daga kan sakong banwaan. Tangisan nindo an mga harong na dating maogma asin an syudad na dating pano nin buhay.

Isaias 8:22

o mahiling sa daga, alagad mayo sindang mahihiling kundi kasakitan asin kadikloman, makangirhat na kadikloman na saindang padudumanan.

Isaias 9:19

Huli ta anggot an Kagurangnan nin mga hukbo, an padusa niya maglalaad siring sa kalayo na matutong kan daga asin magadan sa mga tawo; kaya an lambang saro dai maheherak maski sa saiyang tugang.

Jeremias 14:2

“Nagmomondo an Juda, naghihingagdan an saiyang mga syudad, naghihigda sa daga an mga tawo huli sa kamondoan, asin naghahagad nin tabang an Jerusalem.

Jeremias 46:12

Nabaretaan kan mga nasyon an kasosopgan mo; nadangog nin lambang saro an saimong kinurahaw. Nabangga kan sarong soldados an kapwa niya soldados, asin sabay sindang natumba.

Jeremias 48:33

Pinara na an kagayagayahan asin kaogmahan sa matubang na daga nin Moab. Pinaontok ko na an pagbulos kan arak sa mga pugaan nin ubas; mayo na nin magibo nin arak saka makurahaw huli sa kaogmahan.

Oseas 7:14

Bakong tudok sa puso an pagpamibi ninda sako, kundi minadarapa saka minaharayo sinda arog kan ginigibo kan mga pagano. Kun namimibi sinda para sa trigo saka arak, linulugad ninda an saindang sadiri siring sa mga pagano. Mga rebelde nanggad sinda!

Joel 1:12

Nagkaruluyos na an mga poon nin ubas saka an mga kahoy na higera; nagkaruluyos dangan nagkagaradan an gabos na kahoy na namumunga. An kaogmahan kan mga tawo nawara man.

Joel 1:15

Harani na an aldaw nin Kagurangnan, an aldaw na manraraot an Makakamhan. Mangirhat na gayo an aldaw na iyan!

Lukas 16:25

Alagad sinabihan siya ni Abraham, ‘Aki ko, giromdoma na kan nabubuhay ka pa sa daga, nakamtan mo an gabos na kaginhawahan, mantang si Lazaro anas pagtios. Ngunyan nasa kaginhawahan siya digdi mantang ika nagtitios.