Isaias 23:9 - Marahay na Bareta Biblia

⁹ An Kagurangnan nin mga hukbo iyo an nagplano kaiyan. Siya an nagplano kaiyan tanganing ontokon an saindang kapaabaw-abawan sa saindang ginibo asin tanganing sopogon an saindang ginagalangan na mga lalaki.

Isaias 23:9 ပူးပေါင်းရင်းမြစ်များ

An Libro ni Job 12:21

Sinosopog niya an mga may katongdan asin hinahale an mga kosog kan mga pamayo.

Salmo 107:40

ipinahiling niya an saiyang kabaldian sa mga nang-aapi sainda, asin linagalag niya sinda sa mga desyerto na mayong dalan.

Exodo 8:4

Luluksohan ninda kamo, ika, an saimong mga opisyal asin an mga Egipcio.’”

Isaias 10:33

Ihuhulog sinda kan Kagurangnan nin mga hukbo siring sa mga sangang pinurutol sa sarong kahoy. An pinakamapaabaw-abaw saka pinakamapalangkaw sainda pupulakon asin sosopogon.

Isaias 13:11

Nagsasabi an Kagurangnan, “Papadusahan ko an kinaban asin an gabos na maraot huli kan saindang mga kasalan. Ibababa ko an gabos na mapaabaw-abaw asin papadusahan ko an gabos na mapalangkaw saka makuri.

Isaias 14:24

An Kagurangnan nin mga hukbo nagsumpa: “Kun ano an sakong plinano, mangyayari. Kun ano an sakong boot na gibohon, magigibo.

Isaias 14:26

Iyo ini an sakong plano sa kinaban, asin inunat ko na an sakong takyag sa pagpadusa sa mga nasyon.”

Isaias 14:27

Totoong gigibohon ini nin Kagurangnan nin mga hukbo; inunat na niya an saiyang takyag sa pagpadusa, asin mayo nin siisay man na makakapaontok saiya.

Isaias 2:11

Ibababa an mapalangkaw na gawe nin tawo, asin an kapaabaw-abawan nin katawohan ibababa man; an Kagurangnan sana an ilalangkaw sa aldaw na iyan.

Isaias 2:12

Huli ta an Kagurangnan nin mga hukbo igwa nin aldaw na inandam laban sa gabos na mapaabaw-abaw saka mapalangkaw, laban sa gabos na ilinangkaw asin itinaas;

Isaias 2:17

Ibababa an kapaabaw-abawan nin tawo, asin an kapalangkawan nin katawohan ibababa man; an Kagurangnan sana an ilalangkaw sa aldaw na iyan.

Isaias 23:10

Lakaw asin mag-oma kamo, kamo na mga namamanwaan sa mga bagong komunidad sa Tarsis! Mayo na nin maolang saindo.

Isaias 32:13

dangan mga binit saka doot na an nagtatalubo sa daga kan sakong banwaan. Tangisan nindo an mga harong na dating maogma asin an syudad na dating pano nin buhay.

Isaias 5:13

Kaya dadarahon kamo sa harayo bilang mga bilanggo. Magagadan an saindong mga lider huli sa gutom, asin an ordinaryong mga tawo sa paha.

Isaias 9:15

An mga gurang asin mga ginagalangan na lalaki iyo an payo—asin an mga propeta na nagtutukdo nin kaputikan iyo an ikog!

Jeremias 13:9

“Siring kaiyan an gigibohon kong paglaglag sa kapalangkawan nin Juda asin sa dakulang kapalangkawan nin Jerusalem.

Jeremias 51:62

Dangan mamibi ka, ‘Kagurangnan, sinabi mo na raraoton mo an lugar na ini, tanganing mayo na nin mag-erok digdi, tawo man o hayop, dangan magin sarong desyerto ini sagkod lamang.’

Daniel 4:37

“Ngunyan, ako, si Nebukadnezzar, nag-oomaw, naggagalang, asin nagpapamuraway sa Hade nin Langit. Tama saka matanos an gabos niyang ginigibo, asin pwede niyang ibaba an siisay man na nagpapalangkaw.”

Obadias 1:2

Tinataraman nin Kagurangnan an Edom, “Gigibohon takang pinakamaluyang nasyon asin pag-oolog-ologon ka kan gabos.

Malakias 4:1

Nagsasabi an Kagurangnan nin mga hukbo, “Nagdadangadang an aldaw na susuloon siring sa dagami an gabos na mapaabaw-abaw saka mga maraot na tawo. Sa aldaw na iyan, matututong sinda, asin mayo nin matatada sa sainda.

Mga Gibo 4:28

Ginibo ninda an gabos na bagay na itinalaga mong mangyayari.

Efeso 1:11

An gabos na bagay nahahaman sosog sa plano asin kabotan nin Dios; huli ki Cristo, pinili niya kami na magin sadiri niyang banwaan dahel sa sadiri niyang katuyohan, na dati niya nang inisip poon pa sa kapinonan.

Efeso 3:11

Ginibo ini nin Dios sosog sa daing kataposan niyang katuyohan na inotob niya sa paagi ni Cristo Jesus na Kagurangnan ta.

Santiago 4:6

Alagad mas dakul na biyaya an itinatao nin Dios, kaya an kasuratan nagsasabi, “Habo an Dios sa mga mapaabaw-abaw, alagad benebendisyonan niya an mga mapakumbaba.”