Isaias 23:17 - Marahay na Bareta Biblia

¹⁷ Pakalihis kan setentang taon, aatamanon man giraray nin Kagurangnan an Tiro, asin makikipagnegosyo giraray siya sa gabos na kahadean kan kinaban.

Isaias 23:17 ပူးပေါင်းရင်းမြစ်များ

Isaias 23:15

Maabot an panahon na malilingawan an Tiro sa laog nin setentang taon, arog sa mga taon nin pamamayo nin sarong hade. Pakalihis kan panahon na iyan, an Tiro makakaagid sa sarong maraot na babae sa awit:

Isaias 23:16

Kuaha an saimong arpa, libota an banwa ika na maraot na babae na nalingawan na! Pagtugtog asin pag-awit giraray kan saimong mga awit tanganing magiromdoman ka.

Jeremias 25:11

An bilog na dagang ini papabayaan na raot asin magigin sarong tanawon na nakakatakot. Dangan an kataraed na mga nasyon maglilingkod sa hade nin Babilonia sa laog nin setentang taon.

Jeremias 29:10

“Nagtataram an Kagurangnan, ‘Pakatapos kan setentang taon sa Babilonia, dadalawon ko kamo. Ootobon ko an sakong panuga na ibalik kamo sa lugar na ini.

Ezekiel 16:25

An saimong kagayonan ilinabog mo sa laboy. Idinolot mo an saimong hawak sa kiisay man na nag-agi, asin aroaldaw nagdugang an saimong pagkani-maraot na babae.

Ezekiel 16:26

Nakidorog ka sa marompot mong mga kataed, an mga Egipcio, asin ginamit mo an saimong pagkani-maraot na babae tanganing paanggoton ako.

Ezekiel 16:31

Sa gilid nin lambang dalan nagtugdok ka nin mga lugar na pagsasambahan sa mga dios-dios asin mga lugar nin pagdodorogan. Alagad iba ka man sa ordinaryong maraot na babae huli ta nakikidorog ka bakong huli sa kwarta.

Ezekiel 22:13

“Kaya ngunyan, papadusahan ko kamo huli kan saindong mga panghahabon saka mga panggagadan.

Mikas 1:7

Maroronot an gabos na mahalagang mga ladawan, masusulo an gabos na tandan sa mga maraot na babae sa templo, asin magigin sarong tambak nin ati an gabos na dios-dios. Huli ta tinipon nin Samaria an mga bagay na ini hale sa mga tandan sa mga maraot na babae sa templo, kaya dadarahon sinda kan saindang mga kaiwal sa ibang lugar bilang mga maraot na babae sa templo.”

Mikas 3:11

An mga pamayo nagpapasuhol bago maghukom, nagpapatandan an mga padi bago magtukdo, asin an mga propeta naghuhula huli sa kwarta—asin gabos sinda nagsasabi na yaon sainda an Kagurangnan. Nagsasabi sinda, “Mayong maraot na maabot sa samo. Yaon sa samo an Kagurangnan.”

Nahum 3:4

Pinapadusahan an Nineve, an maraot na babae. Mapandagka asin pano nin nakakagadan na gayuma; linumay niya an mga nasyon asin ginibong mga oripon.

Sofonias 2:7

An mga natatadang namamanwaan nin Juda iyo an mag-eerok sa saindong daga. Papasabsabon ninda duman an saindang mga karnero asin makatorog sinda sa mga harong sa Askelon. Iibahan sinda kan Kagurangnan na saindang Dios, asin papauswagon giraray niya sinda.

Mga Gibo 15:14

Ipinaliwanag ni Simon kun paanong enot na ipinahiling nin Dios an saiyang pagmakulog sa mga pagano tanganing sinda man magin sarong nasyon na sadiri niya.

Deuteronomio 23:18

An kwartang kabayadan kan siring na karigsokan dai dapat pagdarahon sa templo nin Dios bilang pag-otob nin sarong panuga; ikinakaongis nin Kagurangnan an siring na mga tawo.

1 Timoteo 3:3

Bako siya paraburat o parapakiiwal, kundi mahuyo, matoninong saka bakong makikwarta.

1 Timoteo 3:8

An mga diakono sa simbahan dapat man na marahay an ugale saka bakong parasagin-sagin, bakong paraburat asin bakong ganid sa kwarta.

1 Pedro 5:2

Atamana nindo an ariponpon kan mga paratubod nin Dios na ipinaniwala saindo, bakong huli ta pinirit kamo, kundi huli ta iyan kagustohan nindo sosog sa kabotan nin Dios. Giboha nindo an saindong katongdan bakong huli ta binabayadan kamo, kundi huli ta talagang boot nindong maglingkod;

Kapahayagan 19:2

Tama asin matanos an saiyang mga paghukom! Pinadusahan niya an pinakamaraot na babae na iyo an nagparaot kan kinaban huli kan saiyang karigsokan. Pinadusahan siya nin Dios dahel ta ginadan niya an mga sorogoon nin Dios.”