Isaias 23:13 - Marahay na Bareta Biblia

¹³ An mga taga Babilonia, asin bako an mga taga Asiria, an nagbugtak nin mga lalaw na hayop sa Tiro. An mga taga Babilonia iyo an nagpatindog nin mga tore sa pagsalakay, naggaba kan mga bantayan nin Tiro, asin an naggaba kan syudad bago sinda naghale.)

Isaias 23:13 ပူးပေါင်းရင်းမြစ်များ

Genesis 11:28

Naenot na nagadan si Haran ki sa ama niyang si Tera, duman sa dagang namundagan niya, sa Ur kan Babilonia.

Genesis 11:31

Kan maghale si Tera sa Ur kan Babilonia tanganing magduman sa Canaan, ipinag-iba niya si Abram na saiyang aki, an makoapo niyang si Lot na aki ni Haran asin an manugang niyang si Sarai; alagad kan makaabot sinda sa Haran, duman na sinda nag-erok.

Genesis 11:9

An syudad nginaranan Babilon, huli ta duman rinibong nin Kagurangnan an lengwahe kan gabos na tawo, asin hale duman iwinarak niya sinda sa bilog na kinaban.

Genesis 2:14

An ikatolo iyo an Tigris na minabulos sa sirangan kan Asiria asin an ikaapat iyo an Eufrates.

2 Mga Hade 17:24

An emperador nin Asiria nagkua nin mga tawo hale sa mga syudad nin Babilon, Cut, Ivva, Hamat, saka Sefarvaim dangan pinaerok sinda sa mga syudad nin Samaria bilang kasalihid kan itinapok na mga Israelita. Kaya sinadiri ninda an Samaria saka nag-erok sinda sa mga syudad duman.

2 Mga Hade 20:12

Kan panahon na iyan, nabaretaan ni Merodak-baladan, na hade nin Babilonia asin aking lalaki ni Baladan, na naghelang si Ezekias, kaya pinadarahan niya ini nin surat saka regalo.

2 Mga Cronica 33:11

Kaya dinara nin Kagurangnan sa Juda an mga pamayo kan hukbo nin Asiria. Dinakop ninda si Manases sa paagi nin mga kawit saka kinadenahan dangan dinara sa Babilon.

An Libro ni Job 1:17

Nagtataram pa an sorogoon kan saro pa an nagdatong asin nagsabi, “Sinalakay kami nin tolong grupo nin mga Caldeo, kinua an mga kamelyo, asin ginadan an gabos mong sorogoon pwera sako. Ako sana an nakadulag tanganing magbareta saimo.”

Salmo 72:9

Magluhod logod sa atubang niya an mga nag-eerok sa kalangtadan; magdila logod kan alpog an saiyang mga kaiwal.

Isaias 10:5

Nagtaram an Kagurangnan, “An Asiria ginagamit kong pamakol tanganing padusahan an sakong mga naaanggotan.

Isaias 10:7

Alagad igwa man nin sadiring plano an emperador nin Asiria. Boot niyang puhoon an dakul na nasyon.

Isaias 13:19

An Babilonia iyo an pinakamagayon sa gabos na kahadean; iyan an orgulyo kan saiyang mga namamanwaan. Alagad ako, an Kagurangnan, an marumpag sa Babilonia siring kan ginibo ko sa Sodoma asin sa Gomorra.

Isaias 13:21

Iyan an magigin lugar na pag-eerokan kan mga hayop sa kadlagan asin gigibohan nin salagan kan mga kuwaw. Duman mag-eerok an mga darakulang gamgam, asin magdadaralagan duman an mga lalaw na kanding.

Isaias 18:6

An bangkay kan saindang mga soldados magkakawaralat sa mga gamgam saka sa mga lalaw na hayop. Sa tig-init, kakakanon kan mga gamgam an saindang mga bangkay, asin sa tig-lipot, an mga lalaw na hayop an magibo kaiyan.”

Isaias 43:14

An banal na Dios nin Israel, an Kagurangnan na nagliligtas saindo, nagsasabi, “Sa pagligtas saindo, mapadara ako nin hukbo laban sa Babilon; gagabaon ko an trangkahan kan syudad, asin an mga kinurahaw kan saiyang namamanwaan magigin pagtangis.

Ezekiel 23:23

Dadarahon ko an gabos na taga Babilonia saka Caldea, an mga lalaki kan Pekod, Soa, asin Koa patin an gabos na taga Asiria. Titiriponon ko an gabos na gwapong lalaki saka opisyal, mga halangkaw na opisyal na nangangabayo.

Ezekiel 29:18

“Aki nin tawo, sinalakay ni Hadeng Nebukadnezzar kan Babilonia an Tiro. An saiyang mga soldados pinasuknong saka pinapasan niya nin magagabat na karga kaya nakalbo an saindang mga payo asin nalugadan an saindang mga abaga. Alagad an hade asin an saiyang mga soldados mayo nin nakuang anoman sa Tiro bilang kabayadan kan saindang kapagalan.

Daniel 4:30

nagsabi siya, “Bakong iyo ini an dakulang Babilon na pinatindog ko huli kan sakong kapangyarihan bilang sakong pangenot na syudad tanganing ipahiling an sakong kosog, kamurawayan asin kamahalan?”

Habakkuk 1:6

Gigibohon kong magin mapangyari an mga taga Babilonia, an maringis saka dai napapamugtak na banwaan. Naglalakaw sinda sa kahiwasan kan daga tanganing sakopon an ibang nasyon.

Mga Gibo 7:4

Kaya naghale si Abraham sa daga kan mga Kaldeo dangan nag-erok sa Haran. Pagkagadan kan saiyang ama, pinabalyo siya nin Dios sa lugar na ini, na pinag-eerokan nindo ngunyan.