Isaias 23:11 - Marahay na Bareta Biblia

¹¹ Binikyaw na nin Kagurangnan an saiyang kamot sa ibabaw kan dagat asin rinumpag na niya an mga kahadean. Ipinagboot nin Kagurangnan na garabaon an mga sentro kan negosyo sa Fenicia.

Isaias 23:11 ပူးပေါင်းရင်းမြစ်များ

Genesis 9:25

nagsabi siya, “Sumpaon si Canaan! Siya an magigin oripon kan saiyang mga tugang.

Salmo 46:6

Nagkakatarakot an mga nasyon, nagtatarakig an mga kahadean; nagdadaguldol an Dios asin natutunaw an daga.

Salmo 71:3

Ika logod an magin sakong gapo na pailihan, sarong makosog na bantayan na maligtas sako; huli ta ika an sakong gapo asin bantayan.

Exodo 14:21

Inunat ni Moises an saiyang kamot sa tangod kan dagat, asin pinabalik nin Kagurangnan an dagat sa paagi nin makosog na doros hale sa sirangan. Sa bilog na banggi naghoyop an doros asin an dagat nagin mamarang daga; nabanga an tubig.

Isaias 10:6

Isinusubol ko an Asiria sa pagsalakay kan mga bakong diosnon na nasyon, mga banwaan na nagpaanggot sakuya. Isinusubol ko sinda tanganing manamsam, manghabon, asin magtimaktimak sa mga banwaan na garo laboy sa mga tinampo.”

Isaias 13:13

Papatakigon ko an kalangitan, asin matatanyog an daga sa saiyang namumugtakan sa aldaw na ako, an Kagurangnan nin mga hukbo, magpahiling kan sakong kaanggotan.

Isaias 14:26

Iyo ini an sakong plano sa kinaban, asin inunat ko na an sakong takyag sa pagpadusa sa mga nasyon.”

Isaias 19:5

Mahubas an tubig sa Salog nin Nilo, asin dikit-dikit na magmamara iyan.

Isaias 2:19

An mga tawo matarago sa mga lungib sa kagapoan asin sa mga kalot sa daga, sa pagdulag sa kaanggotan nin Kagurangnan, asin sa saiyang kamurawayan sa saiyang pagtindog sa pagyugyog kan kinaban.

Isaias 23:10

Lakaw asin mag-oma kamo, kamo na mga namamanwaan sa mga bagong komunidad sa Tarsis! Mayo na nin maolang saindo.

Isaias 23:3

sa ibong kan dagat sa pagbakal nin trigo na itinanom sa Egipto asin sa pakipagnegosyo sa gabos na nasyon.

Isaias 25:2

Ginaraba mo an mga syudad asin rinaot mo an mga pampapusog kaiyan. Mayo na an mga palasyo na itinugdok kan samong mga kaiwal; dai na nanggad iyan hihirahayon.

Isaias 5:25

Anggot an Kagurangnan sa saiyang banwaan, asin inunat niya an saiyang kamot sa pagpadusa sainda. Matatanyog an kabukidan asin an mga bangkay kan nagkagaradan magkakawaralat sa mga tinampo siring sa ati. Alagad dai man giraray maoontok an kaanggotan nin Kagurangnan, kundi padagos na magigin unat an saiyang kamot sa pagpadusa.

Isaias 50:2

“Tadaw ta dai nakakasimbag an sakong banwaan kan dumanon ko sinda tanganing iligtas? Tadaw ta dai sinda nagsimbag kan ako nag-apod? Maluya daw ako kaya dai ko sinda kayang iligtas? Sa sarong pagboot mapapaalang ko an dagat. Magigibo kong desyerto an mga salog, tanganing an mga sira na yaon duman magadan sa paha.

Jeremias 47:7

Alagad paano iyan magpapahingalo, mantang tinawan ko iyan nin gigibohon? Pinagbotan ko iyan na salakayon an Askelon saka an mga tawo na nag-eerok sa baybayon.”

Ezekiel 26:10

Matatahoban ka kan alpog na maitaas huli sa pagpadalagan ninda kan saindang mga kabayo. Huli kan ribok kan saindang mga kabayo na nagguguyod kan mga karwahe saka mga lunadan nin mga kagamitan, matatanyog an saimong mga kudal mantang naglalaog sinda sa mga trangkahan kan narumpag na syudad.

Ezekiel 26:4

Raraoton ninda an mga kudal kan saimong syudad, asin rurumpagon ninda an saimong mga tore. Dangan sisighidon ko an gabos na daga diyan sagkod na gapo na sana an matada.

Ezekiel 31:16

Kun ihulog ko na iyan sa kinaban kan mga gadan, an tanog kan pagbagsak kaiyan makakatanyog sa mga nasyon. An gabos na kahoy sa Eden saka an gabos na piling kahoy nin Lebanon na marahay an patubig na nagduman na sa kinaban kan mga gadan maoogma sa pagbagsak kaiyan.

Nahum 1:14

Iyo ini an ipinagboot nin Kagurangnan dapit sa mga taga Asiria: “Dai sinda magkakaigwa nin kapagarakian na madara kan saindang ngaran. Raraoton ko an mga ladawan na nasa mga templo kan saindang mga dios. Nag-aandam ako nin lulubngan para sa mga taga Asiria—dai sinda maninigong mabuhay!”

Hageo 2:7

Tatanyogon ko an gabos na nasyon, tanganing madara digdi an saindang mga kayamanan asin mapano kaiyan an Templo.

Zacarias 14:21

An gabos na kagamitan sa pagluto sa Jerusalem asin sa Juda lalaenon tanganing gamiton sa pagsamba sa Kagurangnan nin mga hukbo. Gagamiton an mga iyan kan mga tawong nagdodolot nin sakripisyo para sa paglabon nin karne. Pag-abot kan panahon na iyan, dai na magkakaigwa nin negosyante sa Templo kan Kagurangnan nin mga hukbo.

Markos 11:17

Dangan nagtukdo siya sa mga tawo, “Bakong nasusurat, ‘An sakong harong aapodon harong nin pamibi para sa gabos na nasyon’? Alagad ginibo nindo ining lungib nin mga parahabon!”

Juan 2:16

Sinabihan niya an mga paratinda nin mga salampati, “Halea nindo iyan digdi! Dai nindo paggibohon na saodan an harong kan Ama ko!”