Isaias 22:4 - Marahay na Bareta Biblia

⁴ Kaya pabayae nindo ako sa mapait kong paghibi para sa sakong mga kahimanwa na nagadan. Hare ako nindo pagrangaha.

Isaias 22:4 ပူးပေါင်းရင်းမြစ်များ

Esther 4:1

Kan naaraman ni Mardokeo an gabos na ini, ginisi niya an saiyang gubing huli sa kamondoan. Nagsulot siya nin sako, nagbugtak nin abo sa payo, asin naglibot sa syudad. Makosog siyang naghaya saka mapait na nagtangis,

Salmo 77:2

Sa aldaw nin sakong kasakitan hinahanap ko an Kagurangnan; magdamlag na iniitaas ko an sakong mga kamot sa pagpamibi, alagad daing nakukuang karangahan an sakong kalag.

Isaias 15:3

An mga tawo sa tinampo nakagubing nin sako; sa mga plasa asin sa atop nin mga harong, naghihibi saka nagmomondo an mga tawo.

Isaias 33:7

An maiisog na mga lalaki nag-aagrangay. An mga sugo na naghingowang magkaigwa nin katoninongan, naghihibi sa kapaitan.

Jeremias 13:17

Alagad kun dai kamo maghinanyog, hilom akong magtatangis huli kan saindong kapalangkawan; mapait na matangis ako, asin mabulos an sakong luha huli ta nabihag an banwaan nin Kagurangnan.

Jeremias 31:15

Nagsasabi an Kagurangnan, “Nadangog sa Rama an sarong tingog— an pagtangis asin pag-agrangay na makosog. Tinatangisan ni Rachel an mga aki niya; habo siyang magparanga, huli ta gadan na sinda.

Jeremias 4:19

Makulog! Dai ko matatagalan an kulog! Makosog na nagkukutab-kutab an sakong puso! Dai ako pwedeng mag-alo; nadadangog ko an mga trompeta asin an mga kurahaw nin gera.

Jeremias 6:26

Tinataraman nin Kagurangnan an saiyang banwaan, “Magsulot kamo nin sako saka magligid kamo sa abo. Magtangis kamo na pano nin kapaitan, arog kan pagtangis para sa bugtong na aking lalaki, huli ta madali nang mag-abot saindo an paragadan.

Jeremias 8:18

An sakong kamondoan dai mabobolong, an kulog sa sakong puso sakong namamatean.

Jeremias 9:1

Kun sarong bubon pa sana nin tubig an sakong payo asin sarong burabod nin luha an mga mata ko, tanganing aldaw-bangging makapagtangis ako para sa mga ginaradan na mga kahimanwa ko.

Jeremias 9:18

Nagsabi an mga tawo, “Pahidalion nindo sinda tanganing manambitan para sato sagkod na magburulos an luha sa satong mga mata, asin maghurubag ini huli kan satong pagtangis.”

Mga Panambitan 2:11

Hubag na an mga mata ko sa kahihibi; napupurisaw an kalag ko. Makuri an kamondoan kan puso ko huli sa pagkagadan kan sakuyang banwaan, huli ta nagkakadirismayo an mga aki saka mga omboy sa mga tinampo kan syudad.

Ezekiel 21:11

Pinapakintab an espada tanganing andamon sa paggamit. Pinatarom iyan asin pinakintab, tanganing itao sa kamot kan paragadan.

Ezekiel 27:31

Inaaris ninda an saindang buhok asin naggugubing nin sako, mamondo sinda, mantang nagtatangis para saimo.

Mikas 1:8

Dangan nagsabi si Mikas, “Huli kaini, magmomondo saka mananambitan ako. Malakaw akong nakabitis asin huba sa pagpahiling kan sakong kamondoan. Makurahaw ako arog sa sarong lalaw na ayam asin mahaya ako arog sa dakulang gamgam.

Mateo 2:18

“Nadangog sa Rama an sarong tingog, pagtangis asin pag-agrangay na makosog. Pinagtangisan ni Rachel an mga aki niya; habong magparanga, huli ta gadan na sinda.”

Mateo 26:75

Dangan nagiromdoman ni Pedro an sinabi ni Jesus saiya, “Bago magturaok an manok, tolong beses mo akong nenegaran.” Nagluwas siya saka nagtangis nin mapait.

Lukas 1:2

Isinurat ninda an mga bagay na inosip sato kan mga nakahiling kaiyan poon sa kapinonan, asin nagtukdo kan Marahay na Bareta.

Lukas 19:41

Kan harani na si Jesus sa syudad, asin natatanaw na niya ini, tinangisan niya an syudad.