Isaias 22:23 - Marahay na Bareta Biblia

²³ Papakarhayon ko an kamugtakan niya siring sa sarong pako sa tamang lugar asin siya an gigikanan kan dangog para sa saiyang bilog na pamilya.

Isaias 22:23 ပူးပေါင်းရင်းမြစ်များ

Esdras 9:8

Alagad ngunyan, O Kagurangnan, na samuyang Dios, sa kadikit na panahon naherak ka asin tinugotan mong makadulag sa kaoripnan an nagkapira samo asin tinugotan mong mag-erok na ligtas sa banal na lugar na ini. Pinadulag mo kami sa kaoripnan asin tinawan mo nin bagong buhay.

Esther 10:3

Si Mardokeo, an Judio, iyo an nagin ikaduwa ni Hadeng Jerjes. Inomaw siya asin ginalangan kan kapwa niya mga Judio. Naglingkod siya para sa karahayan kan saiyang banwaan asin para sa katiwasayan kan gabos nindang kapagarakian.

Esther 4:14

Kun mag-alo ka sa panahon na siring kaini, may maabot na tabang sa mga Judio hale sa langit, dangan ikakaligtas sinda, alagad magagadan ka asin mapapara an pamilya kan saimong ama. Alagad siisay an nakakaaram na tibaad nagin reyna ka para sa panahon na ini?”

An Libro ni Job 36:7

Dai niya hinahale an pag-ingat sa mga matanos, pinapatukaw niya sinda sa trono siring sa mga hade, asin tinatawan nin kaomawan sagkod pa man.

Parahulit 12:11

An mga kasabihan nin mga madonong kabaing sa mga mapanas na sugkod na ginagamit kan mga pastor sa pag-alaw kan karnero, asin an mga tiniripon na talinhaga magdadanay arog sa mga pako na nakatadom nin marahay. Ini gabos itinao nin Dios, an iyo-iyong Pastor nyato gabos.

Isaias 22:24

“Alagad magigin sarong pagabat saiya an gabos niyang kadugo. Makabit sinda saiya arog sa mga koron saka mga mangko na nabibitay sa sarong pako!

Isaias 22:25

Sa aldaw na iyan, an pako na marahay an pakamugtak, mabubulnot asin mahuhulog. Iyan an magigin kataposan kan gabos na nakabitay diyan.” An Kagurangnan an nagtaram.

Zacarias 10:4

Magikan sa sainda an mga pamayo, mga lider, saka mga paraboot tanganing mamahala sa sakong banwaan.

Kapahayagan 3:21

An mga manggagana kataed kong patutukawon sa sakong trono, arog sako na nanggana, kaya ngunyan nagtutukaw ako kataed kan sakong Ama sa saiyang trono.

1 Samuel 2:8

Binubuhat niya an mga dukha hale sa alpog asin an mga nangangaipo hale sa tambak nin abo. Pinapatukaw niya sinda sa kaibahan nin mga prinsipe, asin ibinubugtak sa mga lugar na iginagalang. Huli ta an mga harigi kan kinaban sadiri nin Kagurangnan; asin sa ibabaw kaiyan itinugdok niya an kinaban.