Isaias 22:22 - Marahay na Bareta Biblia

²² Itatao ko saiya an bilog na awtoridad sunod sa hade, an kapagarakian ni David. Mapapasaiya an lyabe kan palasyo ni David; an anoman na buksan niya, mayo nin makakasera, asin an anoman na serahan niya, mayo nin makakabukas.

Isaias 22:22 ပူးပေါင်းရင်းမြစ်များ

An Libro ni Job 12:14

Kun minagaba an Dios, mayong nakakahirahay; kun igwa siyang ibinibilanggo, mayo nin nakakapatalingkas.

An Libro ni Job 31:36

may orgulyong dadarahon ko iyan sa sakong abaga; ibubugtak ko iyan sa sakong payo na garo sarong korona.

Isaias 7:13

Nagsabi si Isaias, “Pagdangog kun siring, kapagarakian ni Hadeng David. Dikit pa daw sa saindo an pagbalo kan pagkamatinios nin mga tawo, ta binabalo pa nindo an pagkamatinios nin sakong Dios?

Isaias 7:2

Kan maaraman kan hade nin Juda na nasa teritoryo na nin Israel an hukbo nin Siria, natakot siya nin makuri, siring man an saiyang mga nasasakopan. Nagtarakig sinda siring sa mga kahoy na hinuhuyop nin doros.

Isaias 9:6

Huli ta sarong aki an namundag sato! Sarong aking lalaki an itinao sato! Siya an satong magigin pamayo. Aapodon siyang, “Makangangalas na Parahatol,” “Makakamhan na Dios,” “Amang daing kataposan,” “Prinsipe nin Katoninongan.”

Kapahayagan 1:18

an Nabubuhay! Nagadan ako, alagad ngunyan, buhay ako sagkod pa man. May kapangyarihan ako sa kagadanan asin sa Hades.

Kapahayagan 3:7

“Suratan mo an anghel kan simbahan sa Filadelfia: “Iyo ini an mensahe kan Banal asin Totoo, na nagkakapot kan lyabe ni David; an pintoan na binubuksan niya mayo nin nakakasera; an sineserahan niya mayo nin nakakabukas.