Isaias 22:21 - Marahay na Bareta Biblia

²¹ Isusulot ko saiya an saimong gubing, asin ihahagkos ko saiya an saimong hagkos, dangan itatao ko saiya an gabos na awtoridad na yaon saimo. Siya magigin sarong garo ama para sa mga nag-eerok sa Jerusalem asin sa Juda.

Isaias 22:21 ပူးပေါင်းရင်းမြစ်များ

Genesis 45:8

Kaya bakong kamo an nagpadara sako digdi, kundi an Dios. Ginibo niya akong ikaduwa sa kapangyarihan sa hade asin parapamahala kan bilog na daga niya; ako an nagpapalakaw kan Egipto.

Esther 8:15

Nagluwas sa palasyo si Mardokeo na nakasulot nin gubing na panghade, na kolor asul saka puti; igwa siya nin dakulang bulawan na korona sa payo asin alikboy na pinong lino na kolor purpura. Dangan nadangog an kurahaw nin kaogmahan sa syudad nin Susa.

Esther 8:2

Hinale kan hade sa saiyang muro an singsing na igwa kan saiyang selyo (na binawi niya ki Haman) asin itinao idto ki Mardokeo. Ibinugtak ni Esther si Mardokeo na parapamahala kan pagsadiri ni Haman.

An Libro ni Job 29:16

Ako an nagin ama kan dukha, asin kinampihan ko an dayuhan sa saiyang kasakitan.

1 Samuel 18:4

Hinuba niya an sulot niyang alikboy asin itinao ki David; itinao man niya an saiyang gubing na panggera, pantahob sa daghan, espada, pana asin paha.