Isaias 22:12 - Marahay na Bareta Biblia

¹² Inapod kamo kaidto kan Kagurangnan Dios nin mga hukbo tanganing maghibi saka magmondo, mag-aris kan saindong payo saka magsulot nin sako.

Isaias 22:12 ပူးပေါင်းရင်းမြစ်များ

2 Mga Cronica 35:25

Sarong panambitan an ginibo ni Jeremias para ki Josias. Poon kaidto nagin kaugalean na an pag-awit kan panambitan na ini kan parakantang mga lalaki saka mga babae, kun nagmomondo sinda para ki Josias; ginibo ining sarong pagboot sa Israel. An awit na ini makukua sa libro nin mga panambitan.

Esdras 9:3

Kan madangog ko ini, ginisi ko an sakong gubing saka alikboy, rinabnot an sakong buhok saka barabas, asin mamondo akong nagtukaw.

Nehemias 9:9

“Nahiling mo an kasakitan sa Egipto kan samong mga ginikanan; nadangog mo an saindang inagrangay duman sa Dagat na pula.

An Libro ni Job 1:20

Dangan nagtindog si Job asin ginisi an saiyang gubing sa kamondoan. Inaris niya an buhok sa saiyang payo dangan nagdapa siya sa daga.

Parahulit 3:11

An gabos na bagay tinawan nin talaan na panahon. Itinao niya sato an kamawotan para sa maabot na panahon, alagad dai niya kita tinatawan kan bilog na pakasabot kan saiyang ginibo poon sa kapinonan sagkod sa kataposan.

Parahulit 3:4

panahon nin pagtangis, dangan panahon nin pagngisi; panahon nin pagmondo, dangan panahon nin pagsayaw;

Isaias 15:2

An mga taga Dibon minasarakat sa itaas kan bulod tanganing magtangis sa paganong mga lugar na pagsasambahan. Sa kamondoan, tatangisan kan mga taga Moab an mga syudad nin Nebo saka Medeba; inaris ninda an buhok sa saindang mga payo asin barabas sa kamondoan.

Isaias 26:10

Maski naheherakan mo an mga tampalasan dai nanggad sinda nakakanood sa paggibo nin matanos. Maski digdi sa daga nin mga matanos na tawo sala pa giraray an saindang ginigibo; habo nindang midbidon an saimong kadakulaan.

Isaias 29:1

Herak man sa altar nin Dios, an mismong Jerusalem! Herak man sa syudad na pinagkampohan ni David! Palihisa pa nindo an saro o duwang taon, kaiba an pyesta saka mga pag-oogma,

Isaias 3:24

Alagad embes na mamarong nin pahamot, magigin mabata sinda; embes na sarong paha, lubid an gagamiton ninda; embes na marahay na pakasukray na buhok, payo na mayong buhok; embes na sarong magayon na gubing, trapo an igugubing ninda; embes na kagayonan, kasosopgan!

Isaias 32:11

Namuhay kamo nin matiwasay asin mayo nin mga kahaditan; alagad pagtakig kamo sa takot! Hubaa nindo an saindong mga gubing, asin pagsulot kamo nin sako.

Isaias 37:1

Kan madangog ini ni Hadeng Ezekias, ginisi niya an saiyang gubing sa kamondoan, nagsulot siya nin sako, asin nagduman sa Templo nin Kagurangnan.

Isaias 37:2

Dangan sinugo niya ki Propeta Isaias, na aking lalaki ni Amoz, si Eliakim na namamahala kan palasyo, si Sebna na sekretaryo, asin an mga gurang na padi; gabos sinda nakasulot nin sako.

Isaias 58:3

Naghahapot an mga tawo, “Tadaw ta mag-aayuno kami? Dai man iyan nahihiling kan Kagurangnan. Tadaw ta dai kami magkakan kun dai man niya iyan papahalagahan? An Kagurangnan nagsasabi sainda, “Sa katotoohan, mantang nag-aayuno kamo, padagos nindong hinahanap an kaogmahan asin inaapi nindo an saindong mga trabahador.

Jeremias 16:6

An mayaman saka an dukha magagadan sa dagang ini; dai sinda ilulubong ni tatangisan. Mayo nin siisay man na malugad kan saiyang sadiri ni maaris kan saiyang buhok tanganing ipahiling an saiyang pagmondo para sainda.

Jeremias 16:8

“Dai ka maglaog sa harong na igwa nin nagbabangkete. Dai ka magtukaw sa kaibahan ninda tanganing magkakan saka mag-inom.

Jeremias 4:8

Kaya magsulot kamo nin sako, magtangis kamo saka maghaya huli ta an mabangis na kaanggotan nin Kagurangnan sa Juda dai nahahale.

Jeremias 7:29

“Pagmondo kamo, mga taga Jerusalem; putolon nindo an saindong buhok asin tapokan sa harayo. Manambitan kamo sa ibabaw kan kabubuldan, huli ta ako, an Kagurangnan, naaanggot asin isinisikwal ko an sakong banwaan.

Ezekiel 27:31

Inaaris ninda an saindang buhok asin naggugubing nin sako, mamondo sinda, mantang nagtatangis para saimo.

Daniel 5:1

Sarong banggi, inalok ni Hadeng Belsazzar an sangribong kalalakihan sa sarong dakulang bangkete, asin nag-irinoman sinda.

Oseas 9:1

Banwaan nin Israel, ontoka an sa paganong pagselebrar nindo kan saindong pyesta. Tinalikodan nindo an saindong Dios asin dai kamo nagin maimbod saiya. Nakalakop kamo sa daga sa pagpabakal kan saindong sadiri sa dios na si Baal; arog kamo sa mga maraot na babae asin namotan nindo an trigo na sa paghona nindo ibinayad niya saindo!

Joel 1:13

Pagsulot nin sako asin pagtangis, kamong mga padi na naglilingkod duman sa altar! Paglaog kamo sa Templo asin pagmondo sa bilog na banggi! Mayo nang trigo o arak na ikakadolot sa saindong Dios.

Joel 1:8

Pagtangis kamo, arog sa sarong daraga na ipinagmomondo an kagadanan kan lalaking saiyang magigin agom.

Joel 2:12

“Alagad maski ngunyan,” an sabi nin Kagurangnan, “magbalik kamo sako sa bilog nindong puso na may pag-ayuno asin pagtangis patin pagmondo.

Joel 2:17

An mga padi, na naglilingkod sa Kagurangnan sa pagultanan kan altar asin kan pintoan kan Templo, kaipuhan na magtangis saka magpamibi: “Maherak ka sa saimong banwaan, Kagurangnan. Hare pagtugote an ibang nasyon na pagngisihan kami dangan pag-olog-ologon sa pagsabing, ‘Haen an saindong Dios?’”

Amos 8:10

An saindong mga pyesta magigin mga aldaw nin kamondoan, asin an saindong magayagayang mga awit magigin mga panambitan. Gigibohon kong mapiritan kamong mag-aris kan saindong payo saka maggubing nin sako. Magigin arog kamo sa mga magurang na nagmomondo huli sa pagkagadan kan solo nindang aking lalaki. Magigin mapait sagkod sa kataposan an aldaw na iyan.

Jonas 3:6

Kan an baretang ini nakaabot sa hade nin Nineve, naghale siya sa natutukawan niyang trono, hinuba an saiyang gubing dangan nagsulot nin sako asin nagtukaw sa abo.

Mikas 1:16

Mga taga Juda, putola an saindong mga buhok sa pagmondo para sa namomotan nindong kaakian. Aroga nindo an pagkaangas kan bwitre, huli ta itatapok an saindong kaakian.

Santiago 5:1

Hinanyoga nindo ako, mga mayaman! Magtangis saka maghaya kamo sa mga kasakitan na madatong saindo!