Isaias 21:9 - Marahay na Bareta Biblia

⁹ Dangan duminatong tolos an mga nakakabayo; manduwa-duwa sinda. Ipinahayag kan bantay an saiyang nahiling, “Nagbagsak na an Babilon! Parasa na an gabos na ladawan na saindang sinamba.”

Isaias 21:9 ပူးပေါင်းရင်းမြစ်များ

Isaias 13:19

An Babilonia iyo an pinakamagayon sa gabos na kahadean; iyan an orgulyo kan saiyang mga namamanwaan. Alagad ako, an Kagurangnan, an marumpag sa Babilonia siring kan ginibo ko sa Sodoma asin sa Gomorra.

Isaias 14:4

Kun gibohon na niya ini, pag-oolog-ologon kan mga Israelita an hade nin Babilonia asin magsasarabi: “Buminagsak na an makuring hade! Dai na nanggad siya makakaapi sa kiisay man!

Isaias 2:18

Dangan magkakawarara an mga dios-dios.

Isaias 21:7

Kun makahiling siya nin mga lalaking nakakabayo na manduwa-duwa, asin nin mga lalaking nakalunad sa mga asno saka mga kamelyo, kaipuhan bantayan niya sinda nin marahay.”

Isaias 47:5

Sinasabihan nin Kagurangnan an Babilon, “Tumukaw ka asin dai ka maggirong diyan sa diklom; dai ka na aapodon na reyna nin mga nasyon!

Isaias 47:9

Alagad sa madaling panahon, sa laog nin sarong aldaw, an duwang bagay na ini mangyayari. Maski gamiton mo pa an gabos na salamangka, mawawaraan ka nin agom asin mga aki.

Isaias 48:14

“Kamo gabos, pagtiripon asin paghinanyog! Maski saro sa mga dios-dios dai makakahula na an lalaking sakong pinili iyo an masalakay sa Babilon; gigibohon niya an sakong ipinapagibo.

Jeremias 50:29

“Taraman nindo an mga parapana na salakayon an Babilon. Padumanon an lambang saro na tataong maggamit nin pana saka bosog. Palibotan nindo an syudad; dai nindo pagpabayaan na may makadulag. Baloson nindo siya sosog sa saiyang ginibo; gibohon saiya an ginibo niya sa iba; huli ta mapaabaw-abaw niyang tinumangan ako, an Banal nin Israel.

Jeremias 50:38

Pagkaalang para sa saiyang daga; pagkahubas para sa saiyang mga salog. An Babilonia iyo an daga nin nakakatakot na mga dios-dios na nagparungaw sa mga tawo.

Jeremias 50:42

May dara sindang mga pana saka mga espada; mga makuri sinda asin mayo nin pagkaherak. Garo sinda dagat na naghahagubohob mantang nagpapadalagan kan saindang mga kabayo. Andam sinda sa pakigera laban sa Babilonia.

Jeremias 50:9

Huli ta susuratan ko an sarong grupo nin makokosog na nasyon sa amihan tanganing salakayon an Babilonia. Malinya sinda sa pakigera asin sasalakayon ninda an Babilonia. Mga eksperto sindang paraayam asin mayo nin nasasayang na bosog kun sinda minapana.

Jeremias 51:27

“Iitaas nindo an bandera sa pagsalakay! Patanogon nindo an trompeta tanganing madangog kan mga nasyon. Paandama an mga nasyon sa pakigera laban sa Babilonia! Taraman nindo an mga kahadean nin Ararat, Minni asin Askenaz na magsalakay laban saiya. Pumili kamo nin opisyal na mangengenot sa pagsalakay. Magpadara kamo nin mga kabayo na arog kadakul sa mga lokton.

Jeremias 51:44

Papadusahan ko si Bel, an dios-dios nin Babilonia, asin ipapabalik ko sa saiya an mga hinabon niya; dai na nanggad masamba saiya an mga nasyon. “Narumpag na an mga kudal kan Babilon.

Jeremias 51:47

Kaya maabot an panahon na papadusahan ko an mga dios-dios nin Babilonia. Mapapasopog an bilog na nasyon saka magagadan an gabos na namamanwaan niya.

Jeremias 51:52

Kaya ako nagsasabi na maabot na an panahon na papadusahan ko an mga dios-dios kan Babilon asin mag-aagrangay an mga nalugadan sa bilog na daga.

Jeremias 51:64

asin magsabi ka, ‘Iyo ini an mangyayari sa Babilonia—mairarom siya asin dai na maibabaw giraray huli kan kapahamakan na ipapadara saiya nin Kagurangnan.’” Digdi natatapos an mga tataramon ni Jeremias.

Jeremias 51:8

Bigla an pagbagsak saka pagraot sa Babilonia! Magmondo kamo para saiya! Magkua kamo nin bolong para sa saiyang mga lugad, ta tibaad maomayan siya.

Kapahayagan 14:8

May nagsunod na ikaduwang anghel na nagsabi, “Rumpag na! Rumpag na an bantog na Babilonia, an nagpainom sa gabos na nasyon kan arak nin saiyang karigsokan.”

Kapahayagan 18:2

Nagkurahaw siya nin makosog, “Narumpag na, narumpag na an dakulang Babilonia! Ngunyan erokan na siya kan mga demonyo, lugar na tagoan kan mga maating espiritu asin kan gabos na klaseng maati saka nakakaongis na mga gamgam.

Kapahayagan 18:21

Dangan sarong makosog na anghel an nagpurot nin gapo na arog kadakula kan gapong gilingan saka itinapok idto sa dagat, dangan nagsabi, “Arog kaini kakosog an pagbagsak kan dakulang syudad nin Babilonia; dai na nanggad iyan mahihiling.