Isaias 21:2 - Marahay na Bareta Biblia

² Nakahiling ako nin sarong bisyon nin mangirhat na mga pangyayari, sarong bisyon nin pagpasaluib asin pagkagaba. Magsalakay ka, hukbo nin Elam! Palibotan mo an mga syudad, hukbo nin Media! Oontokon na nin Dios an pagtios na dara kan Babilon.

Isaias 21:2 ပူးပေါင်းရင်းမြစ်များ

Genesis 10:22

An mga aking lalaki ni Sem iyo si Elam, Assur, Arpaksad, Lud asin Aram.

2 Mga Hade 17:6

Kan ikasiyam na taon kan paghahade ni Hosea, nasakop kan emperador nin Asiria an Samaria. An mga Israelita dinara niya sa Asiria bilang mga bihag, dangan pinaerok sa syudad nin Hala, asin sa harani kan salog nin Habor sa distrito nin Gozan, saka sa mga syudad nin Media.

Salmo 119:158

Nababaldi ako kun nahihiling ko an mga mayong pagtubod, huli ta dai ninda inootob an saimong mga pagboot.

Salmo 12:5

“Madatong ako,” an sabi nin Kagurangnan, “huli ta an mga dukha nasasakitan, an mga nangangaipo nag-aagrangay. Tatawan ko sinda nin kaligtasan na saindang pinaglalaoman.”

Salmo 25:3

Dai madadaog an mga naglalaom saimo; alagad masosopog an minapasaluib saimo.

Salmo 60:3

Pinasakitan mo nin makuri an saimong banwaan; pinainom mo kami nin arak kaya kami nagsasayasay.

Salmo 79:11

Dangoga an inagrangay kan mga nasa bilanggoan; asin huli kan saimong dakulang kapangyarihan, ligtasan an mga nahatolan na magadan.

Mga Talinhaga 13:15

An kadonongan nakakakua nin paggalang, alagad an tawong dai masasarigan nasa dalan na pasiring sa kapahamakan.

Isaias 11:11

Sa aldaw na iyan, gagamiton giraray nin Kagurangnan an saiyang kapangyarihan asin ipupuli an mga natada kan saiyang banwaan hale sa Asiria, Egipto, Patros, Etiopia, Elam, Babilonia, Hamath, asin sa mga baybayon kan dagat.

Isaias 14:4

Kun gibohon na niya ini, pag-oolog-ologon kan mga Israelita an hade nin Babilonia asin magsasarabi: “Buminagsak na an makuring hade! Dai na nanggad siya makakaapi sa kiisay man!

Isaias 14:7

Ngunyan an bilog na daga nagkakaigwa nin kapahingaloan saka katoninongan; an gabos nag-aarawit sa kaogmahan.

Isaias 22:6

An mga soldados hale sa daga nin Elam nag-abot na nakalunad sa mga kabayo, armado nin mga pana. Inandam na man kan mga soldados na hale sa Kir an saindang mga kalasag.

Isaias 24:16

Hale sa poro kan kinaban madadangog nyato an mga awit nin pag-omaw sa Israel, an matanos na nasyon. Alagad mayo ako nin paglaom! Nagrarani sako an kagadanan! Padagos sa pagpasaluib an mga parapasaluib, asin nag-oorog an saindang pagpapasaluib.

Isaias 33:1

Herak man sa samong mga kaiwal! Nanghabon saka nagpasaluib sinda, maski mayo nin nanghabon asin nagpasaluib sainda. Alagad matatapos na an panahon kan saindang panghahabon asin pagpapasaluib; sinda mismo an magigin biktima nin panghabon asin pagpasaluib.

Isaias 35:10

Magayagaya sindang makakaabot sa Jerusalem, na nag-aawit asin nagkukurahaw sa kaogmahan. Sagkod pa man magigin maogma sinda, sagkod pa man magigin talingkas sinda sa kamondoan asin sa kasakitan.

Isaias 47:6

Naanggot ako sa sakong banwaan; dai ko na sinda ibinilang na sadiri ko. Itinao ko sinda sa saimong kamot, asin dai mo sinda naherakan; maski an mga gurang saimong sinakalan.

Jeremias 31:20

“Israel, ika an aki kong namomotan, an aki na sakong nawiwilihan. Kun nasasambit ko an saimong ngaran, ginigiromdom taka na may pagkamoot. Hinihidaw taka kaya maheherakan taka.

Jeremias 31:25

Papakosogon ko an mga napapagal saka pakakakanon ko an mga nanluluya huli sa gutom.

Jeremias 45:3

nagsasabi ka, ‘Herak man sako huli ta dinagdagan nin Kagurangnan an sakong kasakitan nin kamondoan. Napapagal na ako sa kaaagrangay, asin mayo na ako nin kapahingaloan!’

Jeremias 49:34

Nagtaram sako an Kagurangnan manongod sa Elam, kan magpoon sa paghahade si Zedekias sa Juda.

Jeremias 49:35

Nagsabi an Kagurangnan nin mga hukbo, “Babarion ko an pana nin Elam, an armas na tanda kan saindang kosog.

Jeremias 50:14

“Mga parapana, maglinya na kamo para sa gera laban sa Babilon saka palibotan nindo iyan. Panaon nindo an Babilon kan gabos nindong bosog, huli ta nagkasala siya tumang sako, an Kagurangnan.

Jeremias 50:34

Alagad makosog an saindang Paratubos; an ngaran niya iyo an Kagurangnan nin mga hukbo. Siya an nakikilaban para sainda, asin mapadara siya nin katoninongan sa daga, alagad kahorasaan sa mga taga Babilonia.”

Jeremias 51:11

Sinutsutan nin Kagurangnan an mga hade nin Media huli ta boot niyang raoton an Babilonia. Iyan an gigibohon niyang pagbalos huli sa pagkarumpag kan saiyang Templo. Nagboboot an nagsasalakay na mga opisyal, “Pataromon nindo an saindong mga bosog! Andama an saindong mga kalasag!

Jeremias 51:44

Papadusahan ko si Bel, an dios-dios nin Babilonia, asin ipapabalik ko sa saiya an mga hinabon niya; dai na nanggad masamba saiya an mga nasyon. “Narumpag na an mga kudal kan Babilon.

Jeremias 51:53

Maski pa masakat kan Babilon an langit saka makatugdok duman nin makosog na bantayan, mapadara ako nin mga tawo tanganing raoton iyan. Ako, an Kagurangnan, an nagtaram.”

Mga Panambitan 1:22

“Kondenara sinda huli kan saindang mga karatan, siring na pinadusahan mo ako huli kan sakong mga kasalan. Minaagrangay ako sa kasakitan, asin pinanluluya an sakuyang puso.”

Daniel 5:28

PERES, binanga na an saimong kahadean asin itinao sa mga taga Media saka sa mga taga Persia.”

Daniel 5:9

Sa makuring katakotan ni Hadeng Belsazzar, orog pa siyang nanlongsi, asin dai maaraman kan mga iginagalang na kalalakihan kun ano an saindang gigibohon.

Daniel 8:2

Sa bisyon, nahiling ko an sakong sadiri sa laog kan kudal kan syudad nin Susa sa probinsya nin Elam. Nagtitindog ako sa tampi kan Salog nin Ulai,

Daniel 8:20

“An lalaking karnero na nahiling mo na igwang duwang sungay, iyo an kahadean nin Media saka Persia.

Kapahayagan 13:10

An para sa pagkabihag, mabibihag mananggad; an para sa espada, magagadan sa espada. Kaya an mga banal dapat na magkaigwa nin pakatagal saka pagtubod.”

1 Samuel 24:13

Aram mo an suanoy na kasabihan, ‘An karatan minagikan sa maraot na tawo.’ Kaya dai ako matumang saimo.