Isaias 21:12 - Marahay na Bareta Biblia

¹² Nagsimbag ako, “Madali na an aga, alagad maabot giraray an banggi. Kun boot mong maghapot giraray, magbalik ka asin maghapot.”

Isaias 21:12 ပူးပေါင်းရင်းမြစ်များ

Isaias 17:14

Sinda an dahelan nin takot pagkabanggi, alagad pagkaaga, mayo na sinda. Iyan an nangyayari sa kiisay man na masamsam kan satong daga.

Isaias 21:11

Iyo ini an mensahe dapit sa Edom. Igwang nag-aapod sako hale sa Edom, “Parabantay, pirang oras pa bago mag-aga? Sagkod nuarin matatapos an banggi?”

Isaias 21:13

Iyo ini an mensahe dapit sa Arabia. Kamong mga taga Dedan, na an mga parabaklay nagkakampo sa kaawagan nin Arabia,

Isaias 55:7

Pabayaan na kan tampalasan an maraot nindang pamumuhay asin an biko nindang mga kaisipan. Magbalik na sinda sa Kagurangnan, an satong Dios; maheherakon siya asin madaling magpatawad.

Jeremias 50:27

Gadanon nindo an saiyang mga soldados! Uboson nindo sinda. Herak man sa mga taga Babilonia huli ta nag-abot na an aldaw, an panahon nin pagpadusa sa sainda.” (

Ezekiel 33:11

Sabihan mo sinda na mantang ako, an Kagurangnan Dios na buhay, dai ako naoogma kun nagagadan an sarong parakasala; kundi boot kong mag-ontok siya sa pagkakasala dangan mabuhay. Israel, ontoka an karatan na saimong ginigibo. Tadaw ta boot mong magadan?

Ezekiel 7:10

Nagdadangadang na an aldaw! Namumurak na an inhustisya asin nagsusupang na an kapaabaw-abawan.

Ezekiel 7:12

Nagdadangadang na an panahon. Harani na an aldaw na dai na magkakaigwa nin kahulogan an pagbakal ni an pagpabakal, huli ta an kaanggotan nin Dios maabot sa gabos.

Obadias 1:1

Iyo ini an propesiya ni Obadias—an itinaram nin Kagurangnan Dios manongod sa nasyon nin Edom. Ipinadara nin Kagurangnan an saiyang sugo sa mga nasyon, asin nadangog mi an saiyang mensahe: “Pag-andam! Makigera kita sa Edom!”