Isaias 21:10 - Marahay na Bareta Biblia

¹⁰ Banwaan kong Israel, gininik kang arog sa trigo, alagad ipinapahayag ko saimo ngunyan an marahay na bareta na nadangog ko sa Kagurangnan nin mga hukbo, an Dios nin Israel!

Isaias 21:10 ပူးပေါင်းရင်းမြစ်များ

1 Mga Hade 22:14

Alagad nagsimbag si Micaias, “Sa ngaran kan buhay na Kagurangnan nasumpa ako na kun ano an itataram niya sako iyo sana an sakong itataram!”

2 Mga Hade 13:7

Mayo na nin natadang hukbo si Jehoahaz kundi an singkwentang lalaki na nakakabayo, sampolong karwahe asin dyes mil na soldados, huli ta an iba ginadan kan hade nin Siria, na tinimaktimakan niya siring sa alpog.

Isaias 28:28

Dai niya sinasayang an trigo sa daing ontok na pagginik kaiyan; liniligis niya iyan nin kariton asin dai naroronot an trigo.

Jeremias 23:28

Pabayae an propetang nangatorogan na magsabi kan saiyang pangatorogan, alagad tugote an propeta na nakadangog kan sakong mensahe na magin maimbod sa paghulit kaiyan. Ano an karahayan kan dagami kun ibaing sa trigo?

Jeremias 51:33

Dai na mahahaloy aanihon na sinda kan kaiwal saka titimaktimakan arog kan mga inani sa lugar na pinaggiginikan. Ako, an Kagurangnan nin mga hukbo, an Dios nin Israel, an nagtaram.”

Ezekiel 40:4

Sinabihan niya ako, “Aki nin tawo, maghinanyog ka asin maanan mo nin marahay an gabos na ipapahiling ko saimo, huli ta iyan an dahelan kun tadaw ta ipinag-iba taka digdi. Ipapahayag mo sa banwaan nin Israel an gabos mong mahihiling.”

Amos 3:8

Siisay an dai natatakot kun minaungal an sarong leon? Siisay an dai minapahayag kan mensahe kan Kagurangnan Dios kun siya nagtataram?

Mikas 4:13

Nagsasabi an Kagurangnan, “Banwaan nin Jerusalem, lakaw asin padusahan mo an saimong mga kaiwal! Gigibohon takang makosog arog sa sarong torong baka na igwang lansang na sungay saka kuku na bronse. Roronoton mo an dakul na nasyon, asin an kayamanan na saindang kinua sa paagi nin dahas idodolot mo sako, an Kagurangnan kan bilog na kinaban.”

Habakkuk 3:12

Sa kaanggotan, naglakaw ka sa kahiwasan kan daga; sa labi-labi mong kaanggotan, tinimaktimakan mo an mga nasyon.

Mateo 3:12

May dara siyang saligsigan nganing saligsigon an gabos na inani. An paroy titiponon niya sa saiyang harong-harong, alagad an ata susuloon niya sa kalayong dai nasisigbo.”