Isaias 21:1 - Marahay na Bareta Biblia

¹ Iyo ini an mensahe dapit sa Babilon. Siring sa sarong aripuros na minaagi sa Negeb hale sa kalangtadan, an kasakitan maabot hale sa sarong makatatakot na daga.

Isaias 21:1 ပူးပေါင်းရင်းမြစ်များ

An Libro ni Job 37:9

Naghahale sa habagat an makokosog na doros, asin sa amihan an doros na sobra an lipot.

Isaias 13:1

Iyo ini an mensaheng hale sa Dios dapit sa Babilon, na inako ni Isaias na aking lalaki ni Amoz.

Isaias 13:13

Papatakigon ko an kalangitan, asin matatanyog an daga sa saiyang namumugtakan sa aldaw na ako, an Kagurangnan nin mga hukbo, magpahiling kan sakong kaanggotan.

Isaias 14:1

Maheherakan giraray nin Kagurangnan an saiyang banwaan nin Israel asin pipilion niya sinda bilang saiyang sadiri. Tutugotan niya sindang mag-erok giraray sa saindang daga, asin maabot an mga dayuhan dangan maerok sa kaibahan ninda.

Isaias 14:14

Nagsaboot kang sasakaton mo an kaitaasan kan mga panganoron asin magin siring sa Makakamhan.

Isaias 14:23

Gigibohon kong sarong katiboan an Babilon, lugar na eerokan kan mga kuwaw. Sisighidon ko an Babilon nin sarong sighid na mahale kan gabos na yaon diyan. Ako, an Kagurangnan nin mga hukbo, an nagtaram.”

Isaias 17:1

Nagtaram an Kagurangnan, “An Damasco dai na magigin sarong syudad, kundi magigin sarong tambak nin mga gaba.

Isaias 47:1

Nagsasabi an Kagurangnan, “Babilon, humilig ka sa saimong trono, asin tumukaw ka sa alpog kan daga. Kaidto nakakaagid ka sa sarong birhen, sarong syudad na dai nasakop, alagad bako ka nang lumbod asin mabini! Saro ka nang oripon ngunyan!

Isaias 5:28

Matarom an saindang mga bosog, asin andam na an saindang mga pana. Garo matagas na gapo an mga kuku kan saindang mga kabayo, asin an mga rweda kan saindang mga karwahe magigin garo aripuros.

Jeremias 51:1

Nagsasabi an Kagurangnan, “Mapadara ako nin sarong espiritu na maraot kan Babilonia asin kan mga nag-eerok diyan.

Jeremias 51:42

Nag-itaas an dagat saka nalantopan kan naghahagubohob na mga alon an Babilon.

Jeremias 51:51

Nagsasabi kamo, ‘Napasopog kami huli ta nakadangog kami nin pagtuyatuya; namatean mi an pagkawara kan samong onra huli ta nagdatong an mga dayuhan saka naglaog sinda sa mga banal na lugar sa Templo.

Ezekiel 1:4

Nagtingkalag ako asin nahiling ko an sarong bagyo na nagdadangadang hale sa amihan. May kikilat na nagluluwas hale sa sarong dakulang panganoron, asin nagliliwanag nin marahay an palibot kaini. Sa tahaw kan kikilat, igwa nin nagkikintab na garo bronse.

Ezekiel 30:11

Madatong siya asin an saiyang maringis na hukbo tanganing raoton an daga. Sasalakayon ninda an Egipto na may darang espada, dangan mapapano an daga nin mga bangkay.

Ezekiel 31:12

Papalodon iyan dangan babayaan kan mariringis na mga dayuhan. Mababari an mga sanga kaiyan dangan mahugpa sa gabos na bukid saka kapantayan kan daga. Maharale an gabos na nasyon na nag-erok sa lindong kaiyan.

Ezekiel 38:9

Siya, an saiyang hukbo asin an dakul na nasyon na kaibahan niya, masalakay siring sa sarong bagyo asin garo panganoron na tatahoban ninda an daga.”

Daniel 11:40

“Kun matatapos na an panahon kan hade nin Siria, masalakay saiya an hade nin Egipto, alagad lalabanan niya ini sa bilog niyang kosog; magamit siya nin mga karwahe, mga kabayo asin dakul na barko. Arog sa tubig nin baha, sasalakayon niya an dakul na nasyon.

Zacarias 9:14

An Kagurangnan matunga sa ibabaw kan saiyang banwaan; garo kikilat na bubutasan niya an saiyang mga bosog. Papatanogon kan Kagurangnan Dios an trompeta, dangan mamartsa siya sa mga bagyong hale sa habagat.