Isaias 20:2 - Marahay na Bareta Biblia

² Tolong taon na an nakalihis kan sabihan nin Kagurangnan si Isaias na aking lalaki ni Amoz, na hukason an saiyang sandalyas asin an sulot niyang sako. Nagkuyog siya asin naglakaw na huba saka mayo nin sandalyas.

Isaias 20:2 ပူးပေါင်းရင်းမြစ်များ

2 Samuel 15:30

Alagad naghihibi na nagtukad si David sa Bukid nin mga Oliba; nakabitis sana siya asin may tahob an payo bilang tanda nin pagmondo. An gabos na nagsunod saiya nagtahob man kan saindang payo asin naghibi.

2 Samuel 6:20

Kan magpuli si David tanganing masakaibahan kan saiyang pamilya, sinabat siya ni Mical asin sinabihan, “Nagdakula an dangog kan hade nin Israel ngunyan na aldaw huli ta naghuba siya na garo lolong sa atubangan kan mga babaeng oripon kan saiyang mga opisyal!”

2 Mga Hade 1:8

“Nakasulot siya nin gubing na gibo sa mga anit nin hayop asin nakahabay nin anit,” an simbag ninda. “Si Elias idto!” an sabi kan hade.

Salmo 30:11

An sakong kamondoan sinanglean mo nin pagsayaw; hinale mo an sakong pagmondo asin hinagkosan mo ako nin kaogmahan.

Exodo 3:5

Nagtaram an Kagurangnan, “Dai ka magrani. Halea an saimong mga sandalyas, huli ta banal an lugar na saimong natitindogan.

Isaias 1:1

Nasa librong ini an bisyon na nahiling ni Isaias, na aking lalaki ni Amoz, dapit sa Juda asin sa Jerusalem kan panahon kan paghahade sa Juda ni Uzzias, ni Jotam, ni Ahaz asin ni Ezekias.

Isaias 13:1

Iyo ini an mensaheng hale sa Dios dapit sa Babilon, na inako ni Isaias na aking lalaki ni Amoz.

Isaias 37:2

Dangan sinugo niya ki Propeta Isaias, na aking lalaki ni Amoz, si Eliakim na namamahala kan palasyo, si Sebna na sekretaryo, asin an mga gurang na padi; gabos sinda nakasulot nin sako.

Jeremias 48:37

Inaris ninda an saindang buhok saka inahit an saindang barabas. Linugad ninda an saindang mga kamot saka nagsulot nin sako.

Ezekiel 24:17

Mag-agrangay ka, alagad dai dapat madangog iyan; dai ka nanggad magpahiling na ika nagmomondo. Dai ka mag-aris nin buhok ni magtangkas kan sandalyas. Dai mo pagtahoban an saimong lalawogon o magkakan kan kakanon nin mga nagmomondo.”

Ezekiel 24:23

Dai nindo aarison an saindong buhok, ni tatangkason an saindong sandalyas; dai kamo magmomondo o maghihibi. Manluluya kamo huli kan saindong mga kasalan asin mag-aagrangay kamo sa lambang saro.

Ezekiel 4:1

Nagtaram an Dios, “Aki nin tawo, kumua ka nin ladrilyo, ibugtak mo iyan sa atubangan mo dangan iukit mo diyan an sarong syudad, an syudad nin Jerusalem.

Mikas 1:11

Magpadagos kamo sa paglakaw na huba asin nasosopog, mga taga Safir. An mga taga Zaanan takot na magluwas sa saindang syudad. Kun madangog na nindong nagtatangis an mga taga Bet-ezel, maaaraman nindong mayong pailihan duman.

Mikas 1:8

Dangan nagsabi si Mikas, “Huli kaini, magmomondo saka mananambitan ako. Malakaw akong nakabitis asin huba sa pagpahiling kan sakong kamondoan. Makurahaw ako arog sa sarong lalaw na ayam asin mahaya ako arog sa dakulang gamgam.

Zacarias 13:4

Pag-abot kan panahon na iyan, mayong propetang magpapaabaw-abaw huli kan saiyang mga bisyon o mamumuhay arog sa gawe nin sarong propeta o magsusulot kan mabalukag na gubing nin sarong propeta tanganing mandaya nin mga tawo.

Mateo 16:24

Dangan sinabihan ni Jesus an saiyang mga disipulo, “An siisay man na boot sumunod sako, kaipuhan lingawan niya an sadiri niyang buhay, magpasan kan saiyang krus asin magsunod sako.

Mateo 3:4

An gubing ni Juan gibo sa mga buhok nin kamelyo, may hagkos siyang anit. An kakanon niya doron asin dugos.

Juan 21:7

An padangat na disipulo ni Jesus nagsabi ki Pedro, “An Kagurangnan iyan!” Pagkadangog kaini ni Pedro, nagsulot siya nin gubing (huli ta huba siya) dangan luminukso sa tubig.

Mga Gibo 19:16

Linuksohan sinda kan lalaking may maraot na espiritu, ginumol, asin dinaog. Kaya duminulag sinda sa harong na idto, huruba saka rulugad.

Mga Gibo 21:11

Nagdolok siya samo, kinua niya an hagkos ni Pablo saka ginapos kaiyan an sadiri niyang mga bitis saka mga kamot dangan nagsabi, “An Espiritu Santo nagsabi na an kagsadiri kan hagkos na ini gagaposon na arog kaini kan mga Judio duman sa Jerusalem, asin itatao sa mga pagano.”

Josue 5:15

Nagsabi saiya an pamayo kan hukbo nin Kagurangnan, “Haleon mo an saimong mga sandalyas, huli ta banal an lugar na saimong natitindogan.” Ginibo ni Josue an ipinagboot saiya.

Kapahayagan 11:3

An duwa kong saksi na nakagubing nin sako tatawan ko nin kapangyarihan na magpropesiya sa laog nin mil dos syentos sesentang aldaw.”

1 Samuel 19:24

Hinuba niya an saiyang gubing asin nagsayaw saka nagkurahaw sa atubangan ni Samuel, dangan naghigda na huba sa bilog na aldaw asin banggi. (Iyo ini an kapinonan kan kasabihan, “Ano si Saul, saro na man na propeta?”)