Isaias 2:8 - Marahay na Bareta Biblia

⁸ An saindang daga pano na nin mga ladawan; asin sinasamba ninda an mga bagay na gibo kan saindang kamot.

Isaias 2:8 ပူးပေါင်းရင်းမြစ်များ

1 Mga Hade 16:7

An mensahe nin Kagurangnan laban ki Baasa asin sa saiyang pamilya nag-abot sa paagi ni Propeta Jehu huli kan mga kasalan ni Baasa na ginibo niya tumang sa Kagurangnan. Pinaanggot ni Baasa an Kagurangnan bako sana huli ta nagkasala siya siring kan ginibo ni Jeroboam, kundi huli ta ginadan niya an bilog na pamilya ni Jeroboam.

2 Mga Hade 17:10

Nagbugtak sinda nin mga gapong harigi saka mga ladawan kan diosang si Asera sa kabubuldan asin sa lindong kan lambang marambong na kahoy.

2 Mga Hade 17:16

Linapas ninda an gabos na togon kan Kagurangnan na saindang Dios asin naggibo sinda nin duwang metal na baka; naggibo pa sinda nin ladawan kan diosang si Asera, nagsamba sa mga bitoon asin naglingkod ki Baal.

2 Mga Cronica 27:2

Ginibo niya an matanos sa atubangan nin Kagurangnan siring kan ginibo kan saiyang ama na si Uzzias. Alagad dai siya naggibo kan kasalan na pagtutong nin insenso sa laog kan Templo bakong arog kan saiyang ama. An mga tawo iyo an padagos na nagkasala.

Isaias 17:8

Dai na sinda magsasarig sa mga altar na saindang ginibo, o magsasarig sa gibo nin saindang kamot—mga simbolo kan diosang si Asera saka mga altar nin insenso.

Isaias 26:13

O Kagurangnan na samong Dios, pinaghadean kami nin iba pwera saimo, alagad ika sana an samong Kagurangnan.

Isaias 37:19

Sinurulo ninda an mga dios kan mga nasyon na iyan na bako man talagang mga dios, kundi mga kahoy saka gapo na ginibo nin tawo.

Isaias 40:19

Bako siya arog sa dios-dios na ginigibo nin mga tawo, na pinapatos nin bulawan kan mga panday asin ibinababaw sa patungtongan na plata.

Isaias 41:29

Mayong kamugtakan an mga dios-dios na ini; mayo sindang nagigibo— maluluya saka mayo nin kapangyarihan an mga ladawan na ini.”

Isaias 57:5

Sinasamba nindo an mga dios-dios huli sa pakikidorog sa tangod kan sagrado nindong mga kahoy. Idinodolot nindo an saindong mga aki bilang sakripisyo sa mga magapong lungib na harani sa mga sapa.

Jeremias 1:16

Papadusahan ko an sakong banwaan huli ta nagkasala sinda; nagtalikod sinda sako, nagdolot nin mga sakripisyo sa mga dios-dios, dangan naggibo nin mga ladawan saka sinamba iyan.

Jeremias 11:13

An mga dios-dios kan mga taga Juda arog kadakul kan saindang mga syudad asin an mga altar na itinugdok kan mga nag-eerok sa Jerusalem para sa makauuyam na dios-dios na si Baal arog kadakul kan mga tinampo nin Jerusalem.

Jeremias 2:28

“Haen an saindong mga dios-dios na ginibo nindo? Sa saindong kasakitan magpatabang kamo sainda—kun kaya ninda! Juda, an saimong mga dios-dios arog kadakul kan saimong mga syudad.

Oseas 12:11

Alagad an pagsamba sa mga dios-dios ginigibo sa Gilead, asin magagadan an mga nagsasamba sainda. Nagsasakripisyo sinda nin mga torong baka sa Gilgal, asin magigin mga tambak nin gapo sa kaawagan an mga altar duman.”

Oseas 13:2

Padagos sinda sa pagkasala huli sa paggibo nin mga metal na ladawan na pagsasambahon—mga dios-dios na plata, na minukna kan isip nin tawo, na ginibo kan mga kamot nin tawo. Dangan minasabi sinda, “Pagdolot kamo nin mga sakripisyo sa sainda!” Paanong nakakahadok an tawo sa mga dios-dios—mga dios-dios na pormang torong baka!

Oseas 14:3

Dai nanggad kami ikakaligtas nin Asiria, asin dai man kami matatabangan kan mga kabayong panggera. Dai na nanggad kami masabi sa samong mga dios-dios na sinda an samong Dios. Huli ta sa saimo, Kagurangnan, nakakakua nin pagkaherak an mga ilo.”

Oseas 8:6

Sarong Israelitang panday an naggibo kan ladawan; bako iyan Dios! Maroronot an bulawan na baka na sinamba sa Samaria!

Mikas 5:12

Raraoton ko an ginagamit nindong salamangka dangan babayaan ko kamong mayo ni sarong parahula.

Mga Gibo 17:16

Mantang naghahalat si Pablo ki Silas asin ki Timoteo duman sa Atenas, nahiling niya na pano nin mga idolo an syudad asin napurisaw siya.

Deuteronomio 4:28

Sa mga nasyon na iyan, malingkod kamo sa mga dios-dios na kahoy saka gapo, mga gibo nin tawo, mga dios-dios na dai nakakahiling, dai nakakadangog, dai nakakakakan o nakakaparong.

Kapahayagan 9:20

Alagad an mga tawong dai nagadan kan mga pesteng ini dai nagbakle kan saindang mga gibo. Dai sinda nag-ontok magsamba sa mga demonyo saka sa mga ginibo nindang dios-dios na bulawan, plata, bronse, gapo o kahoy, na dai nakakahiling ni nakakadangog o nakakalakaw.