Isaias 2:20 - Marahay na Bareta Biblia

²⁰ Sa aldaw na iyan, an saindang mga dios na plata saka bulawan itatapok kan katawohan sa mga kino saka mga paniki, mga dios na saindang ginibo tanganing sambahon.

Isaias 2:20 ပူးပေါင်းရင်းမြစ်များ

Genesis 35:4

Kaya itinao ninda ki Jacob an gabos nindang mga dayuhan na dios sagkod an mga hikaw na sulot ninda. Ilinubong ini gabos ni Jacob sa irarom kan poon nin sarong hamurawon na kahoy na harani sa Shekem.

Parahulit 3:6

panahon nin paghahanap, saka panahon nin pagkakawara; panahon nin pagsaray, saka panahon nin pagtapok;

Isaias 10:3

Ano an saindong gigibohon kun padusahan na kamo nin Dios? Kun ipadara na niya saindo an kapahamakan na hale sa harayong lugar? Sa kiisay kamo mahagad nin tabang? Saen nindo tatagoon an saindong kayamanan?

Isaias 17:8

Dai na sinda magsasarig sa mga altar na saindang ginibo, o magsasarig sa gibo nin saindang kamot—mga simbolo kan diosang si Asera saka mga altar nin insenso.

Isaias 30:22

Dangan kukuahon nindo an saindong mga dios-dios na pinatos sa plata saka bulawan, asin itatapok nindo iyan arog sa mga maating bagay dangan makurahaw kamo, “Hale kamo!”

Isaias 31:7

Maabot an panahon na itatapok nindo an makasalan nindong mga dios-dios na saindong ginibo hale sa plata saka sa bulawan.

Isaias 40:19

Bako siya arog sa dios-dios na ginigibo nin mga tawo, na pinapatos nin bulawan kan mga panday asin ibinababaw sa patungtongan na plata.

Isaias 46:1

“Iyo ini an kataposan kan mga dios-dios nin Babilon! Sinamba kaidto si Bel saka si Nebo, alagad ngunyan isinasakay na sinda sa mga asno, sarong kagabatan sa likod kan pagal na mga hayop.

Isaias 46:6

Binubukasan kan mga tawo an saindang mga supot dangan inuula an bulawan; minatimbang sinda nin plata sa mga timbangan. Minatandan sinda nin alahero tanganing maggibo nin sarong dios; dangan minaluhod sinda asin sinasamba iyan.

Ezekiel 14:6

“Kaya ngunyan sabihan mo an mga Israelita kan itinataram ko, an Kagurangnan Dios: Magbakle kamo asin bayae nindo an makauuyam nindong mga dios-dios.

Ezekiel 36:25

Wiwirikan ko kamo nin malinig na tubig dangan magigin malinig na kamo sa gabos nindong dios-dios asin sa gabos na nakadigta sa saindo.

Ezekiel 7:19

An saindang mga bulawan saka plata itatapok ninda sa mga tinampo siring sa mga ati, huli ta dai sinda ikakaligtas kan mga iyan kun iula na nin Kagurangnan an saiyang kaanggotan. Dai ninda iyan magagamit sa paghale kan saindang kagutoman. An bulawan saka plata iyo an nagdara sainda sa kasalan.

Oseas 14:8

An banwaan nin Israel dai na nanggad magsasamba sa mga dios-dios; sisimbagon ko an saindang mga pamibi asin aatamanon ko sinda. Arog sa sarong marambong na kahoy lilindongan ko sinda; ako an gigikanan kan gabos nindang biyaya.”

Levitico 11:19

an gabos na klase nin talaod, an abudilya asin an paniki.

Sofonias 2:11

Tatakoton sinda nin Kagurangnan. Hahalean niya nin halaga an mga dios-dios kan daga, dangan sasambahon siya kan lambang nasyon, an lambang saro sa sadiri niyang daga.

Lukas 23:30

Sa panahon na iyan, an mga tawo masabi sa mga bukid, ‘Rumpagi nindo kami!’ dangan sa mga bulod, ‘Tambonan nindo kami!’