Isaias 2:2 - Marahay na Bareta Biblia

² Sa mga aldaw na maabot, an bukid na namumugtakan kan Templo nin Kagurangnan iyo an magigin pinakahalangkaw sa gabos, halangkaw ki sa gabos na bulod. An gabos na nasyon maduruman,

Isaias 2:2 ပူးပေါင်းရင်းမြစ်များ

Genesis 49:1

Inapod ni Jacob an saiyang mga aki dangan sinabihan, “Madya kamo sa palibot ko, asin sasabihon ko an mangyayari sa saindo sa maabot na aldaw:

An Libro ni Job 19:25

“Huli ta aram kong an sakong Paratubos nabubuhay, na sa kahuri-hurihi madatong tanganing sorogon ako.

Salmo 102:23

Pinangagin niya akong maluya sa kaodtohan nin sakong buhay; pinangagin niyang halipot an sakuyang mga aldaw.

Salmo 2:8

Maghagad ka asin ipapamana ko saimo an gabos na nasyon, ipapasadiri ko saimo an bilog na kinaban.

Salmo 22:27

An mga poro kan daga makakagiromdom asin mabalik sa Kagurangnan; an gabos na pamilya kan mga nasyon magsasamba sa saiyang atubang.

Salmo 22:28

Huli ta an Kagurangnan iyo an hade, siya an namamayo kan mga banwaan.

Salmo 48:2

An Sion, an bukid nin Dios, halangkaw asin magayon; an Sion, syudad kan dakulang hade, iyo an kaogmahan kan bilog na daga.

Salmo 68:17

Kaiba an ribo-ribong matitibay niyang karwahe, nag-abot sa banal na lugar an Kagurangnan hale sa Sinai.

Salmo 72:8

Maghade logod siya poon sa dagat sagkod sa dagat, poon sa Eufrates sagkod sa mga poro kan daga.

Salmo 86:9

Madatong an gabos na nasyon na saimong linalang; mataong galang sa saimong atubang; asin mapamuraway kan saimong ngaran.

Salmo 87:1

Sa banal na bulod, itinugdok nin Kagurangnan an saiyang syudad;

Salmo 87:2

namomotan nin Kagurangnan an syudad nin Jerusalem orog ki sa gabos na banwaan nin Israel.

Isaias 11:10

Sa aldaw na iyan, an gamot ni Jesse matindog bilang sarong tanda para sa mga banwaan; hahanapon siya nin mga nasyon, asin magigin mamuraway an saiyang erokan.

Isaias 25:6

Digdi sa Bukid nin Sion, maandam nin bangkete an Kagurangnan nin mga hukbo para sa gabos na nasyon kan kinaban—sarong bangkete nin masiram na mga pagkakan asin managom na mga arak.

Isaias 27:13

Pag-abot kan aldaw na iyan, patatanogon an sarong trompeta tanganing apodon an gabos na Israelita hale sa Asiria saka Egipto na itinapok duman. Madatong sinda asin masamba sa Kagurangnan sa Jerusalem, sa banal niyang bulod.

Isaias 30:29

Alagad kamo, banwaan nin Dios, magigin maogma asin mag-aawit kamo siring kan saindong ginigibo sa pagkabanggi nin sarong banal na pyesta. Magigin maogma kamo siring sa mga naglalakaw sa tugtog kan plawta pasiring sa Templo nin Kagurangnan, an Gapo nin Israel.

Isaias 49:6

Sinabihan ako nin Kagurangnan, “Igwa ako nin mas mahalagang trabaho para saimo, sakong sorogoon. Bako sanang ibabalik mo an kadakulaan kan natadang mga Israelita, kundi gigibohon takang sarong ilaw para sa mga nasyon— tanganing makaligtas an bilog na kinaban.”

Isaias 56:5

an saimong ngaran orog na magigiromdoman sa sakong Templo saka sa tahaw nin sakong banwaan, ki sa kun nagkaigwa ka nin dakul na aki. Dai ka nanggad malilingawan.”

Isaias 56:7

“Dadarahon ko kamo sa Sion, an sakong banal na bukid, tatawan ko nin kaogmahan sa sakong harong nin pamibian, asin aakoon ko an mga sakripisyo na idinodolot nindo sa sakong altar. An sakong Templo aapodon na harong nin pamibian para sa gabos na banwaan.”

Isaias 60:3

An mga nasyon madadagka kan saimong liwanag, asin an mga hade madadagka kan nagbabanaag na bago mong aldaw.

Isaias 65:11

“Alagad laen man an para saindo na nagbabaya sako, na dai nagmimidbid sa Sion, an sakong banal na bulod, asin nagsasamba ki Gad saka ki Meni, an mga dios-dios kan swerte asin palad nin tawo.

Isaias 66:20

Ibabalik ninda an saindong mga kahimanwa hale sa mga nasyon bilang regalo sako. Dadarahon ninda an mga tawong ini sa sakong banal na bulod sa Jerusalem. Malunad sinda sa mga kabayo, mga mula, asin mga kamelyo, patin sa mga karwahe saka mga kariton. Dadarahon ninda an mga kahimanwa ninda siring sa pagdara kan mga Israelita kan mga dolot na pagkakan sa Templo na nakabugtak sa mga malinig na laogan.

Isaias 66:23

Sa lambang Pyesta kan Bagong Bulan saka Sabbath, masaramba sa sako digdi sa Jerusalem an lambang nasyon,” an sabi kan Kagurangnan.

Jeremias 16:19

Kagurangnan, ika an nag-iingat sako asin nagtataong kosog; tinatabangan mo ako sa panahon nin kasakitan. Hale sa mga poro kan kinaban madolok saimo an mga nasyon saka masabi, “An mga dios kan samong mga ginikanan gabos mayong halaga.

Jeremias 23:20

asin dai iyan maontok sagkod na dai pa niya matapos an boot niyang gibohon. Sa huring aldaw malinaw na masasabotan ini kan saiyang banwaan.”

Jeremias 26:18

“Kan si Ezekias iyo an hade nin Juda, tinaraman ni Mikas na taga Moreset an gabos na tawo na nagtaram an Kagurangnan nin mga hukbo, ‘An Sion aaradohon arog sa sarong oma; an Jerusalem magigin sarong tambak nin mga raot, asin an bulod na natitindogan kan Templo magigin sarong kadlagan.’

Jeremias 3:17

Sa panahon na iyan, aapodon an Jerusalem na ‘An Trono nin Kagurangnan,’ asin an gabos na nasyon matiripon duman sa pagsamba sako. Dai na ninda susunodon an ipinapagibo sainda kan matagas saka maraot nindang mga puso.

Jeremias 31:12

Maabot sinda dangan maawit nin makosog sa ibabaw kan Bukid nin Sion; mag-oogma sinda huli kan sakong mga regalo— mga regalong trigo, arak, saka lana nin oliba, mga regalong karnero saka baka. Makakaarog sinda sa tatamnan na may patubig; dai na nanggad sinda magtitios.

Jeremias 48:47

Alagad maabot an panahon na an Moab papauswagon giraray nin Kagurangnan. Ini gabos an itinaram nin Kagurangnan na mangyayari sa Moab.

Jeremias 49:39

Alagad maabot an panahon na papauswagon ko giraray an Elam. Ako, an Kagurangnan, an nagtaram.”

Jeremias 51:44

Papadusahan ko si Bel, an dios-dios nin Babilonia, asin ipapabalik ko sa saiya an mga hinabon niya; dai na nanggad masamba saiya an mga nasyon. “Narumpag na an mga kudal kan Babilon.

Ezekiel 38:16

Sasalakayon mo an sakuyang banwaan nin Israel siring sa sarong panganoron na matahob kan daga. Pag-abot kan panahon na iyan, susugoon taka sa pagsalakay sa sakuyang daga tanganing mamidbid kan mga nasyon kun siisay ako, asin mahiling ninda an sakuyang kabanalan huli kan ipapagibo ko saimo.

Ezekiel 40:2

Sa sarong bisyon dinara ako nin Dios sa daga nin Israel, dangan ibinugtak sa sarong halangkaw na bukid. Sa atubangan ko, nahiling ko an sarong grupo nin mga edipisyo na arog sa sarong syudad.

Daniel 10:14

Napadigdi ako tanganing pasaboton ka kun ano an mangyayari sa saimong banwaan sa maabot na panahon. Saro ining bisyon dapit sa maabot na panahon.”

Daniel 2:28

Alagad igwa nin sarong Dios sa langit na nagpapahayag kan mga misteryo. Ipinaaram niya sa saimo an mangyayari sa maabot na panahon. Ngunyan sasabihon ko saimo an pangatorogan, an bisyon na nahiling mo mantang nagkakatorog ka.

Daniel 2:35

Naronot tolos an lansang, laboy, bronse, plata saka bulawan asin nagin siring sa alpog sa ginikan kun tig-init. Ipinalid iyan kan doros, asin mayo nin natada kaiyan. Alagad an gapong tuminama sa estatwa nagin sarong dakulang bukid na nakapano sa bilog na daga.

Daniel 2:45

Nahiling mo kun paanong nagpoon magligid an sarong gapo hale sa ampas maski mayo nin siisay man na nagduta kaiyan, asin kun paano tinamaan kaiyan an estatwa na gibo sa lansang, bronse, laboy, plata, saka bulawan. Mahal na Hade, sinasabihan ka kan dakulang Dios kun ano an mangyayari sa maabot na panahon. Sinasabihan taka kan bilog mong pangatorogan, asin itinao ko saimo an totoong kahulogan kaiyan.”

Oseas 3:5

Alagad madatong an panahon na an banwaan nin Israel mabalik sa Kagurangnan na saindang Dios asin sa sarong kapagarakian ni David na saindang hade. Dangan magkakaigwa sinda nin takot sa Kagurangnan asin maako sinda kan saiyang marahay na mga regalo.

Zacarias 14:10

An bilog na daga, magpoon sa Geba sa amihan sagkod sa Rimmon sa habagat, magigin sarong kapatagan. Alagad magdadanay na halangkaw an Jerusalem ki sa ibang daga sa palibot kaini; an syudad minapoon sa Trangkahan ni Benjamin sagkod sa Trangkahan sa Kanto, sa namumugtakan kaidto kan enot na trangkahan, asin minapoon sa Tore ni Hananel sagkod sa mga pugaan nin ubas kan hade.

Zacarias 14:9

Dangan paghahadean nin Kagurangnan an bilog na daga; sasambahon siya kan gabos bilang Dios asin mamimidbidan siya sa siring na ngaran.

Zacarias 8:22

Dakul na tawo asin mapangyaring mga nasyon an maabot sa Jerusalem tanganing magsamba sa Kagurangnan nin mga hukbo saka mamimibi tanganing bendisyonan.

Zacarias 8:3

Mabalik ako sa Jerusalem, sa banal kong syudad dangan duman ako maerok. An Jerusalem mamimidbidan na maimbod na syudad, asin an bulod kan Kagurangnan nin mga hukbo aapodon an banal na bulod.

Malakias 3:12

Dangan aapodon kamong paladan kan mga tawo sa gabos na nasyon, huli ta magigin sarong marahay na lugar na erokan an saindong daga.

Mga Bilang 24:14

Sinabihan ni Balaam si Balak, “Mabalik ako sa sadiri kong banwaan, alagad bago ako mahale, papatanidan taka kun ano an gigibohon kan banwaan nin Israel sa saimong banwaan sa maabot na aldaw.”

Mga Gibo 2:17

‘Iyo ini an sakong gigibohon sa mga huring aldaw, an sabi nin Dios: Papahiligon ko an sakong Espiritu sa gabos na tawo. An saindong mga aking lalaki asin mga aking babae maghuhula; an saindong mga hoben na lalaki makakahiling nin mga bisyon; an saindong mga gurang magkakaigwa nin mga pangatorogan.

2 Timoteo 3:1

Tandaan mo na magkakaigwa nin masakit na mga panahon sa huring mga aldaw.

Hebreyo 1:2

Alagad sa mga huring aldaw na ini nagtaram siya sato huli sa saiyang Aki. Huli saiya linalang nin Dios an gabos asin ginibo siyang paramana kan gabos na bagay.

2 Pedro 3:3

Enot sa gabos, dapat nindong masabotan na sa mga huring aldaw, may mga paraolog-olog na madatong, mga tawo na nabubuhay sosog sa mga kamawotan kan saindang laman.

Kapahayagan 11:15

Dangan pinatanog kan ikapitong anghel an saiyang trompeta, asin may mga makosog na tingog sa langit na nagsabi, “An kahadean kan kinaban nagin kahadean kan satong Kagurangnan asin kan saiyang Cristo; maghahade siya sagkod pa man!”

Kapahayagan 20:4

Dangan nakahiling ako nin mga trono. An mga nakatukaw duman iyo an tinawan nin kapangyarihan na maghukom. Nahiling ko man an mga kalag kan mga ginaradan huli kan saindang pagpatotoo dapit ki Jesus saka dapit sa tataramon nin Dios. Dai sinda nagsamba sa hayop o sa ladawan kaini; dai man sinda nagpabugtak kan marka kan hayop sa saindang mga angog o mga kamot. Nabuhay sinda dangan naghade kaiba ni Cristo sa laog nin sangribong taon.