Isaias 2:18 - Marahay na Bareta Biblia

¹⁸ Dangan magkakawarara an mga dios-dios.

Isaias 2:18 ပူးပေါင်းရင်းမြစ်များ

Isaias 2:17

Ibababa an kapaabaw-abawan nin tawo, asin an kapalangkawan nin katawohan ibababa man; an Kagurangnan sana an ilalangkaw sa aldaw na iyan.

Isaias 21:9

Dangan duminatong tolos an mga nakakabayo; manduwa-duwa sinda. Ipinahayag kan bantay an saiyang nahiling, “Nagbagsak na an Babilon! Parasa na an gabos na ladawan na saindang sinamba.”

Isaias 27:9

Alagad papatawadon sana an kasalan nin Israel kun an mga gapo sa paganong mga altar maronot na arog sa tisa, asin mayo nang nagtitindog na altar nin insenso o simbolo kan diosang si Asera.

Isaias 46:1

“Iyo ini an kataposan kan mga dios-dios nin Babilon! Sinamba kaidto si Bel saka si Nebo, alagad ngunyan isinasakay na sinda sa mga asno, sarong kagabatan sa likod kan pagal na mga hayop.

Jeremias 10:11

Sabihan nindo sinda na raraoton an mga dios-dios na bakong kaggibo kan daga saka langit. Mapapara sinda sa daga.)

Jeremias 51:18

Mayo sinda nin halaga asin dapat na isikwal; raraoton sinda pag-abot kan aldaw nin pagpadusa sainda.

Ezekiel 30:13

Nagtataram an Kagurangnan Dios, “Raraoton ko an mga ladawan asin an mga dios-dios sa Memfis. Mayo na nin maghahade sa daga nin Egipto asin tatakoton ko an gabos na tawo.

Ezekiel 36:25

Wiwirikan ko kamo nin malinig na tubig dangan magigin malinig na kamo sa gabos nindong dios-dios asin sa gabos na nakadigta sa saindo.

Ezekiel 37:23

Dai na ninda didigtaan an saindang sadiri huli kan saindang mga dios-dios, kan saindang makauuyam na mga gawe, asin kan saindang mga kasombikalan. Ililigtas ko sinda sa mga gawe na ipinagkasala ninda, asin lilinigan ko sinda. Sinda an magigin banwaan ko asin ako an magigin Dios ninda.

Ezekiel 6:6

An gabos na syudad nin Israel marurumpag, tanganing an gabos nindang altar saka mga dios-dios magkaroronot, an saindang mga altar nin insenso magkararaot asin mapapara an gabos nindang ginibo.

Oseas 14:8

An banwaan nin Israel dai na nanggad magsasamba sa mga dios-dios; sisimbagon ko an saindang mga pamibi asin aatamanon ko sinda. Arog sa sarong marambong na kahoy lilindongan ko sinda; ako an gigikanan kan gabos nindang biyaya.”

Mikas 1:7

Maroronot an gabos na mahalagang mga ladawan, masusulo an gabos na tandan sa mga maraot na babae sa templo, asin magigin sarong tambak nin ati an gabos na dios-dios. Huli ta tinipon nin Samaria an mga bagay na ini hale sa mga tandan sa mga maraot na babae sa templo, kaya dadarahon sinda kan saindang mga kaiwal sa ibang lugar bilang mga maraot na babae sa templo.”

Mikas 5:13

Raraoton ko an saindong mga dios-dios saka mga hariging gapo; dai na nanggad kamo magsasamba kan mga bagay na kamo mismo an naggibo.

Sofonias 1:3

an mga tawo saka mga hayop, an mga gamgam asin mga sira. Ibabagsak ko an gabos na tampalasan. Pupuhoon ko an katawohan digdi sa daga. Ako, an Kagurangnan, an nagtaram.

Sofonias 2:11

Tatakoton sinda nin Kagurangnan. Hahalean niya nin halaga an mga dios-dios kan daga, dangan sasambahon siya kan lambang nasyon, an lambang saro sa sadiri niyang daga.

Zacarias 13:2

Sa panahon na iyan, hahaleon ko an ngaran kan mga dios-dios sa daga, asin mayo nang makakagiromdom sa sainda. Gagadanon ko an siisay man na nagsasabing saro siyang propeta, asin hahaleon ko an pagmawot na magsamba sa mga dios-dios.