Isaias 2:11 - Marahay na Bareta Biblia

¹¹ Ibababa an mapalangkaw na gawe nin tawo, asin an kapaabaw-abawan nin katawohan ibababa man; an Kagurangnan sana an ilalangkaw sa aldaw na iyan.

Isaias 2:11 ပူးပေါင်းရင်းမြစ်များ

2 Samuel 22:28

Ilinigtas mo an mga mapakumbaba, alagad an mga mata mo yaon sa mga mapaabaw-abaw tanganing sinda saimong ibaba.

Salmo 18:27

Iliniligtas mo an mga mapakumbaba, alagad an mga mapaabaw-abaw saimong ibinababa.

Salmo 18:28

Kagurangnan, tinatawan mo ako nin liwanag; hinahale mo an sakong diklom.

Salmo 20:8

Luluyahon sinda asin matutumba, alagad mabangon kami asin pusog na matindog.

Salmo 46:10

Minataram siya, “Magtoninong kamo, asin midbidon nindo na ako iyo an Dios; pinakahalangkaw sa tahaw nin mga nasyon, pinakahalangkaw sa bilog na kinaban.”

Salmo 46:11

Nasa sato an Makakamhan na Kagurangnan; an Dios ni Jacob an satong pailihan.

Salmo 94:2

Magtindog ka, O hukom nin kinaban; tawan sa mapaabaw-abaw an maninigo sainda!

Mga Talinhaga 16:5

Ikinakaongis nin Kagurangnan an gabos na mapaabaw-abaw; laomon mo na dai sinda makakadulag sa saiyang padusa.

Mga Talinhaga 30:13

Igwa nin mga tawo na mapaabaw-abaw—naghohona sinda na sinda marahay.

Isaias 10:12

Alagad nagtataram an Kagurangnan, “Kun matapos ko na an sakong ginigibo sa Bukid nin Sion asin sa Jerusalem, papadusahan ko an emperador nin Asiria huli kan saiyang kapaabaw-abawan saka kapalangkawan.”

Isaias 12:1

Maabot an aldaw na maawit an mga tawo, “Magpapasalamat ako saimo, Kagurangnan! Anggot ka sako kaidto, alagad rinanga mo ako ngunyan asin bako ka nang anggot sako.

Isaias 12:4

Dangan maawit sinda sa aldaw na iyan: “Magpasalamat kamo sa Kagurangnan! Mag-apod kamo sa saiyang ngaran; ibalangibog nindo sa mga nasyon an saiyang mga gibo, ipahayag nindo an saiyang kadakulaan!

Isaias 13:11

Nagsasabi an Kagurangnan, “Papadusahan ko an kinaban asin an gabos na maraot huli kan saindang mga kasalan. Ibababa ko an gabos na mapaabaw-abaw asin papadusahan ko an gabos na mapalangkaw saka makuri.

Isaias 14:15

Alagad ibinaba ka sa pinakahararom na kabtang kan kinaban kan mga gadan.

Isaias 2:17

Ibababa an kapaabaw-abawan nin tawo, asin an kapalangkawan nin katawohan ibababa man; an Kagurangnan sana an ilalangkaw sa aldaw na iyan.

Isaias 23:9

An Kagurangnan nin mga hukbo iyo an nagplano kaiyan. Siya an nagplano kaiyan tanganing ontokon an saindang kapaabaw-abawan sa saindang ginibo asin tanganing sopogon an saindang ginagalangan na mga lalaki.

Isaias 24:21

Maabot an panahon na papadusahan nin Kagurangnan an mga kapangyarihan sa itaas asin an mga namamayo kan daga.

Isaias 25:9

Kun mangyari na ini, masabi an gabos, “Siya an samong Dios! Ibinugtak mi sa saiya an samong pagsarig, asin ilinigtas niya kami. Siya an Kagurangnan! Ibinugtak mi sa saiya an samong pagsarig, asin maogma kami saka magayagaya huli ta ilinigtas niya kami.”

Isaias 26:1

Maabot an panahon na mag-aawit an mga tawo kan awit na ini sa daga nin Juda: Makosog an samong syudad! An Dios mismo an nagbabantay kan mga kudal kaini!

Isaias 28:5

Sa aldaw na iyan, an Kagurangnan nin mga hukbo makakaagid sa sarong mamurawayon na korona nin burak para sa saiyang banwaan na nagkatarada.

Isaias 29:18

Pag-abot kan aldaw na iyan, an bongog makakadangog mantang binabasa nin makosog an sarong libro, asin an buta na namuhay sa kadikloman, mamuklat kan saiyang mga mata dangan makakahiling.

Isaias 30:18

Alagad naghahalat an Kagurangnan tanganing maherakan kamo. Paladan an mga nagsasarig sa Kagurangnan.

Isaias 30:23

Sa panahon na magtanom kamo nin banhi, mapadara nin uran an Kagurangnan asin magkakaigwa nin dakul na sabsabon an saindong mga hayop.

Isaias 37:23

Sa paghona mo, siisay an saimong pinagtutuyatuya asin pinag-oolog-olog? Dai mo ako iginalang, an banal na Dios nin Israel.

Isaias 4:1

Pag-abot kan panahon na iyan, pupugolon nin pitong babae an sarong lalaki asin sasabihan, “Kami na an bahala kan samong kakakanon saka gugubingon, alagad pabayae kaming apodon kang samong agom, tanganing mahale sa samo an kasosopgan sa dai pagkakaigwa nin agom.”

Isaias 40:23

Ibinababa niya an mapangyaring prinsipe asin hinahalean sinda nin halaga.

Isaias 52:6

Sa maabot na panahon, aakoon nindo na ako an Dios, asin na ako an nagtaram saindo.”

Jeremias 12:9

An sakong piniling banwaan garo sarong gamgam na pinalibotan kan nagsasalakay na mga agila. Padigdiha an mga lalaw na hayop; tanganing magsabay sa pagkakan kan bangkay niya!

Jeremias 9:24

Kun may boot mag-orgulyo, ipag-orgulyo niya na namimidbidan asin nasasabotan niya ako, huli ta nagdadanay an sakong pagkamoot, saka ginigibo ko an tama asin matanos. Iyan an mga bagay na nawiwilihan ko. Ako, an Kagurangnan, an nagtaram.”

Ezekiel 38:14

“Kaya, aki nin tawo, magpropesiya ka asin sabihan mo si Gog na ini an itinataram ko, an Kagurangnan Dios: “Mantang an sakuyang banwaan na Israel namumuhay na matoninong, maluwas ka,

Ezekiel 38:19

Sa maimon kong kaanggotan, ipinapahayag ko na sa aldaw na iyan magkakaigwa nin makosog na linog sa daga nin Israel.

Ezekiel 39:11

Nagtaram an Kagurangnan, “Kun mangyari na an gabos na ini, tatawan ko si Gog nin lulubngan sa Israel, sa Kapantayan nin mga Parabyahe, na nasa sirangan kan Gadan na Dagat. Duman ilulubong si Gog asin an saiyang hukbo, dangan an kapantayan aapodon ‘Kapantayan nin Hamon-gog.’

Ezekiel 39:22

Magpoon sa aldaw na iyan, maaaraman kan mga Israelita na ako an Kagurangnan na saindang Dios.

Daniel 4:34

“Pakalihis nin pitong taon,” an sabi kan hade, “nagtingkalag ako sa langit, asin nagbalik sako an sakong kaisipan. Inomaw ko an Kahorohalangkaweng Dios asin nagtao ako nin paggalang saka kamurawayan sa saiya, na nabubuhay sagkod lamang. “Maghahade siya sagkod lamang, asin magdadanay an saiyang kahadean sa gabos na panahon.

Oseas 2:16

Dangan aapodon niya giraray ako na saiyang agom—dai na niya nanggad ako aapodon na saiyang Baal.

Oseas 2:18

Sa panahon na iyan makikipagtipan ako sa gabos na lalaw na hayop saka mga gamgam, tanganing dai na ninda pagkulogan an sakong banwaan. Hahaleon ko man an gabos na armas nin gera sa daga, an gabos na espada saka pana, asin tutugotan kong mamuhay an sakong banwaan na matoninong asin ligtas.

Oseas 2:21

Sa panahon na iyan sisimbagon ko an mga pamibi kan sakong banwaan na Israel. Pahuhugpaon ko an uran sa daga dangan mamumunga iyan nin trigo, ubas asin oliba.

Joel 3:18

Sa panahon na iyan matatahoban nin mga ubasan an kabukidan, asin sa gabos na bulod makukua an kabakahan; an gabos na sapa nin Juda magbubulos nin tubig. Sarong sapa an mabulos hale sa Templo nin Kagurangnan, dangan babaribihon kaiyan an Sittim.

Amos 9:11

An Kagurangnan nagtataram, “Maabot an panahon na papakarahayon ko an kahadean ni David, na nakakaagid sa sarong harong na nagaba. Hihirahayon ko an mga kudal kaiyan asin papatindogon ko giraray iyan arog kan dating kamugtakan kaiyan.

Obadias 1:8

“Sa aldaw na padusahan ko an Edom, gagadanon ko an saiyang mga madonong, asin paparaon ko an gabos nindang kadonongan.

Mikas 2:3

Kaya nagsasabi an Kagurangnan, “Nagpaplano ako nin kapahamakan laban saindo, asin dai kamo makakaligtas diyan. Manunumpongan na sana nindo an saindong sadiri na nasa kahaditan. Dai na nanggad kamo makakapaabaw-abaw.

Mikas 4:6

Nagsasabi an Kagurangnan, “Maabot an panahon na titiponon ko an mga tawong sakong pinadusahan, an mga nagtios sa pagkatapokan.

Mikas 5:10

An Kagurangnan nagtataram, “Sa panahon na iyan, kukuahon ko an saindong mga kabayo asin raraoton ko an saindong mga karwahe.

Sofonias 3:11

Sa panahon na iyan, kamong banwaan ko, dai na dapat masopog kan ginibo nindong pagrebelde sako. Hahaleon ko sa tahaw nindo an siisay man na mahambog saka mapaabaw-abaw, asin dai na nanggad kamo marebelde sako sa sakong banal na bulod.

Sofonias 3:16

Maabot an panahon na sasabihan an Jerusalem, “Dai ka matakot, O syudad nin Sion! Pakosoga an saimong mga kamot!

Zacarias 9:16

Pag-abot kan aldaw na iyan, ililigtas nin Kagurangnan an saiyang banwaan, siring kan pagligtas nin sarong pastor sa saiyang mga karnero na nasa pag-alaman. Magliliwanag sinda sa saiyang daga arog sa mamahalon na bato sa sarong korona.

Malakias 4:1

Nagsasabi an Kagurangnan nin mga hukbo, “Nagdadangadang an aldaw na susuloon siring sa dagami an gabos na mapaabaw-abaw saka mga maraot na tawo. Sa aldaw na iyan, matututong sinda, asin mayo nin matatada sa sainda.

Lukas 18:14

Sinasabihan ko kamo na an lalaking idto mapuling matanos ki sa Fariseo. Huli ta an nagpapalangkaw, ibababa; alagad an nagpapakumbaba, ilalangkaw.”

2 Corinto 10:17

Alagad siring sa nasasabi sa kasuratan, “An siisay man na boot mag-orgulyo, mag-orgulyo sa gibo nin Kagurangnan.”

2 Corinto 10:5

Rinurumpag mi an mga putik na argumento; ginagaba mi an lambang kapaabaw-abawan na nakakaolang sa pakamidbid sa Dios; binibihag mi an gabos na pag-isip tanganing magkuyog ki Cristo.

2 Tesalonica 1:10

Mangyayari iyan sa Aldaw na an Kagurangnan pamurawayon kan saiyang mga banal, asin omawon kan gabos na nagtutubod. Kamo man makakaiba ninda, huli ta nagtubod kamo kan mensaheng dinara mi saindo.

1 Pedro 5:5

Siring man, kamong mga hoben dapat magpasakop sa mga gurang saindo. Kamo gabos magpatarabang-tabang na may kapakumbabaan, huli ta nasasabi sa kasuratan, “Habo an Dios sa mga mapaabaw-abaw, alagad benebendisyonan niya an mga mapakumbaba.”