Isaias 19:4 - Marahay na Bareta Biblia

⁴ Itatao ko an mga Egipcio sa kamot nin sarong mapang-aping kagurangnan, sa sarong makuring hade na maghahade sainda. Ako, an Kagurangnan nin mga hukbo, an nagtaram.”

Isaias 19:4 ပူးပေါင်းရင်းမြစ်များ

Salmo 31:8

Dai mo ako itinao sa sakong mga kaiwal, kundi an bitis ko pinamugtak mo sa mahiwas na lugar.

Isaias 19:2

Nagtataram an Kagurangnan, “Papag-iriwalon ko an mga Egipcio; maglalaban sinda, an lambang lalaki laban sa saiyang tugang na lalaki asin sa saiyang kataed; syudad laban sa syudad, kahadean laban sa kahadean.

Isaias 20:3

Kan masakop an Asdod, nagsabi an Kagurangnan, “Tolong taon nang namuhay na huba saka mayo nin sandalyas an sakong sorogoon na si Isaias. Tanda iyan kun ano an mangyayari sa Egipto asin Etiopia.

Isaias 20:4

Hurubang dadarahon kan hade nin Asiria an mga bilanggo na saiyang nabihag hale sa duwang nasyon na ini. Aki asin gurang, malakaw sinda na mayong sandalyas saka huba, mayong tahob an lubot na magdadara nin kasosopgan sa Egipto.

Jeremias 46:26

dangan itatao ko sinda sa mga tawong boot gumadan sainda, ki Hadeng Nebukadnezzar nin Babilonia saka sa saiyang hukbo. Pakatapos, mag-eerok giraray sa Egipto an mga tawo arog kan ginibo ninda kaidtong panahon. Ako, an Kagurangnan, an nagtaram.

Ezekiel 29:19

Kaya ngunyan ini an itinataram ko, an Kagurangnan Dios: Itinatao ko an daga nin Egipto ki Hadeng Nebukadnezzar. Hahabonan niya ini asin sasamsaman dangan an kayamanan nin Egipto dadarahon niya tanganing ibayad sa saiyang hukbo.

Ezekiel 30:12

Papamarahon ko an Salog nin Nilo asin ibubugtak ko an Egipto sa irarom kan pamamahala nin maraot na mga tawo. An bilog na nasyon raraoton nin mga dayuhan. Ako, an Kagurangnan, an nagtaram.”

Nahum 3:10

Alagad ipinatapok an mga taga Tebes. Sa lambang kanto kan mga tinampo hinampak an saindang mga aki sagkod na magadan. An saindang ginagalangan na mga lalaki nakakadenahan na dinara dangan pinagripahan kan mga nakabihag sainda.

1 Samuel 23:7

Naosipan si Saul na yaon duman si David sa Keila, asin nagsabi siya, “Itinao na sako nin Dios si David; kinulong niya an saiyang sadiri kan maglaog siya sa banwang nakukudal asin masasarig an trangkahan.”