Isaias 19:3 - Marahay na Bareta Biblia

³ Dai ko papangyarihon an mga plano kan mga Egipcio asin hahaleon ko an saindang kosog nin boot. Makikihumapot sinda sa mga ladawan, sa mga parakulam, sa mga nakikihumapot sa mga gadan asin sa mga salamangkero.

Isaias 19:3 ပူးပေါင်းရင်းမြစ်များ

2 Samuel 15:31

Kan maosipan si David na uminiba si Ahitofel sa pagrebelde ni Absalom, namibi siya, “O Kagurangnan, namimibi ako saimo na mamugtak logod sa kalolongan an mga hatol ni Ahitofel!”

2 Samuel 17:14

Nagsabi si Absalom asin an gabos na Israelita, “Mas marahay an hatol ni Husai ki sa hatol ni Ahitofel.” Pinangyari nin Kagurangnan na dai pagsunodon an marahay na hatol ni Ahitofel, tanganing kapahamakan an mag-abot ki Absalom.

2 Samuel 17:23

Kan mahiling ni Ahitofel na dai sinunod an saiyang hatol, kinamaderohan niya an saiyang asno dangan nagpuli sa sadiring syudad. Kan maasikaso na niya an gabos na dapat gibohon, naghugot siya. Ilinubong siya sa lulubngan kan saiyang pamilya.

2 Mga Hade 1:2

Nahulog si Hadeng Ahazias hale sa balkon kan atop kan saiyang palasyo sa Samaria asin naghelang siya. Kaya nagpadara siya nin mga sugo tanganing maghapot ki Baal-zebub, an dios nin Ekron, kun mararahay pa siya.

1 Mga Cronica 10:13

Nagadan si Saul huli ta dai siya nagin maimbod sa Kagurangnan. Linapas niya an mga pagboot nin Kagurangnan; nakihumapot siya sa sarong espiritista sa paghagad nin kapaliwanagan,

Salmo 107:27

sinda nagsarayasay asin nagkadarasmag arog sa mga burat— dai na ninda aram kun ano an gigibohon.

Salmo 33:10

Linalaglag nin Kagurangnan an mukna kan mga nasyon; rinaraot niya an mga plano kan mga banwaan.

Salmo 76:12

na minaputol kan hinangos nin mga prinsipe, na minatakot sa mga hade nin daga.

Mga Talinhaga 21:30

An kadonongan, pakasabot asin hatol nin tawo dai makakatabang kun an Kagurangnan laban saimo.

Isaias 14:27

Totoong gigibohon ini nin Kagurangnan nin mga hukbo; inunat na niya an saiyang takyag sa pagpadusa, asin mayo nin siisay man na makakapaontok saiya.

Isaias 15:2

An mga taga Dibon minasarakat sa itaas kan bulod tanganing magtangis sa paganong mga lugar na pagsasambahan. Sa kamondoan, tatangisan kan mga taga Moab an mga syudad nin Nebo saka Medeba; inaris ninda an buhok sa saindang mga payo asin barabas sa kamondoan.

Isaias 19:1

Iyo ini an mensahe dapit sa Egipto. Madatong sa Egipto an Kagurangnan lunad sa sarong marikas na panganoron; tatarakigan an mga ladawan nin Egipto asin mawawaraan nin kosog nin boot an mga Egipcio.

Isaias 44:25

Ginigibo kong mga lolong an mga parahula asin dai ko pinapangyari an hula kan mga nag-aadal kan mga bitoon. Sinasalungat ko an mga tataramon kan mga madonong asin ipinahiling kong kalolongan an saindang kadonongan.

Isaias 47:12

Padagosa an saimong mga panlulumay saka mga pangkukulam; ginamit mo na iyan poon kan ika hoben pa. Tibaad makatabang iyan saimo, na matakot an mga kaiwal mo.

Isaias 57:16

Ako an nagtao nin buhay sa sakong banwaan; dai ko ipapadagos an pag-akusar sainda asin dai man ako maaanggot sainda sagkod lamang.

Isaias 8:19

Alagad sasabihan kamo kan mga tawo na maghagad nin mga mensahe sa mga parahula saka mga nakikiolay sa mga gadan na naghuhuni asin nagugumodgumod. Masabi sinda, “Kaipuhan makihumapot an mga tawo sa mga espiritu asin maghapot sa gadan para sa mga buhay pa.”

Jeremias 46:15

Tadaw ta nagdulag si Apis, an makosog nindong dios-dios? Tadaw ta dai na siya nakatindog? Huli ta ibinagsak siya nin Kagurangnan!’

Ezekiel 21:7

Kun hapoton ka ninda kun tadaw ta nag-aagrangay ka, sabihan mo sinda na ginigibo mo iyan huli kan baretang maabot. Pag-abot kaiyan, matutunaw sa takot an saindang puso, manluluya an saindang mga kamot, mawawara an saindang kosog asin tatakigan an saindang mga tuhod. Nag-abot na an panahon asin uya na.” An Kagurangnan Dios an nagtaram.

Ezekiel 22:14

Naghohona daw kamo na igwa pa kamo nin matatadang isog asin kosog kun gibohon ko na iyan saindo? Ako, an Kagurangnan, an nagtaram asin gigibohon ko iyan.

Daniel 1:20

Maski anong hapot o problema an itao kan hade, an apat na ini iyo an may sampolong beses na naaaraman ki sa arin man na parahula o salamangkero sa bilog niyang kahadean.

Daniel 2:2

Kaya ipinaapod niya an mga parahula, mga salamangkero asin mga madonong tanganing ipaliwanag ninda saiya an pangatorogan. Kan mag-atubang sinda sa hade,

Daniel 5:7

Nagkurahaw an hade na darahon duman an mga salamangkero, mga madonong saka mga astrologo. Paglaog kan mga ini, sinabihan sinda kan hade, “An siisay man na makabasa kaining nakasurat asin makasabi sako kan kahulogan kaiyan, gugubingan nin purpura, magsusulot nin kulintas na bulawan, asin magigin ikatolo sa kapangyarihan sa kahadean.”

1 Samuel 25:37

Pagkaaga, kan bako nang burat si Nabal, isinabi ni Abigail an gabos. Inatake sa puso si Nabal asin naparalisar siya.