Isaias 19:23 - Marahay na Bareta Biblia

²³ Pag-abot kan panahon na iyan, magkakaigwa nin sarong tinampo hale sa Egipto pasiring sa Asiria. An mga taga Asiria madalaw sa Egipto, asin an mga taga Egipto madalaw sa Asiria; an duwang nasyon na ini sabay na magsasamba.

Isaias 19:23 ပူးပေါင်းရင်းမြစ်များ

Salmo 87:4

“Ibibilang ko an Egipto asin Babilonia sa mga nasyon na nagkukuyog sako; ibibilang ko an mga taga Filistia, Tiro asin Etiopia sa mga nag-eerok sa Jerusalem.”

Isaias 11:11

Sa aldaw na iyan, gagamiton giraray nin Kagurangnan an saiyang kapangyarihan asin ipupuli an mga natada kan saiyang banwaan hale sa Asiria, Egipto, Patros, Etiopia, Elam, Babilonia, Hamath, asin sa mga baybayon kan dagat.

Isaias 11:16

Dangan magkakaigwa nin tinampo hale sa Asiria, na aagihan kan natadang mga tawo nin Israel, siring na nagkaigwa man nin tinampo an saindang mga ginikanan kan magluwas sinda sa Egipto.

Isaias 19:24

Pag-abot kan panahon na iyan, makakapantay an Israel sa Egipto saka sa Asiria, asin an tolong nasyon na ini magigin sarong bendisyon sa bilog na kinaban.

Isaias 2:3

asin dakul na banwaan an maarabot saka magsasarabi: “Madya, magturukad kita sa bukid nin Kagurangnan sa harong kan Dios ni Jacob tanganing matukdoan niya kita kan saiyang mga paagi asin tanganing maglakaw kita sa saiyang mga dalan. Huli ta maluwas sa Sion an Katogonan, asin sa Jerusalem an tataramon nin Kagurangnan.”

Isaias 27:13

Pag-abot kan aldaw na iyan, patatanogon an sarong trompeta tanganing apodon an gabos na Israelita hale sa Asiria saka Egipto na itinapok duman. Madatong sinda asin masamba sa Kagurangnan sa Jerusalem, sa banal niyang bulod.

Isaias 49:11

“Magibo ako nin tinampo sa kabukidan asin maandam ako nin dalan na aagihan kan sakong banwaan.

Isaias 49:7

An banal na Dios nin Israel asin paraligtas nagsasabi sa pinagduhagi nin makuri, sa naoongisan kan mga nasyon asin sorogoon kan gabos na namamayo. “Talingkas kang mahihiling kan mga hade asin matindog sinda sa pagtaong galang saimo; mahihiling man iyan kan mga prinsipe asin maduruko sinda sa pag-omaw saimo.” Mangyayari iyan huli ta an Kagurangnan iyo an nagpili kan saiyang sorogoon; inootob kan banal na Dios nin Israel an saiyang mga panuga.

Isaias 62:10

Mga namamanwaan nin Jerusalem, lumuwas kamo sa syudad asin gumibo nin tinampo para sa saindong nagbabalik na kahimanwa! Andama nindo an sarong tinampo; haralea nindo an mga gapo! Magbugtak kamo nin sarong tanda nganing an mga nasyon makaaram

Isaias 66:23

Sa lambang Pyesta kan Bagong Bulan saka Sabbath, masaramba sa sako digdi sa Jerusalem an lambang nasyon,” an sabi kan Kagurangnan.

Mikas 7:12

Mabaralik sa saindo an saindong mga kahimanwa hale sa manlaen-laen na lugar—hale sa Asiria sa sirangan, hale sa Egipto sa habagat, hale sa rehiyon kan Salog nin Eufrates, hale sa hararayong kadagatan saka kabukidan.