Isaias 19:2 - Marahay na Bareta Biblia

² Nagtataram an Kagurangnan, “Papag-iriwalon ko an mga Egipcio; maglalaban sinda, an lambang lalaki laban sa saiyang tugang na lalaki asin sa saiyang kataed; syudad laban sa syudad, kahadean laban sa kahadean.

Isaias 19:2 ပူးပေါင်းရင်းမြစ်များ

1 Mga Hade 16:21

Nabanga an mga tawo sa Israel: an iba sainda boot na gibohon na hade si Tibni na aking lalaki ni Ginat, mantang an iba oyon ki Omri.

2 Mga Cronica 15:6

Sarong nasyon an minaapi sa sarong nasyon asin sarong syudad an minaapi sa sarong syudad, huli ta an Dios nagpadara sainda nin gabos na kasakitan.

Isaias 3:5

Dangan aapihon kan lambang saro an saiyang kapwa, an lambang tawo mang-aapi kan saiyang kataed. An mga hoben magigin matumang sa saindang mga kamagurangan, asin an mga mayong halagang tawo sa mga ginagalangan.

Isaias 9:21

Sinasalakay kan mga taga Manases an mga taga Efraim; siring man an ginigibo kan mga taga Efraim, dangan sinasalakay nindang duwa an Juda. Alagad dai pa natatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Jeremias 46:12

Nabaretaan kan mga nasyon an kasosopgan mo; nadangog nin lambang saro an saimong kinurahaw. Nabangga kan sarong soldados an kapwa niya soldados, asin sabay sindang natumba.

Jeremias 51:46

Dai kamo mawaraan nin kosog nin boot ni matakot huli kan mga bareta na saindong nadadangog. Lambang taon ibang bareta an minaabot—bareta nin kadahasan sa daga asin nin pag-iriwal kan mga hade.

Ezekiel 38:21

Tatakoton ko si Gog sa paagi nin gabos na klase nin katatakotan. Ako, an Kagurangnan Dios, an nagtaram. Ibibikyaw kan saiyang mga soldados an saindang espada, asin sinda man sana an maggagaradanan.

Zacarias 8:10

Bago kan panahon na idto, mayo nin siisay man na pwedeng magtandan nin mga tawo o mga hayop, asin mayo nin ligtas sa saiyang mga kaiwal; huli ta pinangyari kong magralaban an lambang saro.

Mateo 10:21

“An tugang ipapagadan kan saiyang tugang. An aki ipapagadan kan saiyang ama; tutumangan kan mga aki an mga magurang ninda asin ipapagadan.

Mateo 10:36

An magigin pinakamaraot na kaiwal nin tawo iyo an mga kaayon man sana kan saiyang pamilya.

Mateo 12:25

Aram ni Jesus an mga nasa boot ninda, kaya sinabihan niya sinda, “Marurumpag an arin man na kahadean na nababanga; mawawasak an arin man na banwaan o pamilya na nababanga.

Mateo 24:7

Huli ta an sarong nasyon malaban sa kapwa nasyon; an sarong kahadean malaban sa kapwa kahadean. Magkakaigwa nin gutom asin paglinog saen man na lugar.

Markos 3:24

Kun an sarong kahadean nababanga, an kahadean na iyan dai magdadanay.

Hukom 7:22

Mantang nagtatanog an mga trompeta kan mga tawohan ni Gideon, ginibo nin Kagurangnan na magralaban sinda-sinda man sana an mga kaiwal. Dangan, nagdurulag sinda pasiring sa Zaretan sagkod sa Bet-Citta asin sa harayong banwaan kan Abel-mehola na harani sa Tabbat.

Hukom 9:23

Dangan ginibo nin Dios na magkaanggotan si Abimelec saka an kalalakihan sa Shekem, kaya nagrebelde sinda ki Abimelec.

1 Samuel 14:16

Nahiling kan mga tawohan ni Saul na nagbabantay sa Gibea sa teritoryo ni Benjamin an mayong direksyon na pagdalagan kan mga Filisteo.

1 Samuel 14:20

Dangan nakilaban si Saul asin an saiyang mga tawohan sa mga Filisteo, na kan panahon na idto, huli sa dakulang kariribokan, sinda-sinda man sana an nagraralaban.