Isaias 19:18 - Marahay na Bareta Biblia

¹⁸ Pag-abot kan panahon na iyan, an lengwaheng Hebreyo an magigin tataramon sa limang syudad sa Egipto. An mga tawo duman masumpa sa ngaran nin Kagurangnan nin mga hukbo. An saro sa mga syudad aapodon, “Syudad kan Aldaw.”

Isaias 19:18 ပူးပေါင်းရင်းမြစ်များ

Genesis 11:1

Kaidto, saro sana an lengwahe kan mga tawo sa kinaban.

Nehemias 10:29

nakikisumaro sa samuyang mga lider sa pagsumpa na kami mamumuhay sosog sa Katogonan nin Dios, na itinao nin Dios huli ki Moises na saiyang sorogoon; na kukuyogon mi an gabos na pagboot samo nin Kagurangnan na samong Kagurangnan; na ootobon mi an gabos niyang katogonan asin pagsusundon; na mapapairarom kami sa sarong maldisyon kun lapason mi iyan.

Salmo 68:31

Maabot an mga sugo hale sa Egipto; mga kamot iitaas kan mga taga Etiopia sa pagpamibi sa Dios.

Isaias 11:11

Sa aldaw na iyan, gagamiton giraray nin Kagurangnan an saiyang kapangyarihan asin ipupuli an mga natada kan saiyang banwaan hale sa Asiria, Egipto, Patros, Etiopia, Elam, Babilonia, Hamath, asin sa mga baybayon kan dagat.

Isaias 14:1

Maheherakan giraray nin Kagurangnan an saiyang banwaan nin Israel asin pipilion niya sinda bilang saiyang sadiri. Tutugotan niya sindang mag-erok giraray sa saindang daga, asin maabot an mga dayuhan dangan maerok sa kaibahan ninda.

Isaias 19:19

Pag-abot kan panahon na iyan, magkakaigwa nin sarong altar para sa Kagurangnan sa daga nin Egipto, asin nin sarong hariging gapo na kinonsagra sa saiya sa pagdolonan nin Egipto.

Isaias 19:21

Ipapahayag nin Kagurangnan an saiyang sadiri sa mga Egipcio; dangan mimidbidon saka sasambahon siya ninda asin madara sinda nin mga sakripisyo saka mga dolot. Manunuga sinda sa Kagurangnan asin ootobon ninda iyan.

Isaias 2:11

Ibababa an mapalangkaw na gawe nin tawo, asin an kapaabaw-abawan nin katawohan ibababa man; an Kagurangnan sana an ilalangkaw sa aldaw na iyan.

Isaias 27:13

Pag-abot kan aldaw na iyan, patatanogon an sarong trompeta tanganing apodon an gabos na Israelita hale sa Asiria saka Egipto na itinapok duman. Madatong sinda asin masamba sa Kagurangnan sa Jerusalem, sa banal niyang bulod.

Isaias 65:16

An siisay man sa daga na maghagad nin bendisyon, maghahagad kan bendisyon kan maimbod na Dios. An siisay man na magsumpa, magsusumpa huli sa ngaran kan maimbod na Dios. An kasakitan kan nakalihis na panahon mawawara asin malilingawan.”

Jeremias 12:16

Kun bilog na puso nindang aakoon an pagtubod kan sakong banwaan saka manumpa nin ‘Siring na nabubuhay an Kagurangnan,’—arog kan itinukdo ninda sa sakong banwaan na pagsumpa ki Baal—magigin kaayon sinda kan sakong banwaan saka magigin mauswag sinda.

Sofonias 3:9

“Dangan babagohon ko an mga namamanwaan kan mga nasyon, asin sako sana sinda mamimibi asin bako sa ibang mga dios. Gabos sinda makuyog sako.

Zacarias 2:11

Sa panahon na iyan dakul na nasyon an madolok sa Kagurangnan asin magigin saiyang banwaan. Maerok siya sa kaibahan nindo, dangan maaaraman nindo na sinugo niya ako sa saindo.

Deuteronomio 10:20

Matakot kamo sa Kagurangnan na saindong Dios asin siya sana an saindong pagsambahon. Magmaimbod kamo saiya asin magsumpa kamo sa saiya sanang ngaran.