Isaias 19:16 - Marahay na Bareta Biblia

¹⁶ Maabot an panahon na an mga taga Egipto makakaarog sa mga babae. Pagtatakigan sinda sa takot kun mahiling nindang ibinikyaw na nin Kagurangnan nin mga hukbo an saiyang kamot sa pagpadusa sainda.

Isaias 19:16 ပူးပေါင်းရင်းမြစ်များ

Salmo 48:6

Duman inabtan sinda nin takig, nin kulog siring sa babaeng nangangaki;

Exodo 11:6

Kaya magkakaigwa nin makosog na pagtangis sa bilog na Egipto na dai pa nangyari kaidto o mangyayari ngapit.

Isaias 10:32

Ngunyan na aldaw, yaon na sa banwaan nin Nob an mga kaiwal, asin ibinibikyaw ninda duman an saindang gugom na mga kamot laban sa Bukid nin Sion, sa syudad nin Jerusalem.

Isaias 11:15

Papamarahon nin Kagurangnan an dagat nin Egipto, asin madara siya nin mainit na doros tanganing pamarahon an Salog nin Eufrates, dangan pito sanang sadit na mga salog an saiyang itatada, tanganing pwedeng bumalyo diyan na naglalakaw an siisay man.

Isaias 13:2

Iitaas mo an tanda sa ibabaw kan sarong bulod na mayo nin anoman na nagtatalubo! Kurahawan mo an mga soldados dangan iitaas mo an saimong kamot bilang tanda sa sainda tanganing salakayon an mapaabaw-abaw na syudad.

Isaias 30:17

Madurulag an sangribo saindo pakahiling sa sarong kaiwal, asin lima sanang soldados an kaipuhan tanganing magdurulag kamo gabos. Mayo nin matatada sa saindong hukbo pwera kan solo-solong kahoy na nakakabitan kan bandera sa ibabaw kan bulod.

Jeremias 50:37

Kagadanan para sa saiyang mga kabayo asin pagkaraot para sa saiyang mga karwahe! Kagadanan para sa saiyang tinandanan na mga soldados— maluluya nanggad sinda! Pagkaraot para sa gabos niyang yaman tanganing masamsam an mga iyan.

Jeremias 51:30

Nag-ontok na sa pakilaban an mga soldados nin Babilonia, asin dai na naghale sa saindang mga bantayan. Nawara na an kosog kan saindang boot asin nagin arog sinda sa mga babae. Garaba na an mga trangkahan kan syudad asin nagkakalayo na an mga harong.

Obadias 1:9

An makokosog na lalaki nin Teman magkakatarakot, asin an lambang soldados nin Edom magagadan.

Nahum 3:13

An saimong mga soldados garo mga babae, asin an saimong daga mayo nin depensa laban sa saimong mga kaiwal. Tututongon nin kalayo an mga barat kan saimong mga trangkahan.

Zacarias 10:11

Kun mag-agi na sinda sa saindang dagat nin kasakitan, hahampason ko an mga alon, asin mamarara an kairaroman kan Salog nin Nilo. An mapaabaw-abaw na Asiria mapapasopog, asin an mapangyaring Egipto mawawaraan nin kosog.

Zacarias 2:13

Pag-alo kamo gabos sa atubang nin Kagurangnan, huli ta madigdi siya hale sa saiyang banal na erokan.

Zacarias 2:9

“An Kagurangnan mismo an makikilaban saindo, asin sasamsaman kamo kan banwaan na dati nindong mga sorogoon.” Kun mangyari na iyan, maaaraman kan gabos na an Kagurangnan nin mga hukbo iyo an nagsugo sako.

1 Corinto 2:3

Kaya kan yaon ako diyan saindo, maluya ako saka pinagtatakigan sa takot.

2 Corinto 5:11

Kaya huli ta aram mi kun ano an kahulogan kan pagkatakot sa Kagurangnan, sinasadol mi an mga tawo. Aram nin Dios an pagkatawo mi; naglalaom ako na midbid man nindo ako nin marahay.

Hebreyo 10:31

Makangingirhat an padusa nin Dios na buhay sa mga tawong naggigibo nin siring!