Isaias 18:7 - Marahay na Bareta Biblia

⁷ Maabot an panahon na an Kagurangnan nin mga hukbo maako nin mga dolot hale sa dagang ini na nababanga nin mga salog, sa makosog saka mapangyaring nasyon na ini, sa haralangkaw saka malinig an kublit na namamanwaan na kinakatakotan sa bilog na daga. Maduman sinda sa Bukid nin Sion, an lugar na pinagsasambahan sa Kagurangnan nin mga hukbo.

Isaias 18:7 ပူးပေါင်းရင်းမြစ်များ

2 Mga Cronica 32:23

Dakul an nagduman sa Jerusalem na nagdadara nin mga dolot sa Kagurangnan asin nin mga regalo ki Ezekias na hade nin Juda, kaya poon kaidto inomaw si Ezekias kan gabos na nasyon.

Salmo 68:32

Mga kahadean sa daga, mag-awit kamo sa Dios, mag-awit nin pag-omaw sa Kagurangnan,

Isaias 16:1

An mga taga Moab nagpadara nin sarong kordero hale sa syudad nin Sela sa kalangtadan, bilang regalo sa naghahade sa Jerusalem.

Isaias 18:2

Hale sa dagang idto, may mga sugo na nagsasakay sa Salog nin Nilo, sa mga sakayan na gibo sa bariw. Magpuruli kamo, mga marikas na sugo! Sarong mensahe an daraha nindo pabalik sa saindong daga na nababanga nin mga salog; daraha nindo iyan sa saindong makosog saka mapangyaring nasyon, sa saindong haralangkaw saka malinig an kublit na mga kahimanwa, na kinakatakotan sa bilog na kinaban.

Isaias 18:4

Sinabihan ako nin Kagurangnan, “Madungaw ako hale sa langit na mayong ribok arog kan ambon na nahahaman sa mga bangging maalingahot kun tig-ani; mayong ribok siring sa pagliwanag kan aldaw kun odto.

Isaias 45:14

An Kagurangnan nagsasabi sa Israel, “Mapapasaimo an kayamanan nin Egipto saka Etiopia, asin magigin mga oripon mo an haralangkaw na lalaki nin Seba; magsusunod sinda saimo na nakakadena. Maluhod sinda sa atubang mo asin masabi, ‘An Dios kaiba mo—siya sana an Dios.

Mikas 4:13

Nagsasabi an Kagurangnan, “Banwaan nin Jerusalem, lakaw asin padusahan mo an saimong mga kaiwal! Gigibohon takang makosog arog sa sarong torong baka na igwang lansang na sungay saka kuku na bronse. Roronoton mo an dakul na nasyon, asin an kayamanan na saindang kinua sa paagi nin dahas idodolot mo sako, an Kagurangnan kan bilog na kinaban.”

Habakkuk 1:7

Pinapalakop ninda an takot saka kadahasan, asin sa saindang kapalangkawan, sinda mismo an naggigibo nin pagboot.

Sofonias 3:10

Hale sa harayong daga nin Etiopia, an nagkawararak kong banwaan madara sako nin mga dolot.

Malakias 1:11

Inoomaw ako kan katawohan magpoon sa sarong poro kan kinaban sagkod sa ibong na poro kaiyan. Nagtututong sinda nin insenso sa sako saen man na lugar asin nagdodolot sinda nin maninigong mga sakripisyo. Gabos sinda nag-oomaw sako!

Mateo 2:11

Paglaog ninda sa harong, nahiling ninda an omboy asin si Maria na saiyang ina. Nagluhod sinda saka nagsamba sa omboy. Dangan idinolot ninda saiya an mga dara nindang regalong bulawan, insenso, asin mira.