Isaias 18:6 - Marahay na Bareta Biblia

⁶ An bangkay kan saindang mga soldados magkakawaralat sa mga gamgam saka sa mga lalaw na hayop. Sa tig-init, kakakanon kan mga gamgam an saindang mga bangkay, asin sa tig-lipot, an mga lalaw na hayop an magibo kaiyan.”

Isaias 18:6 ပူးပေါင်းရင်းမြစ်များ

Isaias 14:19

alagad mayo ka nin lulubngan, asin itinapok sana an saimong bangkay tanganing maglapa. Natahoban iyan kan mga bangkay kan mga soldados na nagkagaradan sa gera, na itinapok kaiba kan mga iyan sa sarong kalot, dangan pinagtimaktimakan.

Isaias 23:13

An mga taga Babilonia, asin bako an mga taga Asiria, an nagbugtak nin mga lalaw na hayop sa Tiro. An mga taga Babilonia iyo an nagpatindog nin mga tore sa pagsalakay, naggaba kan mga bantayan nin Tiro, asin an naggaba kan syudad bago sinda naghale.)

Isaias 46:11

Inaapod ko an sarong lalaki na magdigdi hale sa sirangan; mananaklot siya siring sa sarong agila asin ootobon niya an sakong katuyohan. Ako an nagtaram, asin mangyayari iyan.

Isaias 56:9

Sinabihan nin Kagurangnan an dayuhan na mga nasyon na magdolok siring sa mga lalaw na hayop tanganing kakanon an saiyang banwaan.

Jeremias 15:3

Ako, an Kagurangnan, an mapadara sainda nin apat na makangingirhat na bagay: magagadan sinda sa gera; guguyodon kan mga ayam an saindang mga bangkay; kakakanon sinda kan mga gamgam; asin sisimoton kan mga lalaw na hayop an matatada sa saindang mga bangkay.

Jeremias 16:4

Magagadan sinda huli sa makangingirhat na mga helang, saka mayo nin matangis ni malubong sainda. An saindang mga bangkay garo odo na matatambak sa daga. Magagadan sinda sa gera saka sa gutom, dangan an saindang mga bangkay magigin kakanon kan mga gamgam asin kan mga lalaw na hayop.

Jeremias 7:33

An mga bangkay magigin pagkakan kan mga gamgam saka mga lalaw na hayop; mayo nin mabugaw sainda.

Ezekiel 31:13

Sa natumbang kahoy na iyan matugdon an mga gamgam, asin an mga sanga kaiyan titimaktimakan kan lalaw na mga hayop.