Isaias 18:2 - Marahay na Bareta Biblia

² Hale sa dagang idto, may mga sugo na nagsasakay sa Salog nin Nilo, sa mga sakayan na gibo sa bariw. Magpuruli kamo, mga marikas na sugo! Sarong mensahe an daraha nindo pabalik sa saindong daga na nababanga nin mga salog; daraha nindo iyan sa saindong makosog saka mapangyaring nasyon, sa saindong haralangkaw saka malinig an kublit na mga kahimanwa, na kinakatakotan sa bilog na kinaban.

Isaias 18:2 ပူးပေါင်းရင်းမြစ်များ

2 Mga Cronica 14:9

Sarong taga Etiopia na an ngaran Zera, an nagsalakay sa Juda kaiba an saiyang hukbo nin sarong milyon na soldados saka tres syentos na karwahe; nakaabot sinda sagkod sa Maresa.

2 Mga Cronica 16:8

Bakong mas dakula an mga hukbo asin mas dakul an mga karwahe saka mga nakakabayong mga soldados kan mga taga Etiopia patin mga taga Libya? Alagad huli ta nagsarig ka sa Kagurangnan, sinda gabos itinao niya sa saimong kamot.

An Libro ni Job 9:26

An sakong buhay minaagi na garong marikas na sakayan, garo sarong agila na minabulusok sa pagsaklot kan kuneho.

Exodo 2:3

Alagad kan dai na niya ini pwedeng itago, kuminua siya nin basket na gibo sa bariw asin linahidan niya nin aspalto tanganing dai laogon nin tubig. Ilinaog niya an saiyang aki sa basket, dangan iwinalat sa tahaw kan mga talahib sa gilid kan salog.

Isaias 18:7

Maabot an panahon na an Kagurangnan nin mga hukbo maako nin mga dolot hale sa dagang ini na nababanga nin mga salog, sa makosog saka mapangyaring nasyon na ini, sa haralangkaw saka malinig an kublit na namamanwaan na kinakatakotan sa bilog na daga. Maduman sinda sa Bukid nin Sion, an lugar na pinagsasambahan sa Kagurangnan nin mga hukbo.

Jeremias 49:14

Nagsabi ako, “Edom, nag-abot sako an sarong mensahe hale sa Kagurangnan. Pinaduman niya sa mga nasyon an sarong sugo tanganing magsabi sainda na tiponon an saindang mga soldados saka mag-andam sa pagsalakay saimo.

Ezekiel 30:9

“Pag-abot kan aldaw na iyan, asin rumpag na an Egipto, mapadara ako nin mga sugo na nakalunad sa mga barko tanganing takoton an mayong pakaaram na banwaan nin Etiopia, dangan magkakatarakot sinda. Nagdadangadang na an aldaw na iyan!”

Obadias 1:1

Iyo ini an propesiya ni Obadias—an itinaram nin Kagurangnan Dios manongod sa nasyon nin Edom. Ipinadara nin Kagurangnan an saiyang sugo sa mga nasyon, asin nadangog mi an saiyang mensahe: “Pag-andam! Makigera kita sa Edom!”

Habakkuk 1:7

Pinapalakop ninda an takot saka kadahasan, asin sa saindang kapalangkawan, sinda mismo an naggigibo nin pagboot.

Lukas 10:19

Tinawan ko kamo nin kapangyarihan sa pagbatay sa mga halas saka sa mga uyang asin sa pagdaog kan gabos na kaiwal, kaya dai kamo maaano.