Isaias 17:7 - Marahay na Bareta Biblia

⁷ Pag-abot kan aldaw na iyan, an mga tawo mabalik sa saindang Kaglalang, an banal na Dios nin Israel, sa paghagad nin tabang.

Isaias 17:7 ပူးပေါင်းရင်းမြစ်များ

2 Samuel 22:42

Sinda nag-agrangay alagad mayong nagligtas; nag-apod sinda sa Kagurangnan, alagad dai niya sinda sinimbag.

2 Mga Cronica 31:1

Pakatapos kan pyesta, naglibot an mga Israelita sa mga syudad nin Juda asin pinaralod an mga harigi saka mga simbolo kan diosang si Asera saka rinaot an mga paganong altar asin mga lugar na pagsasambahan sa bilog na Juda, sa Benjamin, sa Efraim asin sa Manases. Pakatapos nagpuruli sinda gabos sa saindang harong.

Salmo 95:6

Madya, magduko asin magsamba kita, lumuhod kita sa atubang nin Kagurangnan na satong Kaglalang!

Isaias 19:22

Papadusahan nin Kagurangnan an mga Egipcio, alagad bobolongon niya sinda. Mabalik sinda saiya, asin dadangogon niya an saindang mga pamibi dangan bobolongon niya sinda.

Isaias 22:11

guminibo kamo sa laog kan syudad nin sarong tangkeng pagtitiponan nin tubig na naghahale sa daan na sapa. Alagad dai nindo tinawan nin halaga an Dios, na nagplano kaini haloy nang panahon asin naggibong mangyari ini.

Isaias 29:24

An mga lolong makakanood na makasabot, asin an danay na naggugumodgumod maoogma nang magpatukdo.”

Oseas 3:5

Alagad madatong an panahon na an banwaan nin Israel mabalik sa Kagurangnan na saindang Dios asin sa sarong kapagarakian ni David na saindang hade. Dangan magkakaigwa sinda nin takot sa Kagurangnan asin maako sinda kan saiyang marahay na mga regalo.

Oseas 6:1

Nagsasabi an mga tawo, “Magbaralik na kita sa Kagurangnan! Kinukulogan niya kita, alagad papaomayan niya kita; linugad niya kita, alagad bubugkoson niya an satong mga lugad.

Amos 3:12

Nagtataram an Kagurangnan, “Siring na duwang bitis o sarong talinga na sana an nakukua kan pastor sa sarong karnero na tinabag nin sarong leon, dikit man na taga Samaria na naghihigda sa magagayon na higdaan an matatada.

Mikas 7:7

Alagad maghahalat ako sa Kagurangnan; padagos akong maglalaom sa Dios na maligtas sako. Dadangogon ako kan sakong Dios.