Isaias 17:4 - Marahay na Bareta Biblia

⁴ Nagsabi an Kagurangnan, “Maabot an aldaw na matatapos an kadakulaan nin Israel, asin an kayamanan kaiyan mariribayan nin kadukhaan.

Isaias 17:4 ပူးပေါင်းရင်းမြစ်များ

Genesis 41:3

Dai nahaloy, pito pang baka na maniniwang asin makakanos an naghawas asin nagtindog sa kataed kan ibang mga baka na yaon duman sa pangpang kan salog.

2 Mga Hade 17:3

Nakigera si Salmaneser na emperador nin Asiria laban ki Hosea; nagsuko si Hosea ki Salmaneser asin nagbuhis saiya taon-taon.

2 Mga Hade 17:6

Kan ikasiyam na taon kan paghahade ni Hosea, nasakop kan emperador nin Asiria an Samaria. An mga Israelita dinara niya sa Asiria bilang mga bihag, dangan pinaerok sa syudad nin Hala, asin sa harani kan salog nin Habor sa distrito nin Gozan, saka sa mga syudad nin Media.

Isaias 10:16

Kaya an Kagurangnan nin mga hukbo mapadara nin helang tanganing padusahan an mga basog ngunyan. Magkakaigwa sa saindang mga hawak nin garo sarong kalayo na padagos na naglalaad.

Isaias 10:3

Ano an saindong gigibohon kun padusahan na kamo nin Dios? Kun ipadara na niya saindo an kapahamakan na hale sa harayong lugar? Sa kiisay kamo mahagad nin tabang? Saen nindo tatagoon an saindong kayamanan?

Isaias 10:4

Magagadan kamo sa gera o guguyodon pasiring sa harayong lugar bilang mga bilanggo. Alagad dai pa matatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Isaias 17:3

An Israel mawawaraan nin mga toreng bantayan, asin an kahadean mawawara sa Damasco. An mga taga Siria na matatada magigin sarong kasosopgan siring sa banwaan nin Israel. Ako, an Kagurangnan nin mga hukbo, an nagtaram.”

Isaias 24:13

Siring kaini an mangyayari sa lambang nasyon sa kinaban. Makakaarog iyan sa kataposan kan pag-ani, pakatapos na parakdagon an gabos na oliba sa lambang poon asin gunoon sa balagon an huring ubas.

Isaias 24:16

Hale sa poro kan kinaban madadangog nyato an mga awit nin pag-omaw sa Israel, an matanos na nasyon. Alagad mayo ako nin paglaom! Nagrarani sako an kagadanan! Padagos sa pagpasaluib an mga parapasaluib, asin nag-oorog an saindang pagpapasaluib.

Isaias 9:21

Sinasalakay kan mga taga Manases an mga taga Efraim; siring man an ginigibo kan mga taga Efraim, dangan sinasalakay nindang duwa an Juda. Alagad dai pa natatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Isaias 9:8

Hinukoman na nin Kagurangnan an kahadean nin Israel, an mga kapagarakian ni Jacob.

Ezekiel 34:20

“Kaya ini an tataramon ko, an Kagurangnan Dios: Ako mismo an mahukom sa mataba saka sa maniwang na mga karnero.

Amos 3:12

Nagtataram an Kagurangnan, “Siring na duwang bitis o sarong talinga na sana an nakukua kan pastor sa sarong karnero na tinabag nin sarong leon, dikit man na taga Samaria na naghihigda sa magagayon na higdaan an matatada.

Sofonias 2:11

Tatakoton sinda nin Kagurangnan. Hahalean niya nin halaga an mga dios-dios kan daga, dangan sasambahon siya kan lambang nasyon, an lambang saro sa sadiri niyang daga.