Isaias 17:14 - Marahay na Bareta Biblia

¹⁴ Sinda an dahelan nin takot pagkabanggi, alagad pagkaaga, mayo na sinda. Iyan an nangyayari sa kiisay man na masamsam kan satong daga.

Isaias 17:14 ပူးပေါင်းရင်းမြစ်များ

2 Mga Hade 19:3

Iyo ini an ipinapataram niya ki Propeta Isaias, “An aldaw na ini aldaw nin kahaditan, kapadusahan, asin kasosopgan; dapat nang mamundag an aki alagad dai siya ikinakaluwas kan ina huli ta mayo na ini nin kosog.

2 Mga Hade 19:35

Kan bangging idto sarong anghel nin Kagurangnan an nagduman sa kampo kan mga taga Asiria asin ginadan an syento otsenta y singko mil na soldados. Pagkaaga kan sunod na aldaw, mahihiling sindang nahuhutad, gabos gadan!

An Libro ni Job 20:29

“Iyo ini an palad kan mga maraot, an pamanang itinalaan para sainda nin Dios.”

Salmo 37:36

Nag-agi ako giraray, asin mayo na siya duman; hinanap ko siya, alagad dai ko siya nakua.

Mga Talinhaga 22:23

Susurogon sinda nin Kagurangnan, asin hohomaan niya an buhay nin siisay man na naghohoma kan buhay ninda.

Isaias 10:25

Huli ta kadikit na sanang panahon asin matatapos na an pagpadusa saindo, dangan sinda an gagadanon ko.

Isaias 21:12

Nagsimbag ako, “Madali na an aga, alagad maabot giraray an banggi. Kun boot mong maghapot giraray, magbalik ka asin maghapot.”

Isaias 29:2

dangan an Dios madara nin kasakitan sa syudad na inaapod “altar nin Dios.” Magkakaigwa nin paghibi saka paghaya, asin an bilog na syudad magigin sarong altar na natatahoban nin dugo.

Isaias 29:5

Alagad an gabos na dayuhan na masalakay saimo, Jerusalem, ipapalid siring sa alpog, asin an saindang mga nakakatakot na hukbo maralayog siring sa dagami. Dangan sa madali, sa oras na dai mo linalaoman,

Isaias 29:7

Dangan an gabos na hukbo kan mga nasyon na nagsasalakay sa syudad nin altar nin Dios, an saindang mga armas saka kagamitan—an gabos—mapapara siring sa sarong pangatorogan, siring sa sarong bisyon sa banggi.

Isaias 30:28

Sinusugo niya an doros sa saiyang enotan siring sa baha na minadara kan gabos na maaagihan kaiyan. Sinisighid kaiyan an mga nasyon sa saindang kapahamakan asin tinatapos an mga maraot nindang mga plano.

Isaias 33:1

Herak man sa samong mga kaiwal! Nanghabon saka nagpasaluib sinda, maski mayo nin nanghabon asin nagpasaluib sainda. Alagad matatapos na an panahon kan saindang panghahabon asin pagpapasaluib; sinda mismo an magigin biktima nin panghabon asin pagpasaluib.

Isaias 33:18

An dati nindong natatakotan na mga dayuhan na parasingil nin buhis saka mga espiya magigin saro na sanang giromdom.

Isaias 34:17

Maerok sinda sa daga sagkod pa man, asin masasadirihan ninda iyan sagkod lamang.

Isaias 41:12

asin mawawara sa daga.

Jeremias 13:25

Sinabi niya na iyan an saimong aabotan. Gigibohon niya iyan saimo huli ta liningawan mo siya asin nagsarig ka sa bakong totoong mga dios.

Jeremias 2:3

Israel, ika para sa sakuya sana; ika an sakong banal na rogaring. Pinadarahan ko nin kasakitan asin kapahamakan an siisay man na nagkulog saimo. Ako, an Kagurangnan, an nagtaram.”

Jeremias 49:10

Alagad hinubaan ko an mga kapagarakian ni Esau. Ihinayag ko an saindang mga pinagtatagoan, kaya dai na sinda makakatago maski saen. Ginadan an gabos na taga Edom. Mayo nin natada sainda maski saro.

Ezekiel 39:10

Dai na sinda maduman sa kaomahan tanganing mangua nin igatong, asin dai na sinda mamamalod nin kahoy sa kadlagan, huli ta an nabayaan na mga armas iyo an gagamiton ninda. Hahabonan asin sasamsaman ninda an nanghabon saka nanamsam sainda.” An Kagurangnan Dios an nagtaram.

Zacarias 2:12

An Juda magigin sarong mahalagang rogaring giraray nin Kagurangnan sa banal na daga, asin an Jerusalem iyo an syudad na mamomotan niya nin orog sa gabos.

Hukom 5:31

Magkagaradan logod, sa siring na paagi an gabos mong kaiwal, O Kagurangnan, alagad magliwanag logod an saimong mga katood siring sa minasirang na aldaw! Dangan nagkaigwa nin katoninongan sa daga sa laog nin kwarentang taon.